នគរបាលខេត្តបន្ទាយមានជ័យ កំពុងពន្លឿនសេវាធ្វើអត្តសញ្ញាណជូនប្រជាពលរដ្ឋតាមមូលដ្ឋាន

បន្ទាយមានជ័យ៖ កម្លាំងនគរបាលជំនាញ នៅតាមបណ្តាអធិការដ្ឋាននគរបាលក្រុង ស្រុក ឃុំ សង្កាត់ កំពុងខិតខំពន្លឿនការផ្តល់សេវាធ្វើអត្តសញ្ញាណបណ្ណជូនប្រជាពលរដ្ឋតាមមូលដ្ឋានយ៉ាងយកចិត្តទុកដាក់បំផុត ដើម្បីឱ្យពួកគេយកទៅប្រើប្រាស់ និងពិសេសគឺការចុះឈ្មោះបោះឆ្នោត ។

ទន្ទឹមគ្នានេះ កម្លាំងនគរបាលគ្រប់អង្គភាពចំណុះ បានពង្រឹងការប្រចាំការ និងការយាមល្បាត ២៤ម៉ោងលើ២៤ម៉ោងដើម្បីទ្រោលសភាពការណ៍តាមភូមិសាស្ត្រក្នុងដែនសមត្ថកិច្ចរបស់ខ្លួន ដើម្បីរក្សា ការពារសន្តិសុខសណ្តាប់ធ្នាប់ជូនប្រជាពលរដ្ឋ និងត្រៀមបង្ការបង្ក្រាបរាល់បទល្មើសគ្រប់ប្រភេទ ដូចជា បទល្មើសព្រហ្មទណ្ឌ និងក្មេងទំនើង ជាដើម។ ក្នុងនោះដែរកម្លាំងមួយចំនួនត្រូវបានត្រៀម អន្តរាគមន៍ ជួយសង្គ្រោះប្រជាពលរដ្ឋ ក្នុងករណីមានគ្រោះអគ្គិភ័យ ឬគ្រោះធម្មជាតិនានាផងដែរ។

ក្រៅពីការងារស្នូល ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក៏បាន ណែនាំដល់កម្លាំងនគរបាលទូទាំងខេត្ត ឱ្យចុះអប់រំផ្សព្វផ្សាយគោលនយោបាយភូមិឃុំសង្កាត់មានសុវត្ថិ ភាព, ចុះចែកអត្តសញ្ញាណបណ្ណសញ្ជាតិខ្មែរជូនប្រជាពលរដ្ឋតាមខ្នងផ្ទះ និងជួយសម្រួលចរាចរណ៍ជូន លោកគ្រូ អ្នកគ្រូ និងសិស្សតាមសាលារៀនជាប្រចាំ ដើម្បីបញ្ចៀសការកកស្ទះ និងកាត់បន្ថយអត្រាគ្រោះ ថ្នាក់ចរាចរណ៍ឱ្យនៅកម្រិតទាបបំផុតតាមដែលអាចធ្វើបានផងដែរ ៕