ព័ត៌មាន
សារព័ត៌មានអន្តរជាតិល្បីៗបន្តស្ងើចសរសើរពីអាកាសយានដ្ឋានអន្តរជាតិតេជោជាស្ថាបត្យកម្មដ៏លេចធ្លោ
សារព័ត៌មានស្ថាបត្យកម្មពិភពលោក World Architecture News (WAN) ដែលជាសារព័ត៌មានល្បីផ្សព្វផ្សាយពីគម្រោងសំណង់ ស្ថាបត្យកម្ម និងការរចនានៃសំណងនានាជុំវិញពិភពលោកបានបន្តផ្សព្វផ្សាយពីអាកាសយានដ្ឋានអន្តរជាតិតេជោ ដែលបានជាប់ជាសំណង់ស្ថាបត្យកម្មដ៏លេចធ្លោលើពិភពលោកសម្រាប់ឆ្នាំ២០២៥។
WAN បានផ្សព្វផ្សាយថា អាកាសយានដ្ឋានអន្តរជាតិតេជោ ស្ថិតប៉ែកខាងត្បូងនៃរាជធានីភ្នំពេញ ត្រូវបានសាងសង់ឡើងដោយការលាយបញ្ចូលគ្នានៃបេតិកភណ្ឌវប្បធម៌ បច្ចេកវិទ្យាទំនើប និងការច្នៃប្រឌិតប្រកបដោយនិរន្តរភាព។ ស្ថិតនៅចម្ងាយ ២០ គីឡូម៉ែត្រភាគខាងត្បូងនៃទីក្រុង ផែនការមេរបស់អាកាសយានដ្ឋានអន្តរជាតិតេជោ ជាអាកាសយានដ្ឋានដ៏រស់រវើក និងទំនើបដែលត្រូវបានរចនាឡើងដើម្បីបង្កើនបទពិសោធន៍ថ្មីដល់អ្នកដំណើរ និងកំណត់ស្តង់ដារថ្មីសម្រាប់ការអនុវត្តស្ដង់ដាបរិស្ថាន។
កាលពីពេលថ្មីៗនេះ បណ្តាញសារព័ត៌មានលំដាប់ពិភពលោករបស់អាម៉េរិក CNN បានចុះផ្សាយពីការវាយតម្លៃលើគម្រោងធំទាំង ១១ របស់ពិភពលោកដែលមានគម្រោងស្ថាបត្យកម្មល្អ និងមានឥទ្ធិពលសម្រាប់ឆ្នាំ២០២៥។ ក្នុងចំណោមគម្រោងលំដាប់អន្តរជាតិធំទាំង១១នោះ «អាកាសយានដ្ឋានអន្តរជាតិតេជោ» លំដាប់ថ្នាក់ 4F របស់ប្រទេសកម្ពុជា ក៏ត្រូវបាន អាកាសយានដ្ឋានអន្តរជាតិតេជោ ក៏បានជាប់ជាសំណង់ស្ថាបត្យកម្មដ៏លេចធ្លោ លើពិភពលោក សម្រាប់ឆ្នាំ២០២៥ផងដែរ ខណៈអាកាសយានដ្ឋានដ៏ធំរបស់កម្ពុជានេះនឹងបើកដំណើរការនៅដំណាក់កាលទី១ ក្នុងអំឡុងខែកក្កដា ឆ្នាំ២០២៥។
អាកាសយានដ្ឋានអន្តរជាតិតេជោ នឹងមកជំនួយអាកាសយានដ្ឋានអន្តរជាតិភ្នំពេញបច្ចុប្បន្ន ដែលមានសមត្ថភាពបម្រើសេវាកម្មដឹកភ្ញៀវទេសចរណ៍បានរហូតដល់ទៅ ៦ ដងលើសព្រលានបច្ចុប្បន្ន។
អាកាសយានដ្ឋានអន្តរជាតិតេជោ ជាសំណង់ស្ថាបត្យកម្មដ៏ធំរបស់កម្ពុជាក្នុងការជំរុញវិស័យទេសចរណ៍ និងក្លាយជាមជ្ឈមណ្ឌលដឹកអ្នកដំណើរប្រចាំតំបន់។ អាកាសយានដ្ឋាននេះ នឹងចាប់ផ្តើមដឹកអ្នកដំណើរបានចំនួន ១៣ លាននាក់ក្នុងមួយឆ្នាំ និងបន្តកើនឡើងជាបន្តបន្ទាប់រហូតដល់ ៣០លាននាក់។
