បេក្ខជន​ប្ដេជ្ញាខ្ពស់​ក្នុងការយកនិទ្ទេស​ល្អជូនខ្លួនឯង និងគ្រួសារ ទោះការ​ប្រឡង​មាន​ការ​រឹត​បន្តឹង​ក៏ដោយ

បើទោះបីជាការប្រឡងមានការរឹតបន្តឹងក៏ដោយ ក៏បេក្ខជនប្រឡង ប្តេជ្ញាខ្ពស់​ក្នុង​ការ​យក​និទ្ទេស​ល្អជូន​ខ្លួនឯង និងក្រុមគ្រួសារ ។

បេក្ខជនប្រឡង នាមណ្ឌលវិទ្យាល័យបាក់ទូងសប្បាយរីករាយ ចំពោះការ​ប្រឡង​ពេញ​មួយ​ព្រឹក​នេះ ព្រោះពួកគាត់ធ្វើបានល្អច្រើន ដែលកត្តានេះអាចកើតឡើងបាន ដោយសារការ​ខិតខំ​ទន្ទេញ​មេរៀ​ន រំលឹកមេរៀន មកជាយូរហើយ មុនមកដល់ដំណាក់កាលប្រឡងនៅថ្ងៃនេះ។

បេក្ខជន រំពឹងខ្ពស់ ក្នុងការប្រឡងឱ្យបានជាប់ និងជាប់ក្នុងការទទួលបាននិន្ទេសល្អ ដើម្បី​សម្រាប់​ខ្លួន​ឯងផង និងផ្តល់ក្តីសប្បាយចិត្តជូនដល់ឪពុកម្តាយផង ។

ឪពុកម្តាយអាណាព្យាបាលសិស្សានុសិស្ស ដែលបានទៅឈររង់ចាំ ដើម្បី​ជា​កម្លាំងចិត្ត​ដល់​កូន​ៗ​របស់​ខ្លួន បានបង្ហាញការគាំទ្របំផុតចំពោះ ក្រសួងដែលបានរឹតបន្តឹងការ​ប្រឡង​ប្រក​ប​ដោយ​ប្រសិទ្ធិ​ភាព ព្រោះនេះជាការធ្វើឱ្យធនធានមនុស្ស កាន់តែមានគុណភាពខ្លាំងខ្លា ដើម្បីជាសសរ​ទ្រូង​ដ៏​រឹង​មាំសម្រាប់សង្គមជាតិទៅថ្ងៃអនាគត។

សូមបញ្ជាក់ថា ិទ្យាល័យបាក់ទូក មានមណ្ឌលប្រឡងចំនួន០៣ , ដោយមានបន្ទប់​ប្រឡង​១០៧​បន្ទប់ និងបេក្ខជនប្រឡងសរុប ២៦៥៤អង្គនាក់ ។

ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៣ – ២០២៤នេះ នឹង​ប្រព្រឹត្តិ​ទៅ​រយៈ​ពេល​២​ថ្ងៃ គិតចាប់ពីថ្ងៃទី០៨ ដល់ថ្ងៃទី០៩ ខែតុលា ឆ្នាំ២០២៤ ។ ក្នុងនោះ បើនិយាយ​សម្រាប់​ក្រប​ខណ្ឌ​ទូទាំងរាជធានីភ្នំពេញវិញ គឺមានមណ្ឌលប្រឡងសរុបចំនួន៣២មណ្ឌល៕ អត្ថបទ ៖ លីហេង