លោកឧត្ដមសេនីយ៍ត្រី សំ តុលា អញ្ជើញប្រកាសផ្លាស់ប្តូរមុខតំណែង មេបញ្ជាការមូលដ្ឋាន កងរាជអាវុធហត្ថស្រុកពញាឮ

កណ្តាល៖ នារសៀលថ្ងៃទី១៦ ខែមករា ឆ្នាំ២០២៥ នៅនៅសាលាស្រុកពញាឭ មានរៀបចំពិធីប្រកាសតែងតាំងផ្លាស់ប្តូរមុខតំណែង មេបញ្ជាការមូលដ្ឋានកងរាជអាវុធហត្ថស្រុកពញាឮ ក្រោមវត្តមានលោកឧត្ដមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល ។

ក្នុងពិធីនោះមានការចូលរួមពីសំណាក់លោកនុត ប៉ាត ប្រធានក្រុមប្រឹក្សាស្រុក និងលោក ថន សុវណ្ណា អភិបាលនៃគណៈអភិបាល ស្រុកពញាឮ ដោយមានការអញ្ជើញចូលរួមពីលោក មេបញ្ជាការរងខេត្ត នាយសេនាធិការរង ប្រធានមន្ទីរ នាយការិយាល័យ មេបញ្ជាការ មូលដ្ឋានកងរាជអាវុធហត្ថ ក្រុង-ស្រុក នាយ នាយរងអាវុធហត្ថខេត្ត និងស្រុកពាក់ព័ន្ធ អភិបាលរងស្រុក នាយករដ្ឋបាល ប្រធានការិយាល័យរដ្ឋបាលស្រុក អធិការនគរបាលស្រុក មេបញ្ជាការផ្នែកសឹករងស្រុក មេបញ្ជាការមូលដ្ឋាន ខណ្ឌនិងស្រុកពាក់ព័ន្ធជាប់ព្រុំប្រទល់ ប្រធានមន្ទីរពេទ្យបង្អែក មេឃុំ នាយប៉ុស្តិ៍រដ្ឋបាល នាយកវិទ្យាល័យ និងមន្រ្តីរាជការជុំវិញស្រុកមួយចំនួនទៀត។

ក្នុងឱកាសនោះដែរលោកឧត្ដមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល សូមកោតសរសើរវាយតម្លៃខ្ពស់ ចំពោះស្នាដៃដែាយាហាន នាយទាហានរង នៃកងរាជអាវុធហត្ថទាំងអស់ ក្នុងការបំពេញតួនាទី ភារកិច្ច មិនខ្លាចនឿយហត់ ប្រកបដោយស្មារតីទទួលខុសត្រូវខ្ពស់ និងសម្រេចបានជោគជ័យជាទីមោនៈកន្លងមក។

ជាមួយគ្នានោះដែរ លោកឧត្ដមសេនីយ៍ត្រី សំ តុលា បានលើកឡើងថា ការប្រកាសតែងតាំង​ផ្លាស់ប្តូរ​មុខតំណែង​ជូននាយអាវុធហត្ថនាពេលនេះ បានបង្ហាញពីការយកចិត្តទុកដាក់​ពី​រាជរដ្ឋាភិបាល និងមានទំនុកចិត្តពីសំណាក់ក្រសួងការពារជាតិ អគ្គមេបញ្ជាការ នៃកងយោធពលខេមរភូមិន្ទ ពិសេស លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ចំពោះនាយទាហាន នៃកងរាជអាវុធហត្ថ ​ដែលបានខិតខំប្រឹងប្រែងបំពេញតួនាទី ភារកិច្ច មិនខ្លាចនឿយហត់ ហ៊ាន​ធ្វើពលិកម្មគ្រប់បែបយ៉ាង ក្នុងការចូលរួមចំណែកការពារសន្តិសុខ ​សន្តិភាព រក្សាសណ្តាប់ធ្នាប់ ដើម្បីបម្រើសេចក្តីសុខ ជូនប្រជាពលរដ្ឋ និងសង្គមជាតិឲ្យបានល្អប្រសើរ៕