សម្តេចតេជោ មានការភ្ញាក់ផ្អើលក្រោយគេចោទប្រកាន់កម្ពុជាថា ជាកន្លែងឋានសួគ៍លោកិយនៃការឆបោកល្បែងតាមអនឡាញ

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានបង្ហាញការភ្ញាក់ផ្អើលយ៉ាងខ្លាំង ក្រោយប្រទេសកម្ពុជាបានក្លាយជាប្រទេសរងគ្រោះ ដោយត្រូវបានគេខ្លាច និងចោទកម្ពុជាថា ជាកន្លែងឋានសួគ៍លោកិយនៃការឆបោកតាមរយៈអនឡាញទៅវិញ ខណៈមានជនបរទេសខ្លះបានចាញ់ល្បែងតាមអនឡាញ ដែលគេបន្ទោសថា ប្រភពកើតនៅកម្ពុជា។

ក្នុងឱកាសអញ្ជើញថ្លែងបាឋកថា ស្តីពីប្រធានបទ « មេរៀនរបស់ហ៊ុនសែន ពីរបបប្រល័យពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព » ពីវិមានប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ នាថ្ងៃទី០៩ ខែឧសភា ឆ្នាំ២០២៥នេះ សម្តេចតេជោ ហ៊ុន សែន បានលើកឡើងថា កម្ពុជាពីមុនគឺជាកន្លែងភ័យខ្លាចដោយសារសង្រ្គាម ប៉ុន្តែឥឡូវកម្ពុជាត្រូវបានគេខ្លាច ដោយចោទថាជាកន្លែងឆបោកតាមអនឡាញទៅវិញ។ ប៉ុន្តែទោះបីជាយ៉ាងណាក៏ដោយសម្តេច បានចោទសួរទៅកាន់ប្រទេសដែល បានចោទប្រកាន់កម្ពុជា និងប្រទេសមួយចំនួនទៀតនោះគប្បីប្រដៅ និងណែនាំប្រជាជនកុំឲ្យលែងល្បែង ជាពិសេសល្បែងតាមអនឡាញទើបជាការល្អ ដើម្បីជៀសវាងការចាញ់បោកគេហើយដើរចោទប្រកាន់ប្រ ទេសគេ…។

សម្តេចតេជោ ហ៊ុន សែន បានសង្កត់ធ្ងន់ថា«ពេលនេះកម្ពុជាបានកំពុងរងគ្រោះដោយសន្តិភាព ដោយសារតែការរីកចម្រើនរយៈពេលចុងក្រោយ ពួកឆបោកទាក់ទងនឹងល្បែងតាមអនឡាញដោយប្រមូល មនុស្សតាំងពីប្រទេសឥណ្ឌូនេស៊ី តាំងពីឥណ្ឌា និងពីកន្លែងនេះកន្លែងនោះថាទៅកម្ពុជា គេឲ្យប្រាក់ខែ ច្រើន នេះជាការភ្ញាក់ផ្អើលសម្រាប់ខ្ញុំ…។ ដែលមុននេះ ឮថាកម្ពុជាគេខ្លាចសង្រ្គាម ខ្លាចខ្មែរក្រហម ប៉ុន្តែ ឥឡូវបែជាកម្ពុជាទៅជាឋានសួគ៍លោកិយនៃការឆបោកនៃក្រុមអន្តរជាតិ ដែលធ្វើការទាក់ទងនឹងការឆ បោកតាមរយៈអនឡាញ។ អនឡាញមិនមែនវាកើតនៅតែកម្ពុជានោះទេ? ឥឡូវរីករាយដាលព្រោះវាពិ បាកគ្រប់គ្រងណាស់ វាទាល់តែយើងនាំគ្នាបិទអ៊ិនធើណែតចោលទាំងអស់អាហ្នឹងបានវាចប់ ប៉ុន្តែទោះយ៉ាង ណាយើងត្រូវតែប្រឹង(លុបបំបាត់)»។

ជាមួយគ្នានោះដែរសម្តេចតេជោ ហ៊ុន សែន ក៏បានដាក់ជាសំណួរចោទសួរទៅកាន់ប្រទេសដែលបាន ចោទប្រកាន់កម្ពុជាថា ជាទីតាំងឋានសួគ៍លោកិយនៃល្បែងអនឡាញនោះ ហេតុអ្វីមិនបន្ទោសខ្លួនឯងផងទៅ។ ដោយសម្តេចបានអំពាវនាវដល់បណ្តាប្រទេសទាំងនោះថា«ហេតុអ្វីមិនអប់រំពលរដ្ឋខ្លួនថាកុំលែង ល្បែង សូម្បីតែសហរដ្ឋអាមេរិក ក៏ថាចាញ់ល្បែងអស់រាប់ពាន់លានដុល្លារ ម៉េចក៏រដ្ឋាភិបាលអាមេរិកមិន យកចិត្តទុកដាក់អប់រំពលរដ្ឋកុំឲ្យលែងល្បែងអនឡាញនោះទៅ»កុំមកបន្ទោស និងថាឲ្យគេ។

យ៉ាងណាក៏ដោយសម្តេចតេជោ ហ៊ុន សែន ក៏បានប្រកាសអះអាងផងដែរថា រាជរដ្ឋាភិបាលកម្ពុជាបានខិតខំយ៉ាងសកម្មបំផុតក្នុងការចូលរួមជាមួយអន្តរជាតិក្នុងការទប់ស្កាត់ឧក្រិដ្ឋកម្មឆ្លងដែន ទប់ស្កាត់បទល្មើសបច្ចេកវិទ្យា ឬល្បែងអនឡាញ ទប់ស្កាត់ការបម្រែបម្រួលអាកាសធាតុ និងទប់ស្កាត់បទល្មើសជាច្រើនទៀតផងដែរ៕ អត្ថបទបាន ចក់