បេសកកម្មសន្តិសុខនៅប្រទេសហៃទី ត្រូវបានបន្ថែមពេលមួយឆ្នាំទៀត

ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃចន្ទ បានបន្ថែមពេលការ​អនុញ្ញាត​ចំពោះ​បេសកកម្ម​នគរបាលពហុជាតិសាសន៍នៅក្នុងប្រទេសហៃទី ដែលត្រូវបាន​បំផ្លាញ​ដោយ​អំពើ​ឧក្រិដ្ឋ​កម្ម ប៉ុន្តែ គ្មានការអំពាវនាវណាមួយ​ដើម្បីប្រែក្លាយបេសកម្មនេះឲ្យទៅជាបេសកកម្ម​រក្សា​សន្តិភាព​របស់អង្គការសហប្រជាជាតិ ដូចដែលបានស្នើឡើងដោយទីក្រុងព័រអូប្រាំង នោះទេ។

សេចក្តីសម្រេច ដែលបានអនុម័តជាឯកច្ឆ័ន្ទ បានបង្ហាញពីការព្រួយបារម្ភយ៉ាងខ្លាំងអំពី​ស្ថានភាព​នៅ​ក្នុង​ប្រទេសហៃទី រួមមានអំពើហិង្សា សកម្មភាពឧក្រិដ្ឋកម្ម និងការភៀសខ្លួនយ៉ាងច្រើន។

អង្គការ​សហប្រជាជាតិ បាននិយាយថាមនុស្សជាង៣.៦០០នាក់ ត្រូវបានសម្លាប់នៅឆ្នាំនេះ នៅក្នុង​អំពើហិង្សារបស់ក្រុមជនអន្ធពាល ដែលបានញាំញីនៅក្នុងប្រទេសនេះ។

បេសកកម្មការពារដឹកនាំដោយប្រទេសកេនយ៉ា ដែលស្វែង​រក​ជំនួយ​ដល់​នគរបាល​ជាតិ​ប្រទេស​ហៃទី ្នុងការដណ្តើមយកមកវិញនូវតំបន់ដែលស្ថិតនៅក្រោមការគ្រប់គ្រងរបស់ក្រុមជនអន្ធពាល ត្រូវ​បាន​បន្ថែមពេល រហូតដល់ថ្ងៃទី២ ខែតុលា ឆ្នាំ២០២៥។

ជាច្រើនខែ​បន្ទាប់ពីមានភ្លើងខៀវដំបូងរបស់ក្រុមប្រឹក្សា នៅក្នុងខែតុលា ឆ្នាំ២០២៣ ប្រទេស​កេន​យ៉ា​បាន​ចាប់ផ្តើមដាក់ពង្រាយកងកម្លាំងរបស់ខ្លួនដំបូងគេ នៅក្នុងរដូវក្តៅនេះ។

បច្ចុប្បន្ន​ កម្លាំងមានបុគ្គលិកប្រហែល៤០០នាក់។