សូមបញ្ជាក់ថា សំណង់ស្ថាបត្យកម្មដ៏ធំរបស់កម្ពុជាមួយនេះ នឹងក្លាយជាសំណង់ធំមួយក្នុងចំណោមសំណង់ដទៃទៀតនៅអាស៊ីអាគ្នេយ៍ ខណៈដែលសំណង់នេះនឹងប្រើប្រាស់ថាមពលសូឡាចេញពីដំបូលអគារ ដែលក្លាយជាអាកាសយានដ្ឋានអន្តរជាតិប្រើប្រាស់ថាមពលបៃតងធំជាងគេក្នុងចំណោមសំណង់ស្ថាបត្យកម្មដទៃទៀតក្នុងលោក។
លើសពីនេះ សំណង់នេះ ត្រូវបានសាងសង់ឡើងទៅតាមរចនាបថប្រពៃណីខ្មែរ ដែលនៅលើដំបូលអគារបំពាក់ដោយសំណង់ឈើ។ បើមើលតាមការស្កែនពីបច្ចេកវិទ្យាឌីជីថល បានបង្ហាញថា របាដែកខាងលើនឹងស្រូបពន្លឺថ្ងៃ សម្រាប់ជួយបំភ្លឺផ្នែកខាងក្នុងដែលពោរពេញដោយរុក្ខជាតិបៃតង ខណៈពេលដែលអ្នកដំណើរនឹងទៅដល់ច្រកទ្វារចេញតាមរយៈស្លាបពីរដែលមានរាងដូចខ្យល់។
សូមបញ្ជាក់ថា គិតត្រឹមខែមេសា ឆ្នាំ២០២៥ គម្រោងសាងសង់អាកាសយានដ្ឋានអន្តរជាតិតេជោ សម្រេចការសាងសង់បានជាង ៩៥ ភាគរយ និងត្រៀមបើកដំណើរការនៅខែកក្កដា ឆ្នាំ២០២៥នេះ៕
-
ព័ត៌មាន3 days agoពលរដ្ឋខ្មែរត្រឡប់ពីអាមេរិកស្ងើចសរសើរការដឹកនាំរបស់រាជរដ្ឋាភិបាលធ្វើឱ្យប្រទេសជាតិមានការអភិវឌ្ឍ
-
ព័ត៌មាន6 days agoអគ្គមេបញ្ជាការ កងទ័ពហ្វីលីពីន បន្តចុះសង្កេតការណ៍នៅភូមិសាស្រ្តច្រកបឹងត្រកួន
-
ព័ត៌មាន3 days agoមួយឆ្នាំ២០២៥ មានអ្នកជំងឺមកពិគ្រោះជំងឺក្រៅនៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី
-
កីឡា7 days agoពានរង្វាន់កីឡាអេឡិចត្រូនិច T.Y Media Academy លើកទី៤ ត្រឡប់មកវិញ ជាមួយកំណើនក្រុមចូលរួមដ៏ច្រើន
-
ព័ត៌មាន4 days agoសម្ដេចធិបតី ហ៊ុន ម៉ាណែត ដឹកនាំគណៈប្រតិភូកម្ពុជាទៅចូលរួមកិច្ចប្រជុំលើកដំបូងរបស់ក្រុមប្រឹក្សាសន្តិភាពនៅអាមេរិក និងទស្សនកិច្ចនៅអឺរ៉ុប
-
កីឡា1 week agoជើងឯកកីឡាទោចក្រយានថ្នាក់ជាតិ ជោគជ័យទាំងការរៀបចំ កើនទាំងគុណផលកីឡាករចូលរួម
-
ព័ត៌មាន7 days ago រដ្ឋាភិបាលជប៉ុន គណៈកម្មាធិការជាតិគ្រប់គ្រងគ្រោះមហន្តរាយ និង WFP ចុះហត្ថលេខាលើកិច្ចព្រមព្រៀងតម្លៃ ១.៥ លានដុលដុល្លារ ដើម្បីគាំទ្រការស្ដារជីវភាពរស់នៅ និងការលើកកម្ពស់អាហារូបត្ថម្ភក្នុងសហគមន៍ដែលរងផលប៉ះពាល់ដោយជម្លោះព្រំដែននៅកម្ពុជា
-
ព័ត៌មាន5 days agoក្រុមសហគ្រិន សាទរចំពោះ «យុទ្ធនាការផលិតផលជាតិ» ស្របពេលមានសន្ទុះគាំទ្រ និងប្រើប្រាស់ផលិតផលជាតិ