សិល្បករ-សិល្បការិនីកម្ពុជា ៣៦រូប នឹងចូលរួមសម្ដែងក្នុងក្បួនដង្ហែឈីងហ្គេ នៅប្រទេសសិង្ហបុរី

សហភាពសហព័ន្ធយុវជនកម្ពុជា បង្ហាញសមាសភាពលោកគ្រូ អ្នកគ្រូ និងសិល្បករ សិល្បការិនី​កម្ពុជា​ទាំង ៣៦រូប ដែលនឹងត្រូវចូលរួមក្នុងក្បួនដង្ហែ «ឈីងហ្គេ»២០២៥ ចាប់ពីថ្ងៃទី ០៤ ដល់ថ្ងៃទី១១ ខែកុម្ភៈ ឆ្នាំ២០២៥ នៅសាធារណរដ្ឋសិង្ហបុរី។

សិល្បករ សិល្បការិនី ទាំងអស់ ដែលនឹងត្រូវចូលរួមសម្ដែងនៅក្នុងក្បួនដង្ហែ «ឈីងហ្គេ» ២០២៥ នៅសាធារណរដ្ឋសិង្ហបុរីកំពុងហា ត់សមយ៉ាងដោយយកចិត្តទុកដាក់ខ្ពស់បំផុត ក្រោមការបង្ហាត់បង្ហាញយ៉ាងយកចិត្តទុកដាក់ពីសំណាក់ លោកគ្រូ ព្រឿង ឈៀង អ្នកគ្រូ សុទ្ធ សុម៉ាលី អ្នកគ្រូ ជ័យ ច័ន្ទកិត្យា និងអ្នកគ្រូ ចាប ចំរើនតុលា ដែលសុទ្ធសឹងតែសិល្បករជំនាញជើង ចាស់ និងមានបទពិសោធន៍ដឹកនាំសិល្បៈករកម្ពុជាទៅសម្ដែងលើឆាកអន្តរជាតិជាច្រើនលើកច្រើនសារ។

គ្រប់ទម្រង់សិល្បៈដែលប្រតិភូ ស.ស.យ.ក. តែងបាននាំយកទៅសម្ដែងលើឆាកអន្តរជាតិ សុទ្ធសឹងតែទទួលបានការគាំទ្របច្ចេកទេសពីក្រសួងវប្បធម៌ និងវិចិត្រសិល្បៈផងដែរ។ អត្ថបទ៖គឹមហុក