មន្ត្រីសុខាភិបាលអំពាវនាវដល់ពលរដ្ឋឱ្យទៅចាក់វ៉ាក់សាំងដូសជំរុញទប់ទល់នឹងកូវីដបំប្លែងថ្មី

ស្វាយរៀង ៖ មន្ត្រីសុខាភិបាលក្នុងខេត្តស្វាយរៀង បានធ្វើការអំពាវនាវដល់ពលរដ្ឋឱ្យទៅចាក់វ៉ាក់សាំងដូសជំរុញ ដើម្បីទប់ទល់ នឹងមេរោគកូវីដ-១៩បំប្លែងថ្មី កុំឱ្យឆ្លងរាលដាលក្នុងសហគមន៍ជាថ្មី ។

 ខណៈជំងឺកូវីដ-១៩ កំពុងផ្ទុះឆ្លងនៅប្រទេសជិតខាង និងករណីឆ្លងក្នុងសហគមន៍កម្ពុជា កំពុងត្រូវបានរកឃើញ ដែរនោះ វេជ្ជបណ្ឌិត ភាវ សុសស្តា ប្រធានការិយាល័ស្រុកប្រតិបត្តិសុខាភិបាលរមាសហែក ខេត្តស្វាយរៀង បានអំពាវនាវ ដល់ពលរដ្ឋនៅក្នុងស្រុក ក៏ដូចជាពលរដ្ឋនៅទូទាំងខេត្ត នាំគ្នាទៅចាក់វ៉ាក់សាំងដើម្បីបង្ការការឆ្លង នៅតាមមណ្ឌលសុខ ភាពទូទាំងខេត្ត ។

តាមរបាយការណ៍របស់មន្ទីរសុខាភិបាលខេត្តស្វាយរៀង បានឱ្យដឹងថា គិតត្រឹមថ្ងៃ២៩ ខែឧសភា នេះ មន្រី្តសុខាភិ បាលខេត្ត បានចាក់វ៉ាក់សាំងបង្ការការចម្លងជំងឺកូវីដ១៩បានចំនួន១៣៦នាក់ ក្នុងនោះចាក់ដូសទី១បានចំនួន៧នាក់ ចាក់ ដូសទី៣ បានចំនួន១១នាក់ ចាក់ដូសទី៤ បានចំនួន១៨នាក់ ចាក់ដូចទី៥ បានចំនួន២៤នាក់ ចាក់ដូសទី៦ បានចំនួន ៤៣នាក់ និងចាក់ដូសទី៧បានចំនួន៣៣នាក់ ៕ ដោយ ៖ ភា សារិទ្ធ