នគរបាលចុះធ្វើអត្តសញ្ញាណបណ្ណជូនសិស្ស និងគ្រូនៅតាមសាលារៀន ក្នុងខេត្តបន្ទាយមានជ័យ

បន្ទាយមានជ័យ៖ នៅថ្ងៃទី៨ ខែឧសភានេះ អនុវត្តតាមបទបញ្ជារបស់ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងការិយាល័យអត្តសញ្ញាណ​បណ្ណសញ្ជាតិ​ខ្មែរ បានចុះប្រមូលទិន្ន័យ និងធ្វើអត្តសញ្ញាណបណ្ណជូនដល់សិស្សានុសិស្ស នៅតាមសាលារៀនទូទាំងខេត្ត ។

លោកវរសេនីយ៍ឯក អន ឌា នាយការិយាល័យអត្តសញ្ញាណបណ្ណសញ្ជាតិខ្មែរ នៃស្នងការ​នគរបាល​ខេត្ដបន្ទាយមានជ័យ បានដឹកនាំក្រុមការងារចល័ត សហការជាមួយកម្លាំង​អធិការដ្ឋាន​នគរបាល​ក្រុងប៉ោយប៉ែត​ ចុះប្រមូលទិន្នន័យផ្តល់អត្តសញ្ញាណបណ្ណសញ្ជាតិខ្មែរ​ ជូនប្រជាពលរដ្ឋ លោកគ្រូ អ្នកគ្រូ អាណាព្យាបាល សិស្សានុសិស្ស នៅសាលារៀនសុវណ្ណភូមិ២ ​ស្ថិតនៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត បានសរុបចំនួន៥៤នាក់ ប្រុសចំនួន២០នាក់ (ផ្តល់ថ្មី ចំនួន៤៤នាក់ ​ប្រុស១៣នាក់ និងផ្ដល់ទុតិយតា​ ចំនួន១០ នាក់ ប្រុស៧នាក់) ។

នគរបាលនៃស្នងការដ្ឋាននគរបាលខេត្តបន្ទាយមានជ័យ ​សូមអំពាវនាវដល់ប្រជាពលរដ្ឋ និងយុវជន ដែលទើបគ្រប់អាយុ ​ឬអ្នកហួសសុពលភាពប្រើប្រាស់អត្តសញ្ញាណបណ្ណសញ្ញាតិខ្មែ (ចាស់) ត្រូវទៅ​ធ្វើថ្មី ឱ្យបានគ្រប់គ្នាៗ ដើម្បីប្រើប្រាស់ជាប្រយោជន៍ផ្ទាល់ខ្លួន ​ក្នុងការប្រកបរបរ ការងារ ចិញ្ចឹម​ជីវិតប្រចាំថ្ងៃ​ ពិសេសគឺប្រើប្រាស់លក្ខណៈផ្លូវការផ្សេងៗ និងសម្រាប់បោះឆ្នោតជាដើម៕