​សិក្ខាកាមេរៀនវគ្គអប់រំនយោបាយជំនាន់ទី៨២រៃអង្គាសថវិកាបាន១០០០០ដុល្លារជួយដល់មន្ទីរពេទ្យគន្ធបុប្ផា និងចូលរួមមូលនិធិកសាងហេដ្ឋារចនាសម្ព័ន្ធតាមព្រំដែន

ភ្នំពេញ ៖ សិក្ខាកាមរៀនវគ្គអប់រំនយោបាយរបស់គណបក្សប្រជាជនកម្ពុជាជំនាន់ទី៨២ ចំនួន១៥១នាក់ បានរៃអង្គាសថវិកាបានចំនួន១០០០០ដុល្លារអាមេរិកជួយដល់មន្ទីរពេទ្យគន្ធបុប្ផានិងចូលរួមក្នុង «មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការសាងសង់នូវផ្លូវក្រវាត់ព្រំដែន។

ថវិកាចំនួន១០០០០ដុល្លារអាមេរិក ដែលបានមកពីបងប្អូនជាសិក្ខាកាមរបស់គណបក្សប្រជាជនកម្ពុជាជំនាន់ទី៨២នេះ គឺបានផ្តល់ជូនដល់ឯកឧត្តម សេង ទៀង នាយករងខុទ្ធកាល័យសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាចំនួន៥០០០ដុល្លារសម្រាប់«មូលនិធិកសាងហេដ្ឋារចនាសម្ព័ន្ធតាមព្រំដែន» ដើម្បីកសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការសាងសង់នូវផ្លូវក្រវាត់ព្រំដែន និងជូនដល់មន្ទីរពេទ្យគន្ធបុប្ផារាជធានីភ្នំពេញចំនួន៥០០០ដុល្លារ៕