ព័ត៌មាន
អាណាព្យាបាលសិស្សបង្ហាញទឹកមុខសប្បាយរីករាយ ខណៈជូនកូនមកប្រឡងបាក់ឌុបព្រឹកនេះ
ខណៈដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) បានចាប់ផ្តើមដំណើរការជាផ្លូវការនៅព្រឹកថ្ងៃទី៨ ខែតុលា ឆ្នាំ២០២៤នេះ ក្រុមអាណាព្យាបាលសិស្ស បានបង្ហាញអារម្មណ៍រំភើប និងទឹកមុខសប្បាយរីករាយ ដែលបានឃើញកូនខិតខំរៀនសូត្រ រហូតបានឈានដល់ការប្រឡងបាក់ឌុបថ្ងៃនេះ។
លោក ញ៉ែម ថា ប្រជាពលរដ្ឋមកពីស្រុកគងពិសី ខេត្តកំពង់ស្ពឺ ដែលបានជូនកូនរបស់ខ្លួនមកប្រឡងបាក់ឌុប នៅមណ្ឌលប្រឡងវិទ្យាល័យ ជាស៊ីម សន្ធរម៉ុក បានលើកឡើងថា នេះជាលើកទីមួយហើយ ដែលលោក និងភរិយាបានជូនកូនមកប្រឡងបាក់ឌុប។ លោកបន្តថា លោក និងភរិយាពិតជាសប្បាយរីករាយយ៉ាងខ្លាំង ពីព្រោះការទន្ទឹងរង់ចាំជាយូរឆ្នាំមកហើយបានឃើញកូនខិតខំសិក្សារៀនសូត្រ រហូតឈានដល់ការប្រឡងនៅថ្ងៃនេះ។
ស្រដៀងគ្នានេះ អាណាព្យាបាលសិស្សដទៃទៀត ដែលកំពុងឈររង់ចាំកូនពីចម្ងាយបន្ទប់ប្រឡង បាននិយាយថា តាមការសង្កេតឃើញការខិតខំសិក្សារបស់កូន ពួកគាត់សង្ឃឹមច្រើនាកូនៗរបស់ពួកគាត់អាចប្រឡងជាប់ ដោយសារតាំងពីដើមឆ្នាំ រហូតមកដល់ពេលនេះ កូនៗរបស់ពួកគាត់បានខិតខំរៀនសូត្រ និងមើលមេរៀនជាប់ជាប្រចាំ។
ទាក់ទិនមណ្ឌលប្រឡងនៅវិទ្យាល័យ ជាស៊ីម សន្ធរម៉ុកនេះ ក្រុមអាណាព្យាបាលសិស្ស បញ្ជាក់ថា ការរៀបចំដំណើរការប្រឡងពិតជាមានលក្ខណៈល្អប្រសើ និងមានតម្លាភាពត្រឹមត្រូវ ដែលធ្វើឱ្យមាតាបិតាសិស្សអាចទទួលយកបាន។ ពួកគាត់ បានជូនពរទៅដល់បេក្ខជនប្រឡងបាក់ឌុបទាំងអស់ ត្រូវខិតខំប្រឹងប្រែងយកចិត្តទុកដាក់ ក្នុងការប្រឡងឱ្យបានជាប់និទ្ទេសល្អគ្រប់ៗគ្នាផងដែរ។ សូមបញ្ជាក់ថា ដំណើរការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៣-២០២៤ មានរយៈពេល ២ថ្ងៃ គឺថ្ងៃទី៨ និងទី៩ ខែតុលា ឆ្នាំ២០២៤ ដែលមានបេក្ខជនចូលរួមប្រឡងនៅទូទាំងប្រទេសសរុបចំនួនជិត ១៤ ម៉ឺននាក់៕ អត្ថប៖ ឈិត បូរ៉ាវី
-
ព័ត៌មាន6 days agoក្រុមគ្រូពេទ្យខេត្តកោះកុង ចុះបេសកម្មពិនិត្យព្យាបាលជំងឺទូទៅ អប់រំសុខភាពមាត់ធ្មេញជូនប្រជាពលរដ្ឋនៅឃុំថ្មដូនពៅ
-
ព័ត៌មាន1 week agoការថែទាំខួបផ្លូវជាការចាំបាច់ សម្រួលការធ្វើដំណើរ និងការប្រកបមុខរបរផ្សេងៗរបស់ប្រជាពលរដ្ឋ
-
ព័ត៌មាន1 week agoគណៈប្រតិភូជាន់ខ្ពស់រដ្ឋសភាកម្ពុជា អញ្ជើញដាក់កម្រងផ្កា និងគោរពវិញ្ញាណក្ខន្ធវីរបុរសជាតិ និងយុទ្ធជនពលីដើម្បីបុព្វហេតុជាតិ របស់ប្រទេសអាស៊ែបៃហ្សង់
-
ព័ត៌មាន1 week agoឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក
-
ព័ត៌មាន1 week agoសម្តេចរដ្ឋសភាធិបតី ឃួន សុដារី អញ្ជើញដឹកនាំគណៈប្រតិភូរដ្ឋសភានិវត្តន៍មកកាន់មាតុប្រទេសវិញ ក្រោយបញ្ចប់ដំណើរទស្សនកិច្ចនៅប្រទេសហុងគ្រី និងចូលរួមវេទិកាសន្តិភាពប៉ារីស នៅប្រទេសបារំាង
-
ព័ត៌មាន1 week agoសម្ដេចធិបតី៖ ក្នុងពេលសង្គ្រាមព្រំដែនកម្ពុជា-ថៃ សិស្សបានរៀនជាលក្ខណៈប្រមូលផ្តុំ នៅសាលារៀន និងនៅជំរំ ខណៈបន្ទាប់ពីសង្គ្រាមស្ងប់ស្ងាត់សាលារៀនមួយចំនួន បានបើកដំណើរការឡើងវិញ
-
ព័ត៌មាន1 week agoឯកឧត្តម សាយ សំអាល់៖ ការរស់នៅបានសុខក្នុងសន្តិភាព ធ្វើឲ្យជាតិសាសន៍នានានៅកម្ពុជារួមគ្នាប្រឆាំងសង្គ្រាម
-
ព័ត៌មាន1 week agoរាជរដ្ឋាភិបាលសម្រេចពន្យារពេលអនុវត្តការយកពន្ធលើចំណេញមូលធនទ្រព្យចំនួន ៦ ប្រភេទរហូតដល់ថ្ងៃទី១ ខែមករា ឆ្នាំ២០២៦