ព័ត៌មាន
រដ្ឋមន្រ្ដីអប់រំកម្ពុជាស្នើរដ្ឋមន្រ្ដីអប់រំចិនជួយគាំទ្រការអភិវឌ្ឍបច្ចេកវិទ្យាអប់រំ និង AI និងការអភិវឌ្ឍធនធានមនុស្សផែ្នកបច្ចេកវិទ្យាឌីជីថលដល់កម្ពុជា
កាលពីថ្ងៃទី១៥ ខែឧសភា ឆ្នាំ២០២៥ ក្នុងឱកាសនៃការចូលរួមសន្និសីទអប់រំឌីជីថលពិភពលោកឆ្នាំ២០២៥-2025 World Digital Education Conference” ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានជួបប្រជុំទ្វេភាគីជាមួយនឹង ឯកឧត្តម ហ្វាយ ជីនភឹង (HUAI JINPENG) រដ្ឋមន្ត្រីក្រសួងអប់រំនៃសាធារណរដ្ឋប្រជាមានិតចិន នៅទីក្រុងវ៉ូហាន សាធារណរដ្ឋប្រជាមានិតចិន។
ក្នុងឱកាសនេះ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានថ្លែងអំណរគុណដល់ក្រសួងអប់រំនៃសាធារណរដ្ឋប្រជាមានិតចិន ដែលបានអញ្ជើញគណៈប្រតិភូកម្ពុជាចូលរួម សន្និសីទអប់រំឌីជីថលពិភពលោកឆ្នាំ២០២៥ និងបានផ្តល់នូវបដិសណ្ឋារកិច្ចយ៉ាងកក់ក្តៅ ព្រមទាំងបានលើកឡើងអំពីកិច្ចសហប្រតិបត្តិការ និងទំនាក់ទំនងយ៉ាងស្អិតរមួតរវាងកម្ពុជា និងចិនជារួម និងដោយឡែកចំពោះវិស័យអប់រំដែលរួមមាន ការផ្តល់អាហារូបករណ៍ដល់និស្សិតកម្ពុជា ការបង្រៀនភាសាចិននៅកម្រិតមធ្យមសិក្សា ការបណ្តុះបណ្តាលគ្រូបង្រៀនលើវិធីសាស្រ្តបង្រៀនភាសាចិន កម្មវិធីផ្លាស់ប្តូរចំណេះដឹង ការអប់រំ និងវប្បធម៌ ការអភិវឌ្ឍហេដ្ឋារចនាសម្ព័ន្ធអប់រំ ជាដើម។ បន្ថែមលើនោះដែរ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី ក៏បានស្នើសុំឱ្យប្រទេសចិន ក្នុងនាមជាប្រទេសដែលមានអនុត្តរភាព (Hegemony) លើវិស័យអប់រំ និងបច្ចេកវិទ្យាឌីជីថល ផ្តល់នូវការគាំទ្រការអភិវឌ្ឍបច្ចេកវិទ្យាអប់រំ និងAI និងការអភិវឌ្ឍធនធានមនុស្សផែ្នកបច្ចេកវិទ្យាឌីជីថល នៅកម្ពុជា។
ជាការឆ្លើយតប ឯកឧត្តម ហ្វាយ ជីនភឹង (HUAI JINPENG) រដ្ឋមន្ត្រីក្រសួងអប់រំនៃសាធារណរដ្ឋប្រជាមានិតចិន បានថ្លែងអំណរគុណដល់ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី និងគណៈប្រតិភូកម្ពុជា ដែលបានចូលរួម សន្និសីទអប់រំឌីជីថលពិភពលោកឆ្នាំ២០២៥ និងស្វាគមន៍យ៉ាងកក់ក្តៅចំពោះកិច្ចសហប្រតិបត្តិការលើវិស័យអប់រំ និងការអប់រំឌីជីថលជាមួយកម្ពុជា ក្នុងកិច្ចខិតខំប្រឹងប្រែងរួមគ្នា អភិវឌ្ឍវិស័យអប់រំ សម្រាប់ជាប្រយោជន៍របស់ប្រទេសទាំងពីរ៕
-
ព័ត៌មាន4 days agoអ្នកនាំពាក្យ៖យោធាថៃបានបាញ់ចូលកម្ពុជាកាន់តែខ្លាំងនិងសាហាវខ្លាំងជាងមុនប៉ុន្តែកង ទ័ពកម្ពុជាបានឆ្លើយតបគ្រប់គោលដៅ
-
ព័ត៌មាន1 week agoតម្លៃសេវាអ៊ីនធឺណិតនឹងទាបជាងមុន បន្ទាប់ពីកម្ពុជាតបណ្តាញប្រព័ន្ធអ៊ីនធឺណិតពីហុងកុង
-
ព័ត៌មាន4 days agoតំណាងអចិន្ត្រៃយ៍របស់កម្ពុជា ស្នើ ៥ចំណុច ឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានចំពោះថៃឈ្លានពាន
-
ព័ត៌មាន4 days agoទង្វើថៃកាន់តែសាហាវ ក្រៅពីបាញ់ចូលតំបន់ស៊ីវិល ថែមទាំងផ្លោងចូលមន្ទីរពេទ្យ
-
ព័ត៌មាន1 week agoយោធាថៃបានប្រើប្រាស់អាវុធ និងយុទ្ធោបករណ៍បំផ្លិចបំផ្លាញធុនធ្ងន់គ្រប់ ជាង ១០ប្រភេទ
-
ព័ត៌មាន3 days agoកម្ពុជាធ្វើសេចក្តីថ្លែងការណ៍អំពីការឈ្លានពានរបស់ថៃ ក្នុងកិច្ចប្រជុំ ក្នុងចំណោម ១៥០ប្រទេស
-
ព័ត៌មាន5 days agoទិវាសិទ្ធមនុស្សអន្តរជាតិ សហជីពនិងកម្មករអំពាវនាវឱ្យសហគមន៍អន្តរជាតិថ្កោលទោសការបំពានរបស់ថៃលើកិច្ចព្រមព្រៀងឈប់បាញ់
-
ព័ត៌មាន6 days agoក្រសួងការងារ និង UNDP ចុះអនុស្សរណៈ ពង្រឹងអភិបាលកិច្ច និងក្របខណ្ឌវិនិយោគមូលនិធិសោធន