កីឡា
ម៉ឺន មេឃា ចាញ់ ឃីម បូរ៉ា ខណះធី វ៉ារិទ្ធ ឈ្នះណាម ម៉ូរ៉ាក់
ម៉ឺន មេឃា ប្រកួតជាមួយឃីម បូរ៉ានោះ គឺប្រកួតមិនដូចជាវាយជាមួយថៃនោះទេ។ មេឃា វ៉ៃរាងញញើតៗបូរ៉ា ដោយមិនសូវហ៊ាន…
អ្នកប្រដាល់ជើងខ្លាំងកម្ពុជាវ័យក្មេង ម៉ឺន មេឃា ក្លឹបអេភូថងកីឡា ដែលត្រូវបានគេផ្គូអោយជួបប្រកួតជាមួយអ្នកប្រដាល់ជើងចាស់ឃីម បូរ៉ា ក្លឹបរស្មីភូមិគាបខេត្តបន្ទាយមានជ័យ នៅក្នុងកម្មវិធីប្រដាល់បិទទ្វារលើសង្វៀនខារ៉ាបាវបាយ័នស្ទឹងមានជ័យ កាលពីយប់ថ្ងៃអាទិត្យទី១៩មេសា ២០២០នោះ បានវាយចាញ់ឃីម បូរ៉ាដោយពិន្ទុ។
ម៉ឺន មេឃា ប្រកួតជាមួយឃីម បូរ៉ានោះ គឺប្រកួតមិនដូចជាវាយជាមួយថៃនោះទេ។ មេឃា វ៉ៃរាងញញើតៗបូរ៉ា ដោយមិនសូវហ៊ានចូលកៀកឬក៏សម្រុកខ្លាំងនោះឡើយ។ ក្នុងការប្រកួត៥ទឹកពេញ ម៉ឺន មេឃា ត្រូវបូរ៉ា ទាត់និងចាប់ផ្តួលពីរទៅបីលើក ដែលបញ្ជាក់ថា មេឃាចាញ់ពិន្ទុបូរ៉ាបាត់ទៅហើយ។
ឃីម បូរ៉ា ជាអ្នកប្រដាល់ជើងខ្លាំង ជាប្អូនបង្កើតរបស់ម្ចាស់មេដាយមាសស៊ីហ្គេមឃុន ឌីម៉ា។ គេបានបាត់មុខពីសង្វៀនបាយ័ននេះយូរឆ្នាំហើយ តាំងពីឆ្នាំ២០១៦កន្លងមកនោះ។ ជាអ្នកប្រដាល់ជើងចាស់ បូរ៉ា មានប្រវត្តិប្រកួតចំនួន១០៣លើក គេវាយឈ្នះ៨១លើក ចាញ់១៨លើក និងស្មើ០៤លើក។ ឯ ម៉ឺន មេឃា ជាកូនប្រុសបង្កើតរបស់អតីតជើងខ្លាំងអេភូថងនោះ គេមានកម្រិតសមត្ថភាពបច្ចេកទេសល្អ កាយសម្បទារឹងមាំ ដោយធ្លាប់ឆ្លងកាត់ការប្រកួតទើបតែ៥០លើកប៉ុណ្ណោះ គឺតិចជាងឃីម បូរ៉ា ជាងពាក់កណ្តាលឯណោះ។
ចំណែក អ្នកប្រដាល់ជើងខ្លាំងស្រករក្រោយ ធី វ៉ារិទ្ធ ក្លឹបអាណាចក្រគុនខ្មែរ ដែលគេទទួលស្វាគមន៍ការសុំសងសឹករបស់អ្នកប្រដាល់ជើងចាស់ណាម ម៉ូរ៉ាក់ ក្លឹបពន្លឺសាមគ្គីខេត្តបាត់ដំបង ក្នុងប្រភេទទម្ងន់៦០គីឡូក្រាមនោះ បានវាយឈ្នះម៉ូរ៉ាក់ដោយពិន្ទុជាលើកទី២។ ធី វ៉ារិទ្ធ គេជាអ្នកប្រដាល់ស្រករក្រោយ ឯ អ្នកប្រដាល់ណាម ម៉ូរ៉ាក់ គេជាជើងចាស់។ តែណាម ម៉ូរ៉ាក់ ធ្លាប់ត្រូវធី វ៉ារិទ្ធ ផ្តួលឲ្យបោះបង់ការប្រកួតក្នុងទឹកទី៤ម្តងមកហើយ កាលពីថ្ងៃទី៣០ ខែវិច្ឆិកា ២០១៩កន្លងមក នៅលើសង្វៀនបាយ័នស្ទឹងមានជ័យនេះ។
