ព័ត៌មាន
វីរៈ ដារ៉ា ទម្រាំទទួលភាពស្អាតស្អំ ស្ទើរគិតដល់ផ្លូវអាក្រក់ ព្រោះមិនអស់ចិត្តនឹងកំហុសអចេតនារបស់ខ្លួន
ថ្មីៗនេះ អ្នកចាំទីក្រុមជម្រើសជាតិកម្ពុជា វីរៈ ដារ៉ា ទើបទទួលបាននូវភាពស្អាតស្អំរបស់ខ្លួនវិញ ក្រោយរងមន្ទិលសង្ស័យករណីប្រព្រឹត្តនូវទង្វើរៀបចំកំណត់លទ្ធផលទុកជាមុន កំឡុងការប្រកួតជើងឯកបាល់ទាត់អាស៊ីអាគ្នេយ៍ ឆ្នាំ២០២៤ រវាងកម្ពុជា និងម្ចាស់ផ្ទះសិង្ហបុរី កាលពីខែធ្នូ ដោយរូបគេមិនបានប្រព្រឹត្តដូចការសង្ស័យឡើយ តែជាកំហុសបច្ចេកទេសប៉ុណ្ណោះ។
ទន្ទឹមជាមួយការទទួលបានូវភាពស្អាតស្អំ តាមរយៈសេចក្ដីប្រកាសព័ត៌មានផ្លូវការរបស់សហព័ន្ធកីឡាបាល់ទាត់កម្ពុជា នៅថ្ងៃទី៥ ខែមីនាកន្លងទៅ វីរៈ ដារ៉ា បានសម្ដែងក្ដីរីករាយ និងថ្លែងអំណរគុណដល់ថ្នាក់ដឹកនាំ និងគ្រប់ភាគីពាក់ព័ន្ធ ដែលខិតខំធ្វើការស៊ើបអង្កេតរហូតផ្ដល់នូវភាពត្រឹមត្រូវដល់ខ្លួនវិញ។ ប៉ុន្ដែទម្រាំទទួលបានភាពត្រឹមត្រូវនេះ ដារ៉ា ធ្លាប់ស្ដីបន្ទោសខ្លួនឯង រហូតគិតដល់ផ្លូវអាក្រក់ទៀតផង។
ថ្លែងប្រាប់ក្រុមការងារ BTV កាលពីថ្មីៗ អ្នកចាំទីវ័យក្មេងកំពុងឡើងដៃលេងឲ្យព្រះខ័នរាជស្វាយរៀងរូបនេះ បានបញ្ជាក់ថា ទោះបីវាជាកំហុសអចេតនា តែវាជាកំហុសដ៏ធំលើកដំបូងក្នុងអាជីព ហើយក្នុងក្រុមជម្រើសជាតិថែមទៀត ។ គ្រានោះ ទោះបីមានការលួងលោម លើកទឹកចិត្តយ៉ាងណា តែគេស្ដាប់មិនចូលឡើយ ស្ទើរបាក់ទឹកចិត្ត ហើយគិតអាក្រក់ទៀតផង តែដើម្បីគ្រួសារ ទើបរូបគេព្យាយាមជម្នះដើម្បីបន្ដដំណើរទៅមុខ។ ហើយ ដារ៉ា នឹងយកមេរៀនដ៏អាក្រក់នេះ ដើម្បីពង្រឹងការខិតខំប្រឹងប្រែងឲ្យបានកាន់តែខ្លាំងថែមទៀត។
សូមរំឮកថា ករណីសង្ស័យលើអ្នកចាំទី វីរៈ ដារ៉ា បានកើតឡើង កំឡុងការប្រកួតពានរង្វាន់ប្រចាំតំបន់ពូលA កាលពីថ្ងៃទី១១ ខែធ្នូ ឆ្នាំ២០២៤ ស្របពេលកម្ពុជា បានចាញ់សិង្ហបុរី ២-១ ដែល ២គ្រាប់របស់ក្រុមម្ចាស់ផ្ទះ រកបានដោយងាយ នៅដើមវគ្គទី១ បន្ទាប់ពីការបញ្ជូនបាល់មិនបានល្អរបស់ដារ៉ា។ ការណ៍នេះ ទើបបង្កឲ្យអ្នកគាំទ្រមានការសង្ស័យរូបគេរៀបចំលទ្ធផលទុកជាមុន ហើយសហព័ន្ធក៏បានបើកការស៊ើបអង្គេតលើករណីនេះ និងបានប្រកាសពីលទ្ធផលស៊ើបអង្កេតជាផ្លូវការកាលពី ១សប្ដាហ៍មុនថា វីរៈ ដារ៉ា ពុំមានអ្វីពាក់ព័ន្ធទៅនឹងការសង្ស័យទាំងអស់នោះទេ។ ផ្ទុយទៅវិញ កំហុសដែលកើតឡើង នាពេលនោះ គឺជាកំហុសបច្ចេកទេសនៃការលេង ដោយអចេតនាប៉ុណ្ណោះ៕ អត្ថបទ៖ លី ឈុនឡា
-
ព័ត៌មាន1 week agoអាវុធហត្ថរាជធានីបង្ក្រាបទីតាំងលួចលក់ឧបករណ៍អេឡិចត្រូនិក សម្រាប់ជក់សារធាតុគីមី ចាប់យកវត្ថុតាងជាង ៣០ម៉ឺនគ្រឿង
-
ព័ត៌មាន4 days agoរដ្ឋមន្រ្តី ក្រសួងវប្បធម៌ និងវិចិត្រសិល្បៈ អរគុណដល់អង្គការយូណេស្កូសម្រាប់កិច្ចសហប្រតិបត្តិការលើការងារវប្បធម៌ទាំងរូបី និងអរូបី
-
ព័ត៌មាន1 week agoខណ្ឌរដ្ឋបាលជលផលកំពង់ចាម បានលែងត្រីរាជទម្ងន់ជាង ៧០គីឡូក្រាម ចូលទន្លេមេគង្គ ក្រោយទទួលបានពីប្រជានេសាទ
-
ព័ត៌មាន1 week agoឃាត់ខ្លួនជនបរទេស ៧៥នាក់ សង្ស័យលួចប្រព្រឹត្តអំពើឆបោកតាមប្រព័ន្ធបច្ចេកវិទ្យានៅរាជធានីភ្នំពេញ
-
ព័ត៌មាន7 days agoរដ្ឋាភិបាលសម្រេចយកចុងសប្ដាហ៍នៃដើមខែមិថុនា ឆ្នាំ២០២៧ ជាថ្ងៃបោះឆ្នោតឃុំ/សង្កាត់អាណត្តិទី៦
-
ព័ត៌មាន4 days agoសាធារណរដ្ឋឆែក មានបំណងផ្លាស់ប្តូរដំណើរទស្សនកិច្ចកម្រិតខ្ពស់ជាមួយកម្ពុជា ដើម្បីរំលឹកខួបការទូតលើកទី៧០
-
ព័ត៌មាន2 days agoក្រុមការងារគណបក្សប្រជាជនចុះមូលដ្ឋាន អញ្ជើញសំណេះសំណាលជាមួយសមាជិក-សមាជិកាបក្ស និងប្រកាសសមាសភាពក្រុមការងារចុះមូលដ្ឋានភូមិ ក្នុងឃុំសាមគ្គី ស្រុកប្រាសាទបល័ង្ក
-
ព័ត៌មាន3 days agoការរាំងខ្ទប់ព្រំដែនកម្ពុជា-ថៃ រយៈពេលជាង៦ខែ ជំរុញឱ្យផលិតខ្មែរក្នុងស្រុកកើនឡើង