ព័ត៌មាន
សម្ដេចធិបតី៖ កម្ពុជាបន្តពង្រឹង និងលើកកម្ពស់ពាណិជ្ជកម្មសេរីជាមួយដៃគូអភិវឌ្ឍន៍ទាំងអស់
ក្នុងឱកាសអញ្ជើញជាអធិបតីពិធីអបអរសាទរខួប២០ឆ្នា នៃកម្ពុជាចូលជាសមាជិកអង្គការពាណិជ្ជកម្មពិភពលោក (WTO) នាព្រឹកថ្ងៃទី១៤ ខែតុលា ឆ្នាំ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ថា រាជរដ្ឋាភិបាល កំពុងបន្តពង្រឹង និងលើកកម្ពស់ពាណិជ្ជកម្មសេរីជាមួយប្រទេសជាដៃគូអភិវឌ្ឍន៍ទាំងអស់ដោយឈរលើអភិក្រមពង្រឹងទីផ្សារចាស់ និងពង្រីកទីផ្សារថ្មី ពីព្រោះដើម្បីឈានទៅកម្ពុជាចាកចេញពីប្រទេសក្រីក្រចាំបាច់ គឺត្រូវការពង្រឹងផលិតផល និងសេវាខាងក្នុង និងពង្រីកទីផ្សារខាងក្រៅ។
សម្ដេចធិបតី នាយករដ្ឋមន្រ្ដីមានប្រសាសន៍ថា ទិសដៅ និងគោលនយោបាយរបស់រាជរដ្ឋាភិបាលអាណត្តិទី៧នេះ គឺបន្តអនុវត្តនូវទិសដៅ និងចក្ខុវិស័យច្បាស់របស់កម្ពុជាដែលដឹកនាំដោយរាជរដ្ឋាភិបាលអាណត្តិមុនៗ គ្រាន់តែពេលនេះ ដើម្បីធ្វើឱ្យសម្រេចបានដល់គោលដៅដែលបានកំណត់ វិធីសាស្រ្ដមួយចំនួនក្នុងការដឹកនាំប្រទេសជាតិ គឺត្រូវប្រែប្រួល ប៉ុន្ដែទិសដៅមិនប្រែប្រួលនោះទេ។
សម្ដេចធិបតីបញ្ជាក់ថា បច្ចុប្បន្ននេះ មានយន្តការច្រើននៅក្នុងតំបន់ ជាពិសេស យន្តការខ្លះពាក់ព័ន្ធតិចតួចជាមួយសេដ្ឋកិច្ច ប៉ុន្ដែមានចរិកលក្ខណៈជានយោបាយសន្ដិសុខ ដែលអាចប៉ះពាល់ទៅដល់នយោបាយអព្យាក្រឹត្យរបស់កម្ពុជា ដែលកម្ពុជាចាំបាច់ត្រូវបញ្ជាក់ឱ្យច្បាស់ថា កម្ពុជាមិនចូលរួមជាមួយយន្តការមួយណាដែលមានចរិកបង្កើតឡើងដើម្បីប្រកួតប្រជែង ឬប្រឆាំងជាមួយប្រទេសណា ឬប្លុកណានោះទេ។ កម្ពុជាចូលជាមួយន្តការ ឬប្លុកណាដែលមានទិសដៅរួមក្នុងការថែរក្សាសុខដុមនីយកម្ម សុខសន្ដិភាព និងវិបុលភាពនៅក្នុងតំបន់។
សូមជម្រាបថា ក្នុងឆ្នាំ២០២៣ ទំហំនាំចេញនៃទំនិញសំខាន់ៗរបស់កម្ពុជា រួមមាន៖ សំលៀកបំពាក់ដែលមានតម្លៃប្រមាណ ៧,៨ ពាន់លានដុល្លារអាមេរិក, អង្ករ ១,៧២ ពាន់លានដុល្លារអាមេរិក, សម្ភារៈធ្វើដំណើរ ១,៦ ពាន់លានដុល្លារអាមេរិក, ស្បែកជើង និងស្រោមជើង ១,៣៦ ពាន់លានដុល្លារអាមេរិក,គ្រឿងអេឡិចត្រូនិក និងភាគបង្គំ ៣,១២ ពាន់លានដុល្លារអាមេរិក និងកង់ ៤១៧ លានដុល្លារអាមេរិក។ កម្ពុជាត្រូវបានគណៈកម្មាធិការគោលនយោបាយអភិវឌ្ឍន៍របស់អង្គការសហប្រជាជាតិ ផ្តល់អនុសាសន៍ឲ្យចាកចេញពីចំណាត់ថ្នាក់ប្រទេសអភិវឌ្ឍន៍តិចតួចនៅឆ្នាំ២០២៩ បន្ទាប់ពីកម្ពុជាស្ថិតក្នុងចំណាត់ថ្នាក់នេះតាំងពីឆ្នាំ១៩៩១មក៕អត្ថបទ៖ វ៉ន ដារ៉ា
-
ព័ត៌មាន4 days ago
ក្រុមហ៊ុនមកចិនចំនួនជាង៤០ មកស្វែងយល់សក្តានុពលវិនិយោគនៅកម្ពុជា
-
ព័ត៌មាន1 week ago
សម្តេចធិបតី ណែនាំដល់ប្រមុខការពារជាតិកម្ពុជា ត្រូវតាមដានជាប្រចាំចំពោះកងទ័ពមួកខៀវ កំពុងប្រតិបត្តិការនៅក្រៅប្រទេស
-
ព័ត៌មាន1 week ago
ឯកឧត្តមបណ្ឌិតសភាចារ្យ ហង់ជួន ណារ៉ុន អញ្ជើញចុះពិនិត្យផ្ទៀងផ្ទាត់ ចុះអក្សរសម្ងាត់ និងកាត់ក្បាលសន្លឹកកិច្ចការបេក្ខជនប្រឡងសញ្ញាបត្រមធ្យមសិក្សាទុតិយភូមិ មណ្ឌលកំណែវិទ្យាល័យទួលទំពូង
-
ព័ត៌មាន1 week ago
សម្តេចធិបតី ប្រាប់ក្រសួងសាធារណការពន្លឿនឲ្យចប់ ការចុះអនុស្សរណៈក្នុងការកសាងផ្លូវដែកឲ្យ បានឆាប់
-
ព័ត៌មាន1 week ago
ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអបអរខួប ២០ឆ្នាំ នៃកម្ពុជាចូលជាសមាជិកអង្គការពាណិជ្ជកម្មពិភពលោក
-
ព័ត៌មាន1 week ago
សម្តេចធិបតី ណែនាំពិនិត្យលើការដាក់យោធិនចូលនិវត្ត ដោយមិនត្រូវគិតតែពីអាយុនោះទេ
-
ព័ត៌មាន1 week ago
សម្ដេចធិបតី៖ ២០ឆ្នាំមកនេះ កម្ពុជាបានកែប្រែពីភាពឯកោទៅជាប្រទេសមានយន្តការពហុភាគី និងតំបន់
-
ព័ត៌មាន1 week ago
សម្ដេចធិបតី ហ៊ុន ម៉ាណែត ព្រមានចាត់វិធានការច្បាប់ចំពោះអ្នកក្លែងឯកសារកាត់ឆ្វៀលដីរដ្ឋ