ណាម ម៉ូរ៉ាក់ ឡើងមកសងសឹកធី វ៉ារិទ្ធ គឺមិនអាចសម្រេចតាមបំណងនោះឡើយ។ ក្នុងការប្រកួតគ្នា៥ទឹកពេញនោះ ណាម ម៉ូរ៉ាក់ វាយមិនចូលជាមួយធី វ៉ារិទ្ធ ទេ ដោយសារគេចាញ់កម្លាំងស៊ុហ្វវ៉ារិទ្ធ ដែលគេមានវ័យក្មេងជាង កម្លាំងខ្លាំងជាង ម្ល៉ោះហើយគេវាយបុកខ្លាំងដែល ធ្វើឲ្យម៉ូរ៉ាក់ ថិតក្នុងស្ថានភាពទប់ទល់និងការពារច្រើនជាងការវាយបកទៅលើវ៉ារិទ្ធនោះ។ ចំពោះការប្រកួតរវាងអ្នកប្រដាល់រួមជាតិពីរគូផ្សេងទៀតនោះ យិប ឌុក អ្នកប្រដាល់ក្លឹបរស្មីភូមិគាបខេត្តបន្ទាយមានជ័យ ត្រូវរឿង សារិទ្ធ ក្លឹបមកុដរាជសីហ៍ផ្តួលឲ្យបោះបង់ការប្រកួតក្នុងទឹកទី៤។ យិប ឌុក ត្រូវអាជ្ញាកណ្តាលរាប់៨ពីរដងនៅក្នុងទឹកទី៣ និងចូលដើមទឹកទី៤ ក៏ត្រូវអាជ្ញាកណ្តាលបញ្ឈប់លែងឲ្យប្រកួត បន្ទាប់ពីត្រូវរឿថ សារិទ្ធ ទាត់អោយដួលម្តងទៀតនោះ។ អ្នកប្រដាល់ទាំងពីរនាក់នេះ ជួបប្រកួតគ្នាក្នុងប្រភេទទម្ងន់៥៤គីឡូក្រាម៕
អត្ថបទ៖ វិសិទ្ធ
-
ព័ត៌មាន1 week agoTOP STORY | សម្ដេចតេជោសែនអំពាវនាវដល់ពលករនៅថៃឱ្យវិលត្រលប់មកមាតុភូមិវិញមុនពេលអាជ្ញាធរថៃបណ្តេញចេញ និងប្រមាថ
-
ព័ត៌មាន1 week agoTOP STORY | សម្ដេចតេជោ គាំទ្រការបិទច្រកអន្តរជាតិដូងខេត្តបាត់ដំបង ខណៈថៃប្រើច្រកនេះដឹកទំនិញឆ្លងកាត់ទៅវៀតណាមរាប់រយឡានក្នុងមួយថ្ងៃៗ
-
ព័ត៌មាន1 week agoសម្តេចតេជោ អំពាវនាវពលរដ្ឋខ្មែរកុំធ្វើអំពើជ្រុលនិយមបាតុកម្មប្រឆាំងស្ថានទូតថៃប្រចាំកម្ពុជា
-
ព័ត៌មាន4 days agoTOP STORY | សម្ដេចតេជោបញ្ជាក់ថា សំឡេងសន្ទនារវាងសម្ដេច និងនាយករដ្ឋមន្រ្តីថៃបានផ្ញើទៅមន្រ្ដីពាក់ព័ន្ធប្រហែល៨០នាក់»
-
ព័ត៌មាន1 week agoកិច្ចប្រជុំ JBC កម្ពុជា-ថៃ រយៈពេលពីរថ្ងៃបញ្ចប់ដោយរលូន និងបានឯកភាពអនុម័តលើរបៀបវារៈចំនួន៤
-
ព័ត៌មាន1 week agoគណៈប្រតិភូព្រឹទ្ធសភា ចុះសួរសុខទុក្ខកងកម្លាំងជួរមុខការពារព្រំដែននៅខេត្តព្រះវិហារ
-
ព័ត៌មាន6 days agoអភិបាលខេត្តបន្ទាយមានជ័យ៖ ក្រុមការងារពាក់ព័ន្ធកំពុងត្រៀមទទួលពុកម៉ែបងប្អូនមានកន្លែងស្នាក់នៅបណ្តោះអាសន្ន រយៈពេលវែង និងសម្រួលឯកសារពាក់ព័ន្ធ
-
ព័ត៌មាន6 days agoសម្ដេចតេជោ អំពាវនាវឱ្យពលរដ្ឋខ្មែរងាកមកប្រើប្រាស់បន្លែផ្លែឈើក្នុងស្រុក ដោយព្រមានបិទការនាំចូលពីថៃ