NEA សហការជាមួយមន្ទីរការងារ អាជ្ញាធរ រៀបចំវេទិកាការងារ និង​ឱកាស​កម្ម​សិក្សា​ការងារ​ សម្រាប់​ពលករ​វិល​ត្រឡប់​ពី​ប្រទេសថៃ និងអ្នកស្វែងរកការងារ ក្នុងស្រុកបសេដ្ឋ

នាថ្ងៃទី២១ ខែមិថុនា ឆ្នាំ២០២៥ នេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានសហការជាមួយ មន្ទីរការងារ និងបណ្តុះបណ្តាលខេត្តកំពង់ស្ពឺ និងរដ្ឋបាលស្រុកបសេដ្ឋ ខេត្តកំពង់ស្ពឺ បានរៀបចំ “វេទិកាការងារ និងឱកាសកម្មសិក្សាការងារ” សម្រាប់បងប្អូនពលករដែលវិលត្រលប់ពីប្រទេសថៃ និងអ្នកស្វែងរកការងារ នៅក្នុងបរិវេណវត្តមង្គលបរពិត្រ ស្រុកបសេដ្ឋ ខេត្តកំពង់ស្ពឺ។

វេទិកានាថ្ងៃនេះមានរោងចក្រសហគ្រាស ចូលរួមចំនួន ៨ ដោយផ្តល់ឱកាសការងារចំនួន ៦ ៥៦០ កន្លែង និងមានបងប្អូន យុវជន និងអ្នកស្វែងរកការងារធ្វើចូលរួមយ៉ាងច្រើន ជាលទ្ធផលអ្នកទទួលបានការងារភ្លាមៗ ចំនួន ១០៤នាក់។

ដើម្បីទទួលព័ត៌មានបន្ថែមអំពីការចូលរួមក្នុងវេទិកាការងារនាពេលក្រោយទៀត សូមតាមដានទំព័រ Facebook និង ឆាណែល Telegram របស់ NEA ឬទាក់ទងមកមជ្ឈមណ្ឌលការងាររាជធានីភ្នំពេញរបស់ NEA តាមរយៈលេខទូរស័ព្ទ ០៧៧ ២៣២ ៣៧៨ និងតេលេក្រាម ០១៦ ៧៨៦ ៦៥៥ ឬគេហទំព័រ www.nea.gov.kh និងទំព័រ facebook neakhmer (អិនអ៊ីអេ ខ្មែរ)៕