ព័ត៌មាន
ផ្សារទំនើបនានាបន្តដាក់លក់ផលិតផលកសិផល បន្លែ ផ្លែឈើខ្មែរ ជំរុញការលក់ផលិតផលក្នុងស្រុក
ក្រោយកម្ពុជាសម្រេចបិទការនាំចូលបន្លែ ផ្លែឈើទាំងស្រុងពីថៃ បច្ចុប្បន្ន បណ្តាផ្សារមួយចំនួននៅរាជធានីភ្នំពេញក្នុងនោះមានផ្សារទំនើប ជីប ម៉ុង ជាដើម កំពុងបន្តដាក់លក់ផលិតផលកសិផល បន្លែ ផ្លែឈើខ្មែរ ដែលទើបប្រមូលទិញពីប្រជាកសិករនៅតាមបណ្ដាហាងរបស់ខ្លួនក្នុងតម្លៃបញ្ចុះតម្លៃពិសេសផងដែរ។
លោក ខឿន សុវណ្ណ ប្រធានផ្សារ ជីប ម៉ុង ស៊ុបភើម៉ាឃីត សាខាសឡា រាជធានីភ្នំពេញ បានឱ្យព័ត៌មានប៊ីធីវីដឹងថា រហូតមកទល់ពេលនេះ ផ្សារ ជីបម៉ុង ដែលមានដើមកំណើតជាផ្សាររបស់ខ្មែរមួយនេះនៅតែបើកចំហ និងលើកទឹកចិត្តដល់កសិករខ្មែរគ្រប់ទម្រង់ ក្នុងការដាំដុះការយកទំនិញរបស់ខ្លួនមកដាក់លក់ ក៏ដូចជាការបន្តរួមសហការ ដើម្បីធ្វើយ៉ាងណាឱ្យវិស័យកសិកម្មនៅក្នុងប្រទេសកម្ពុជាមានភាពរីកចម្រើន កាត់បន្ថយការនាំចូលនូវអ្វីដែលខ្មែរអាចផលិតក្នុងស្រុកបាន រហូតអាចជួយរួមចំណែកពង្រឹងទីផ្សារផលិតផលក្នុងស្រុកឲ្យកាន់តែមានសន្ទុះគាំទ្រទ្វេឡើងបង្ហាញឱ្យឆាកអន្តរជាតិឃើញថាខ្មែរអាចធ្វើបានហើយគាំទ្រកសិករខ្មែរ លើកស្ទួយកសិផលក្នុងស្រុក។
លោកក៏បានអរគុណជូនចំពោះអតិថិជនទាំងអស់ ដែលបានចូលរួមគាំទ្រផលិតផលក្នុងស្រុក មិនថាតែបន្លែ ផ្លែឈើប៉ុណ្ណោះទេ ប៉ុន្តែក៏មានផលិតផលជាច្រើនមុខទំនិញថែមទៀត មានដូចជាគ្រឿងទេស ត្រី សាច់ គ្រឿងក្រអូប និងសម្ភារៈប្រើប្រាស់ផ្សេងៗទៀតជាដើម ដែលសុទ្ធសឹងជាទំនិញមានគុណភាព និងស្តង់ដារត្រឹមត្រូវ។
ប្រជាពលរដ្ឋរស់នៅរាជធានីភ្នំពេញ បានបង្ហាញការពេញចិត្ត និងអះអាងថា នឹងបន្តគាំទ្រផលិតផលខ្មែរទៅមុខថែមទៀត ជាពិសេសក្នុងគ្រាដែលកសិផលណាជួបប្រទះបញ្ហាកង្វះទីផ្សារ ដោយសារកត្តាផ្សេងៗ។ ការគាំទ្ររបស់ប្រជាជនខ្មែរគ្រប់ស្រទាប់វណ្ណៈ គឺជាការលើកទឹកចិត្តដ៏សំខាន់ សម្រាប់ប្រជាកសិករ និងសហគ្រិន ព្រមទាំងអាចទាក់ទាញអ្នកវិនិយោគក្នុងវិស័យកសិកម្មឱ្យបានកាន់តែច្រើនថែមទៀត ដើម្បីឱ្យប្រជាជនខ្មែរ «មានហូប មានប្រើ មានបាន និងមានរហូត»។
