[UPDATE] ចំនួនអ្នកស្លាប់ក្នុងភ្លើងឆេះព្រៃនៅ Los Angeles កើនដល់ជាង២០នាក់ ក្នុងពេលខ្យល់បក់ខ្លាំងដ៏គ្រោះថ្នាក់បង្កើនការគំរាមកំហែង

ក្រុមមន្ត្រីបាននិយាយថា ចំហេះព្រៃនៅទូទាំងតំបន់ Los Angeles សហរដ្ឋអាមេរិកបានបណ្ដាលឲ្យអ្នកស្លាប់កើនឡើងដល់២៤ នាក់ និងបានបំផ្លិចបំផ្លាញសំណង់ជាង ១២.០០០កន្លែង ដោយបានឆាបឆេះទំហំជាង ៦០ ម៉ាយក្រឡា និងធ្វើឱ្យមនុស្សរាប់ពាន់នាក់ជម្លៀសចេញពីទីលំនៅ។

យន្តហោះទម្លាក់ទឹក ព្យាយាមទប់ស្កាត់កុំឲ្យអណ្ដាតភ្លើង ប៉ាលីសេដ ឆេះរាលដាលនៅតាមតំបន់ជើងភ្នំហើយទូរទស្សន៍ KTLAបានរាយការណ៍ថា ក្រុមអ្នកពន្លត់អគ្គិភ័យបានព្យាយាមជួយសង្រ្គោះផ្ទះមួយចំនួនទោះបីផ្ទះផ្សេងៗទៀត ត្រូវបានក្លាយជាចំណីភ្លើងរួចហើយក៏ដោយ។

ក្រុមមន្ត្រីបាននិយាយថា មនុស្សជាង១៥០.០០០នាក់នៅក្នុងស្រុក Los Angeles ស្ថិតនៅក្រោមការបញ្ជាជម្លៀសដោយមានមនុស្សជាង៧០០នាក់បានស្នាក់នៅបណ្ដោះអាសន្នក្នុងជម្រកនួន្លែង។

បម្រាមគោចរចូលជាធរមានសម្រាប់តំបន់ភ្លើងឆេះព្រៃប៉ាលីសេដ (Palisades) និងអឺតុន(Eaton) ចាប់ពីម៉ោង ៦ ល្ងាច ដល់ម៉ោង ៦ព្រឹក។

ក្រុមមន្ត្រីបាននិយាយថា ក្រុមពន្លត់អគ្គិភ័យមកពីរដ្ឋ California និងរដ្ឋចំនួន៨ ផ្សេងទៀត ប្រទេស    កាណាដា និងម៉ិកស៊ិក គឺជាផ្នែកនៃការឆ្លើយតបដែលកំពុងបន្ត ដែលរួមមានរថយន្តពន្លត់អគ្គិភ័យជាង ១.៣០០គ្រឿង យន្តហោះ៨៤គ្រឿង និងកម្លាំងអ្នកពន្លត់អគ្គិភ័យជាង១៤.០០០នាក់៕