កីឡា

ខ្លាំងពិតឈ្នះពិត ជំនួបជើងខ្លាំង «កំពូលអ្នកចម្បាំងអូដ្ឋ» វគ្គផ្តាច់ព្រ័ត្រដណ្ដើមខ្សែក្រវាត់ប្រាក់រង្វាន់ធំ!

កំពូលអ្នកចម្បាំងអូដ្ឋ ទម្ងន់ ៥៧គីឡូក្រាម អ្នកឈ្នះនឹងទទួលខ្សែក្រវាត់មួយខ្សែអមជាមួយទឹកប្រាក់ជាច្រើនបន្ថែមទៀត។

ឆ្លងកាត់ការប្រកួតដ៏ជក់ចិត្តជាច្រើនសប្តាហ៍កន្លងមក នៅប៉ុន្មានថ្ងៃទៀតខាងមុខនេះ ទស្សនិកជនអ្នកគាំទ្រ ពិសេសបងប្អូនស្នេហាវិស័យប្រដាល់គុនខ្មែរ នឹងរកឃើញនរណាជាម្ចាស់ជើងឯកខ្សែក្រវាត់ «កំពូលអ្នកចម្បាំងអូដ្ឋ ទម្ងន់ ៥៧គីឡូក្រាម» នៅចុងសប្តាហ៍នេះ។

វគ្គផ្ដាច់ព្រ័ត្រ ខ្សែក្រវាត់អ្នកចម្បាំងអូដ្ឋ ទម្ងន់ ៥៧គីឡូក្រាមរបស់សង្វៀនបាយ័នដែលជាការប្រកួតម៉ារ៉ាតុងខ្មែរ ៣ ម៉ាឡេស៊ី ១ ឈានមកដល់ហើយនៅថ្ងៃទី១៤ ខែមិថុនា ឆ្នាំ២០២៥ ។ បេក្ខភាពកីឡាករទាំង ៤រូបនេះ រួមមាន វ៉ាន់ វឿន ពេជ្រ អាទិទេព រិទ្ធី សូសែន និង អ៉ូម៉ា រេដវូហ្វ។

ក្រឡេកមកចាប់អារម្មណ៍ពីសមត្ថភាពកីឡាករទាំង ៤រូប សុទ្ធសឹងតែខ្លាំងពោរពេញទៅដោយសមត្ថភាព បទពិសោធន៍ និងបច្ចេកទេសក្នុងការប្រយុទ្ធវាយបកទៅកាន់ដៃគូប្រកួតរបស់ខ្លួន។ នៅថ្ងៃសៅរ៍សប្តាហ៍នេះ ពុកម៉ែបងប្អូន អ្នកគាំទ្រនឹងបានជ្រាបកាន់តែច្បាស់ និងរកឃើញថាអ្នកខ្លាំងពិតឈ្នះពិត បានទៅលើកីឡាករមួយរូបណា។

សូមបញ្ជាក់ផងដែរថា សម្រាប់វគ្គផ្ដាច់ព្រ័ត្រខ្សែក្រវាត់ កំពូលអ្នកចម្បាំងអូដ្ឋ ទម្ងន់ ៥៧គីឡូក្រាម អ្នកឈ្នះនឹងទទួលខ្សែក្រវាត់មួយខ្សែអមជាមួយទឹកប្រាក់ជាច្រើនបន្ថែមទៀត។
ប្រដាល់គុនខ្មែរ «កំពូលអ្នកចម្បាំងអូដ្ឋ» ថ្ងៃសៅរ៍ ទី១៤ មិថុនា ឆ្នាំ២០២៥ ទីតាំងនៅស្ទូឌីយោបាយ័ន ស្ទឹងមានជ័យ វេលាម៉ោង ៥៖៣០ល្ងាចតទៅ ផ្សាយផ្ទាល់លើកញ្ចក់ទូរទស្សន៍ បាយ័ន និងគេហៈទំព័រ Bayon TV and BTV – Kun Khmer | Camel
សូមអញ្ជើញចូលរួមទស្សនា និងគាំទ្រកីឡាករគុនខ្មែរយើងអោយបានច្រើនកុះករ កុំបីខកខានណា៕

ស៊ីម៉ងត៍អូដ្ឋ ជាប់ធន់តជំនាន់

អត្ថបទដោយ៖ HaTi