គិតមកដល់ពេលនេះ ខណៈកម្ដៅវិវាទព្រំដែនរវាងកម្ពុជា-ថៃកំពុងឈានដល់ការបិទច្រកព្រំដែនជាឯកតោភាគីរបស់ភាគីថៃ នៅថ្ងៃទី២៤ ខែមិថុនា ឆ្នាំ២០២៥ កន្លងទៅនេះ ឯកឧត្តម ប៉ែន សុវិជាតិ រដ្ឋលេខាធិកា និងជាអ្នកនាំពាក្យក្រសួងពាណិជ្ជកម្ម បានបញ្ជាក់យ៉ាងច្បាស់ថា រាជរដ្ឋាភិបាលបានត្រៀមលក្ខណៈរួចហើយ ជាពិសេសបណ្ដក្រសួង ស្ថាប័នពាក់ព័ន្ធ ដើម្បីធ្វើយ៉ាងណាធានាឱ្យមានប្រភពផ្គត់ផ្គង់គ្រប់គ្រាន់ និងតម្លៃសមរម្យ ទាំងប្រេងឥន្ធនៈ និងការផ្គត់ផ្គង់ផ្សេងៗឆ្លើយតបទៅនឹងទង្វើជាឯកតោភាគីរបស់ថៃ៕ អត្ថបទ៖ ឈិត បូរ៉ាវី
-
ព័ត៌មាន5 days agoអ្នកនាំពាក្យ៖យោធាថៃបានបាញ់ចូលកម្ពុជាកាន់តែខ្លាំងនិងសាហាវខ្លាំងជាងមុនប៉ុន្តែកង ទ័ពកម្ពុជាបានឆ្លើយតបគ្រប់គោលដៅ
-
ព័ត៌មាន5 days agoតំណាងអចិន្ត្រៃយ៍របស់កម្ពុជា ស្នើ ៥ចំណុច ឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានចំពោះថៃឈ្លានពាន
-
ព័ត៌មាន5 days agoទង្វើថៃកាន់តែសាហាវ ក្រៅពីបាញ់ចូលតំបន់ស៊ីវិល ថែមទាំងផ្លោងចូលមន្ទីរពេទ្យ
-
ព័ត៌មាន1 week agoយោធាថៃបានប្រើប្រាស់អាវុធ និងយុទ្ធោបករណ៍បំផ្លិចបំផ្លាញធុនធ្ងន់គ្រប់ ជាង ១០ប្រភេទ
-
ព័ត៌មាន4 days agoកម្ពុជាធ្វើសេចក្តីថ្លែងការណ៍អំពីការឈ្លានពានរបស់ថៃ ក្នុងកិច្ចប្រជុំ ក្នុងចំណោម ១៥០ប្រទេស
-
ព័ត៌មាន6 days agoទិវាសិទ្ធមនុស្សអន្តរជាតិ សហជីពនិងកម្មករអំពាវនាវឱ្យសហគមន៍អន្តរជាតិថ្កោលទោសការបំពានរបស់ថៃលើកិច្ចព្រមព្រៀងឈប់បាញ់
-
ព័ត៌មាន1 week agoក្រសួងការងារ និង UNDP ចុះអនុស្សរណៈ ពង្រឹងអភិបាលកិច្ច និងក្របខណ្ឌវិនិយោគមូលនិធិសោធន
-
ព័ត៌មាន1 week agoសម្ដេចធិបតី៖ ថៃធ្លាប់ប្រកាសថាស្រឡាញ់សន្ដិភាព ប៉ុន្តែបែរជាប្រកាសប្រើប្រាស់កម្លាំង មិនដោះស្រាយសន្តិវិធី