ព័ត៌មាន
ល្បែងប្រជាប្រិយខ្មែរកំពុងផុលផុសលេងនៅតាមសាលារៀន មុនពិធីបុណ្យចូលឆ្នាំជិតមកដល់
ល្បែងប្រជាប្រិយខ្មែរកំពុងផុលផុសលេងនៅតាមសាលារៀន មុនការប្រារព្ធពិធីបុណ្យចូលឆ្នាំជិតមកដល់។ ជាក់ស្ដែង នៅព្រឹកថ្ងៃទី៣មេសានេះ លោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាចតុមុខ រាជធានីភ្នំពេញ បានលេងល្បែងប្រជាប្រិយខ្មែរជាច្រើនប្រភេទ។
លោក សូ ធី នាយកសាលាបឋមសិក្សាចតុមុខ នៅព្រឹកថ្ងៃទី០៣ ខែមេសានេះ បានប្រាប់BTVឱ្យដឹងថា ជាទម្លាប់មុនពិធីបុណ្យចូលឆ្នាំថ្មី ប្រពៃណីជាតិជិតមកដល់ សាលាបានរៀបចំកម្មវិធីសូត្រមន្ត រាប់បាត្រ និងលេងល្បែងប្រជាប្រិយខ្មែរ ដែលមានការចូលរួមពីលោកគ្រូ អ្នកគ្រូ អាណាព្យាបាល និងសិស្សានុសិស្ស។ លោកបន្តថា ការលេងល្បែងប្រជាប្រិយខ្មែរ ដើម្បីបណ្តុះស្មារតីដល់សិស្សានុសិស្សឲ្យស្រលាញ់ និងថែរក្សាទំនៀមទំលាប់ប្រពៃណីខ្មែរ ហើយការលេងល្បែងប្រជាប្រិយនោះមានដូចជា ចោលឈូង ទាញព្រ័ត្រ និងលាក់កន្សែងជាដើម។
សិស្សានុសិស្សសាលាចតុមុខ បានបង្ហាញអារម្មណ៍រីករាយពេលសាលាបានរៀបចំកម្មវិធីថ្ងៃនេះ ព្រោះបានធ្វើបុណ្យ ជួបជុំមិត្រភក្ដិ និងបានលេងល្បែងប្រជាប្រិយខ្មែរ។
មុនពិធីបុណ្យចូលឆ្នាំថ្មី ប្រពៃណីជាតិ ចូលមកដល់ គេសង្កេតឃើញថា នៅតាមបណ្តាសាលារៀន វត្តអារាម ស្ថាប័នរដ្ឋ និងវិស័យឯកជននានា បានរៀបចំកម្មវិធីជួបជុំ ឬកម្មវិធីសង្ក្រាន្តយ៉ាងផុសផុស ដើម្បីអបអរពិធីបុណ្យចូលឆ្នាំថ្មី ប្រពៃណីជាតិ។
នៅឆ្នាំ២០២៥នេះ ពិធីបុណ្យចូលថ្មី ប្រពៃណីជាតិ នឹងរៀបចំធ្វើឡើង ក្នុងរយៈពេល៣ថ្ងៃ ពោលចាប់ពីថ្ងៃទី១៤ ដល់ថ្ងៃ១៦ ខែមេសា ដែលថ្ងៃទី១. ហៅថា ថ្ងៃមហាសង្រ្កាន្ត ថ្ងៃទី២.វារៈវ័នបត និងថ្ងៃទី៣.វារៈឡើងស័ក ឬហៅថាថ្ងៃឆ្លងឆ្នាំ៕ អត្ថបទ៖ ទូច សោភ័ណ

-
ព័ត៌មាន4 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន3 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន7 days ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ
-
ព័ត៌មាន1 week ago
អបអរសាទរ! បេក្ខជន ៤៩នាក់ ទទួលបានលទ្ធផលល្អភ្លាមៗនៅក្នុងវេទិកាការងារ