នាវាទេសចរណ៍អន្តរជាតិផ្ទុកទេសចរជាងមួយពាន់នាក់ចូលចតធ្វើទស្សនកិច្ចក្នុងខេត្ដព្រះសីហនុ

នាយនគរបាលអន្ដោប្រវេសន៍ច្រកទ្វារកំពង់ផែអន្ដរជាតិក្រុងព្រះសីហនុ បានឱ្យដឹងថា នាវាទេស ចរណ៍​អន្តរជាតិមួយគ្រឿង ឈ្មោះ VIKING ORION សញ្ជាតិ NORWAY ផ្ទុកទេសចរ​បរទេស​ចម្រុះ​ជាតិសាសន៍ជាងមួយពាន់នាក់ បានចូលចតនៅកំពង់ផែស្វយ័តអន្ដរជាតិក្រុងព្រះសីហនុ ដើម្បី​ធ្វើទស្សនកិច្ច នៅ ខេត្ដព្រះសីហនុ ចាប់ពីថ្ងៃទី២៩ ដល់ថ្ងៃទី៣០ ខែតុលានេះ ។

នាវា​ទេសចរណ៍មួយនេះ ផ្ទុកអ្នកដំណើរចម្រុះជាតិសាសន៍ ដោយ​ធ្វើ​ដំណើរ​មក​ពី​ប្រទេស​វៀត​ណាម និងបន្តដំណើរទៅប្រទេសថៃ នៅរសៀលថ្ងៃទី៣០ ខែតុលា នេះ ។ នាវានេះ មាន​ភ្ៀ​ទេសចរ​ចំនួន​៨៦៩ ដែលមានជនជាតិអាមេរិក កាណាដា និងអូស្រ្ដាលី ច្រើនជាងគេ ។

ការ​ចូលចតនាវាទេសចណ៍ បានផ្ដល់​ឱកាស​ឱ្យ​ភ្ញៀវ​ទេសចរ​ចម្រុះ​ជា​តិ​សាសន៍​ទស្សនា​ពី​វឌ្ឍនភាព ខេត្ដព្រះសីហនុ និងបានស្វែងយល់ពីវប្បធម៌រស់នៅរបស់ប្រជាពលរដ្ឋខ្មែរ និងធន​ធាន​ធម្ម​ជាតិ​ដ៏សម្បូរបែប របស់ខេត្ដព្រះសីហនុ និងអាចឱ្យភ្ញៀវទេ​សចរ​បន្ដ​ផ្សព្វ​ផ្សាយ​ពី​ខេត្ដ​ព្រះសីហនុ ក៏ដូចជាប្រទេសកម្ពុជា ក្នុងការ ទាក់ទាញភ្ញៀវទេសចរ សម្រាប់លើក​កម្ពស់​វិស័យ​ទេសចរណ៍​។ ម្យ៉ាងវិញទៀត ការចូលចតនេះ បានផ្ដល់អត្ថ ប្រយោជន៍មួយចំនួន​ដល់​ប្រជា​ពលរដ្ឋ​ខេត្ដ​ព្រះសីហនុ ដែលជាអ្នកលក់ផលិតទេសចរណ៍ ពិសេសអ្នករត់ តាក់ស៊ី ឬម៉ូតូកង់បី និង​ម៉ូតូឌុប ។ល៕