ព័ត៌មាន
គ.ជ.ប៖ មួយសប្ដាហ៍នេះ អ្នកចុះឈ្មោះបោះឆ្នោតថ្មីមានចំនួនជាង៣ម៉ឺននាក់
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវដល់ប្រជាពលរដ្ឋគ្រប់អាយុទៅចុះឈ្មោះបោះឆ្នោតឱ្យបានកាន់តែច្រើន ខណៈរយៈពេលមួយសប្តាហ៍មកនេះ នៅទូទាំងប្រទេស មានអ្នកចុះឈ្មោះថ្មីចំនួនជាង៣ម៉ឺននាក់។
ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានប្រាប់BTV ឱ្យដឹងនៅថ្ងៃទី៨ ខែ ឧសភានេះថា ដំណើរការពិនិត្យបញ្ជីបោះឆ្នោត និងការចុះឈ្មោះបោះឆ្នោតនៅតាមការិយាល័យក្នុងឃុំ-សង្កាត់នៅទូទាំងប្រទេស បានប្រព្រឹត្តទៅដោយបរិយាកាសស្ងប់ស្ងាត់ រលូន និងសន្តិសុខសណ្តាប់ធ្នាប់ល្អ។ ឯកឧត្តមបានបញ្ជាក់ថា ផ្អែកតាមរបាយការណ៍ពីលេខាធិការដ្ឋានរៀបចំការបោះឆ្នោតរាជធានី-ខេត្ត ការចុះឈ្មោះបោះឆ្នោតថ្មីនៅមានកម្រិតទាបនៅឡើយ បើធៀបនឹងផែនការប៉ាន់ស្មាននៃការចុះឈ្មោះបោះឆ្នោតថ្មីសម្រាប់ឆ្នាំ២០២៥។
ឯកឧត្តម បានអំពាវនាវដល់ប្រជាពលរដ្ឋគ្រប់អាយុអញ្ជើញចូលរួមចុះឈ្មោះបោះឆ្នោតឱ្យបានគ្រប់ៗគ្នា ពិសេសអាជ្ញាធរមូលដ្ឋានសូមបង្កើនកិច្ចសហការជាមួយមន្រ្តីចុះឈ្មោះបោះឆ្នោត ដើម្បីជំរុញ និងលើកទឹកចិត្តប្រជាពលរដ្ឋចូលរួមចុះឈ្មោះបោះឆ្នោតឱ្យបានកាន់តែច្រើន។
ទន្ទឹមនឹងនេះ ជុំវិញការអំពាវនាវដល់ប្រជាពលរដ្ឋខាងលើ ឯកឧត្តម បញ្ជាក់ថា គ.ជ.ប មានតួនាទីអនុវត្តតាមច្បាប់ស្តីពីការបោះឆ្នោត ដោយច្បាប់បោះឆ្នោតបានកំណត់ថា គ.ជ.ប មានទំនួលខុសត្រូវសម្រួលដំណើរការបោះឆ្នោតឱ្យកាន់តែល្អប្រសើរ ទើបតម្រូវឱ្យធ្វើបច្ចុប្បន្នលើបញ្ជីបោះឆ្នោតមួយដែលមានភាពពេញលេញ និងត្រឹមត្រូវ។
សូមជម្រាបថា ក្នុងការអនុវត្តដំណាក់កាលពិនិត្យបញ្ជីឈ្មោះបោះឆ្នោត និងការចុះឈ្មោះបោះឆ្នោតថ្មីប្រចាំឆ្នាំ២០២៥នេះ គ.ជ.ប បានយកចិត្តទុកដាក់ថែមទៀតលើការធ្វើបច្ចុប្បន្នភាពទិន្នន័យជីវមាត្រទាក់ទងនឹងភិនភាគ និងវ័យរបស់ប្រជាពលរដ្ឋនីមួយៗដែលមានការផ្លាស់ប្តូរ ទើបតម្រូវឱ្យប្រជាពលរដ្ឋធ្វើការថតរូប និងផ្តិតក្រយៅដៃឡើងវិញសម្រាប់តែប្រជាពលរដ្ឋចុះឈ្មោះបោះឆ្នោតគិតចាប់ពីឆ្នាំ២០១៦មក។
ការពិនិត្យបញ្ជីឈ្មោះបោះឆ្នោត និងការចុះឈ្មោះបោះឆ្នោត ធ្វើឡើងរយៈពេល២៦ថ្ងៃ ពីថ្ងៃទី១ ដល់ថ្ងៃទី២៦ ខែឧសភា ឆ្នាំ២០២៥ ហើយប្រជាពលរដ្ឋអាចអញ្ជើញទៅពិនិត្យ និងចុះឈ្មោះបោះទៅតាមសាលាឃុំ-សង្កាត់ដែលខ្លួនរស់នៅក្នុងមូលដ្ឋាននីមួយៗ។ ក្នុងនោះ គ.ជ.ប បានប៉ាន់ស្មានផែនការនៃការចុះឈ្មោះបោះឆ្នោតថ្មីសរុបមានចំនួនជាង២២ម៉ឺននាក់ និងប្រជាពលរដ្ឋដែលត្រូវធ្វើទិន្នន័យជីវមាត្រសរុបចំនួនជាង៦លាននាក់៕ អត្ថបទ សេក ឧត្តម
-
ព័ត៌មាន1 week agoក្រុមគ្រូពេទ្យខេត្តកោះកុង ចុះបេសកម្មពិនិត្យព្យាបាលជំងឺទូទៅ អប់រំសុខភាពមាត់ធ្មេញជូនប្រជាពលរដ្ឋនៅឃុំថ្មដូនពៅ
-
ព័ត៌មាន2 days agoឧត្តមសេនីយ៍ទោ ហ៊ុល សំអុន ដាក់បទបញ្ជាដល់នាយទាហានក្រោមឱវាទទាំងអស់សាមគ្គីគ្នាជាធ្លុងមួយ ដើម្បីការពារអធិបតេយ្យភាព បូរណភាពទឹកដីកម្ពុជា និងរក្សាសុខសន្ដិភាពជូនប្រជាជន
-
ព័ត៌មាន5 days agoកងទ័ពកម្ពុជា និងថៃ បន្តកែសម្រួលយុទ្ធោបករណ៍បំផ្លិចបំផ្លាញធុនធ្ងន់លើកទី២ក្រោមក្រសែភ្នែកអ្នកសង្កេតការណ៍អាស៊ាន
-
ព័ត៌មាន5 days agoអូស្ត្រាលីគាំទ្រវិស័យស្រូវអង្ករកម្ពុជា
-
ព័ត៌មាន1 week agoសម្ដេចតេជោ ហ៊ុន សែន បានប្រាប់មិត្តបរទេសថា ថៃបិទច្រកព្រំដែនជាមួយកម្ពុជាមិនត្រឹមតែផ្ដាច់ការតភ្ជាប់រវាងកម្ពុជា-ថៃ ទេ តែជាការកាត់ផ្តាច់ការតភ្ជាប់អាស៊ាន និងអាស៊ីផងដែរ
-
ព័ត៌មាន6 days agoសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ
-
ព័ត៌មាន1 week agoសម្តេចកិត្តិសង្គហបណ្ឌិត ម៉ែន សំអន ហែរអង្គកឋិនទានមហាសាមគ្គីទៅវត្តទួលអង្គញ់ ទទួលបានបច្ច័យចំនួនជាង ១ម៉ឺនដុល្លារ
-
ព័ត៌មាន5 days agoឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង