ព័ត៌មាន
UN៖ ជីវិតពលរដ្ឋស៊ូដង់ រាប់មិនអស់អាចស្លាប់បន្ថែមទៀត បើពុំមានវិធានការបន្ទាន់លើវិបត្តិ
មន្ត្រីអង្គការសុខភាពពិភពលោកជាន់ខ្ពស់មួយរូប បាននិយាយកាលពីថ្ងៃអង្គារ (០៨ តុលា) ថា សង្រ្គាមនៅក្នុងប្រទេសស៊ូដង់ អាចនឹងធ្វើឱ្យមនុស្សរាប់មិនអស់បាត់បង់ជីវិតបន្ថែម ប្រសិនបើមិនមានវិធានការជាបន្ទាន់ទេនោះ ដោយសារតែគ្រោះទុរ្ភិក្ស និងជំងឺរីករាលដាល ខណៈការប្រយុទ្ធកាន់តែខ្លាំងក្លាឡើង ហើយបុគ្គលិកផ្តល់ជំនួយពិបាកទៅដល់អ្នករងគ្រោះ។
ជិត ១៨ខែនៃជម្លោះ បណ្តាលឱ្យមានវិបត្តិជនភៀសខ្លួនខាងក្នុងដ៏ធំបំផុតរបស់ពិភពលោក ហើយមនុស្សជាង ២៥លាននាក់ ពោលគឺជាងពាក់កណ្តាលនៃប្រជាជនសរុបរបស់ស៊ូដង់ ត្រូវការអាហារ និងការថែទាំសុខភាពជាបន្ទាន់។ ការប៉ាន់ប្រមាណនៃចំនួនអ្នកស្លាប់កើនឡើងដល់រាប់ម៉ឺននាក់ ប៉ុន្តែមានភាពមិនច្បាស់លាស់ទេ ដោយការគ្រប់គ្រងប្រទេសបានបែងចែករវាងកងទ័ពស៊ូដង់ និងគូប្រជែងរបស់ខ្លួនគឺកងកម្លាំងគាំទ្ររហ័សយោធាប៉ារ៉ា (RSF) ខណៈកន្លែងថែទាំសុខភាពត្រូវបានដួលរលំ។
នាយកប្រចាំតំបន់របស់អង្គការសុខភាពពិភពលោក លោកស្រី ហាណាន បាល់ឃី (Hanan Balkhy) បានប្រាប់សន្និសីទសារព័ត៌មាននៅទីក្រុងគែរថា “បើពុំមានអន្តរាគមន៍ភ្លាមៗទេ គ្រោះទុរ្ភិក្ស និងជំងឺនឹងឆក់យកជីវិតមនុស្សរាប់មិនអស់”។ នៅក្នុងរដ្ឋធានីខាទុម ប្រហែល ៧៥% នៃកន្លែងថែទាំសុខភាពបានបិទដំណើរការ ខណៈស្ថានភាពនៅភាគខាងលិច និងភាគខាងត្បូងនៃប្រទេសកាន់តែអាក្រក់ នេះបើយោងតាមអង្គការសុខភាពពិភពលោក។
លោក រីឆាដ ប្រេណាន (Richard Brennan) នាយកគ្រាអាសន្នប្រចាំតំបន់ បាននិយាយថា ជំងឺអាសន្នរោគជាង ២០.០០០ករណីក់ ត្រូវបានកត់ត្រានៅឆ្នាំនេះ ក្នុងពាក់កណ្តាលនៃរដ្ឋទាំង១៨ របស់ស៊ូដង់ ដែលជាការផ្ទុះឡើងយ៉ាងលឿន។ គួររម្លឹកថា សង្គ្រាមរវាងភាគីប្រយុទ្ធនៅស៊ូដង់ បានចាប់ផ្តើមនៅពាក់កណ្តាលខែមេសា ឆ្នាំ២០២៣ បន្ទាប់ពីជម្លោះបានផ្ទុះឡើងដោយបើកចំហលើផែនការដែលគាំទ្រដោយអន្តរជាតិសម្រាប់ការផ្លាស់ប្តូរឆ្ពោះទៅកាន់ការគ្រប់គ្រងស៊ីវិល៕

-
ព័ត៌មាន1 week ago
ជនសង្ស័យគ្រឿងញៀន០៨នាក់ ជាមុខសញ្ញាលួចឆក់ប្លន់បង្កអសន្តិសុខ ក្នុងមូលដ្ឋានត្រូវ នគរបាលឃាត់ខ្លួន
-
ព័ត៌មាន1 week ago
សម្តេចតេជោ មានការភ្ញាក់ផ្អើលក្រោយគេចោទប្រកាន់កម្ពុជាថា ជាកន្លែងឋានសួគ៍លោកិយនៃការឆបោកល្បែងតាមអនឡាញ
-
ព័ត៌មាន4 days ago
ឧបនាយករដ្ឋមន្ត្រី ទៀ សីហា÷ កងទ័ព២រូប ពលីនៅប្រទេសស៊ូដង់ខាងត្បូង
-
ព័ត៌មាន1 week ago
សម្ដេចធិបតី៖ ប្រទេសជាតិមួយអាចកសាងរីកចម្រើនទៅបាន គឺត្រូវមានមូលធនមនុស្សរឹងមាំ
-
ព័ត៌មាន1 week ago
សម្ដេចតេជោ ហ៊ុន សែន អញ្ជើញដឹកនំគណៈប្រតិភូធ្វើមាតុភូមិនិវត្តន៍
-
ព័ត៌មាន1 week ago
ក្រុមហ៊ុនទឹកស្អាតអានកូក្រុងកំពង់ឆ្នាំង បន្តកាយដីចេញ ក្រោមការត្រួតពិនិត្យពីក្រសួងធនធានទឹក
-
ព័ត៌មាន11 hours ago
លោកជំទាវ ឱ វណ្ណឌីន ក្រើនរំលឹកប្រជាពលរដ្ឋទាំងអស់ពិសេសក្រុមងាយរងគ្រោះនាំគ្នាទៅចាក់វ៉ាក់សាំង Pfizer ដើម្បីការពារជាមុននូវភាពឈឺធ្ងន់ធ្ងរបណ្តាលមកពីវីរុសកូវីដ-១៩ បំប្លែងថ្មី
-
ព័ត៌មាន1 week ago
នាយឧត្តមសេនីយ៍ ស ថេត ជំរុញដល់កងអង្គរក្សប្តេជ្ញាចិត្តរក្សាខឿនការពារជាតិ សន្តិភាព ស្ថិរភាពសង្គម