ព័ត៌មាន
សហភាពសហព័ន្ធយុវជនកម្ពុជាចូលរួមលើការងារជាច្រើនក្នុងការប្រឡងបាក់ឌុប
សហភាពសហព័ន្ធយុវជនកម្ពុជា (ស.ស.យ.ក) បានក្លាយជាភាគីសំខាន់មួយ ដែលតែងមានវត្តមានចូលរួមក្នុងសកម្មភាពរៀបចំដំណើរការប្រឡងបាក់ឌុប ជាច្រើនឆ្នាំមកនេះ។ ជាក់ស្ដែងឆ្នាំនេះ មិនខុសពីឆ្នាំមុនៗ ស.ស.យ.ក បានចូលរួមលើសកម្មភាព ទាំងការបំប៉នសិស្សត្រៀមប្រឡង ការបង្កើតកម្មវិធីសិក្សាលើប្រព័ន្ធទូរស័ព្ទ ក៏ដូចជាការចូលរួមសង្កេតការណ៍ និងការចូលរួមសម្រួលក្នុងការផ្ញើយានជំនិះរបស់បេក្ខជនប្រឡងថែមទៀតផង។ នេះជាការលើកឡើងរបស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក្នុងឱកាសចុះត្រួតពិនិត្យដំណើរការប្រឡង នៅមណ្ឌលប្រឡងវិទ្យាល័យព្រះស៊ីសុវត្ថិ នាព្រឹកថ្ងៃទី៨ ខែតុលានេះ។
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជន នៅថ្ងៃប្រឡងបាក់ឌុប ដំបូង បានចូលរួមក្នុងការត្រួតពិនិត្យលើដំណើរការប្រឡងបាក់ឌុប នៅមណ្ឌលប្រឡងវិទ្យាល័យព្រះស៊ីសុវត្ថិ។ ក្នុងនាមជាថ្នាក់ដឹកនាំ សហភាពសហព័ន្ធយុវជនកម្ពុជា ឯកឧត្តម រម្លឹកថា ស.ស.យ.ក បានចូលរួមជាមួយក្រសួងអប់រំ យុវជន និងកីឡា ជាច្រើនឆ្នាំមកហើយ ក្នុងការប្រឡងបាក់ឌុប។
ឯកឧត្តមលើកឡើងថា ក្រុមការងារ ស.ស.យ.ក បានចូលរួមក្នុងសកម្មភាពបំប៉នសមត្ថភាពសិស្សត្រៀមប្រឡងបាក់ឌុប ក៏ដូចជា ការបង្កើតកម្មវិធីសិក្សាលើទូរស័ព្ទដៃ ដើម្ីជួយពង្រឹងសមត្ថភាពសិស្ស នៅពេលដែលមានវិបត្តិកូវីដ ១៩ផងដែរ។
ឯកឧត្តម លើកឡើងដែរថា ក្រុមការងារ ស.ស.យ.ក ជាច្រើននាក់ នៅតាមបណ្ដារាជធានី-ខេត្ត ក៏បានចូលរួម ធ្វើជាអ្នកសង្កេតការណ៍ ក្នុងការធានាបានភាពសុក្រឹត្យត្រឹមត្រូវក្នុងការប្រឡង។ លើសពីនេះ ក្រុមការងារ ស.ស.យ.ក ក៏បានចូលរួមសម្រួលដល់ការផ្ញើយានជំនិះរបស់បេក្ខជន ដើម្បីឱ្យបេក្ខជនមានទំនុកចិត្ត អាចផ្តោតបានទាំងស្រុងលើការប្រឡង ដោយមិនមានក្ដីបារម្ភ លើយានជំនិះរបស់ខ្លួន។
សូមជម្រាបថា ស.ស.យ.ក តែងតែចូលរួមសកម្មភាពយ៉ាងសកម្មក្នុងវិស័យអប់រំកម្ពុជា ជាពិសេសក្នុងការធ្វើការកែទម្រង់ការប្រឡងបាក់ឌុប ចាប់តាំងពីឆ្នាំ២០១៤ រហូតមកដល់បច្ចុប្បន្ន៕ អត្ថបទ៖ គឹម ហុក
-
ព័ត៌មាន6 days agoក្រុមគ្រូពេទ្យខេត្តកោះកុង ចុះបេសកម្មពិនិត្យព្យាបាលជំងឺទូទៅ អប់រំសុខភាពមាត់ធ្មេញជូនប្រជាពលរដ្ឋនៅឃុំថ្មដូនពៅ
-
ព័ត៌មាន1 week agoការថែទាំខួបផ្លូវជាការចាំបាច់ សម្រួលការធ្វើដំណើរ និងការប្រកបមុខរបរផ្សេងៗរបស់ប្រជាពលរដ្ឋ
-
ព័ត៌មាន1 week agoគណៈប្រតិភូជាន់ខ្ពស់រដ្ឋសភាកម្ពុជា អញ្ជើញដាក់កម្រងផ្កា និងគោរពវិញ្ញាណក្ខន្ធវីរបុរសជាតិ និងយុទ្ធជនពលីដើម្បីបុព្វហេតុជាតិ របស់ប្រទេសអាស៊ែបៃហ្សង់
-
ព័ត៌មាន1 week agoឃាត់ខ្លួនជនបរទេសជាង១០០នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា ក្នុងអគារខនដូរ១កន្លែង នៅសង្កាត់បឹងសាឡាង ខណ្ឌទួលគោក
-
ព័ត៌មាន1 week agoសម្តេចរដ្ឋសភាធិបតី ឃួន សុដារី អញ្ជើញដឹកនាំគណៈប្រតិភូរដ្ឋសភានិវត្តន៍មកកាន់មាតុប្រទេសវិញ ក្រោយបញ្ចប់ដំណើរទស្សនកិច្ចនៅប្រទេសហុងគ្រី និងចូលរួមវេទិកាសន្តិភាពប៉ារីស នៅប្រទេសបារំាង
-
ព័ត៌មាន1 week agoសម្ដេចធិបតី៖ ក្នុងពេលសង្គ្រាមព្រំដែនកម្ពុជា-ថៃ សិស្សបានរៀនជាលក្ខណៈប្រមូលផ្តុំ នៅសាលារៀន និងនៅជំរំ ខណៈបន្ទាប់ពីសង្គ្រាមស្ងប់ស្ងាត់សាលារៀនមួយចំនួន បានបើកដំណើរការឡើងវិញ
-
ព័ត៌មាន1 week agoឯកឧត្តម សាយ សំអាល់៖ ការរស់នៅបានសុខក្នុងសន្តិភាព ធ្វើឲ្យជាតិសាសន៍នានានៅកម្ពុជារួមគ្នាប្រឆាំងសង្គ្រាម
-
ព័ត៌មាន1 week agoរាជរដ្ឋាភិបាលសម្រេចពន្យារពេលអនុវត្តការយកពន្ធលើចំណេញមូលធនទ្រព្យចំនួន ៦ ប្រភេទរហូតដល់ថ្ងៃទី១ ខែមករា ឆ្នាំ២០២៦