ពលរដ្ឋខេត្តស្វាយរៀងស្នើដល់មន្ទីរការងារ និងពេទ្យការងារបន្ថយការយកសេវាលើសៀវភៅការងារនិងការពិនិត្យសុខភាព

ស្វាយរៀង ៖ ពលរដ្ឋ និងពលករ វិលមកពីប្រទេសថៃ ក្នុងខេត្តស្វាយរៀង លោកស្រី ជា ផល្លា នៅថ្ងៃទី២៦ ខែមិថុនា ឆ្នាំ​២០២៥នេះ បានស្នើរដល់មន្ទីរការងារបណ្ដុះបណ្ដាលវិជ្ជាជីវៈ និងក្រុមគ្រូពេទ្យការងារពិនិត្យសុខភាព ជួយសម្រួលបន្ធូរបន្ថយយកសេវាលើសៀវភៅការងារ និងការងារពិនិត្យសុខភាព ខណៈដែលពលរដ្ឋ ក៏ដូចជាពលករ មកពីប្រទេសថៃប្រឈមនិង កង្វះលទ្ធភាពលើការផ្ដល់សេវាទាំង២ខាងលើ ។ ​

ទាក់ទងទៅនិងតំណាងពលរដ្ឋនិងតំណាងពលករមកពីប្រទេសថៃបានស្នើសុំដល់មន្ទីរការងារឲ្យមានការបន្ធូបន្ថយសេវាលើសៀវភៅការងារ និងសេវាពិនិត្យសុខភាពលោកស្រី សុខឿន រីដា តំណាងមន្ទីរការងារ និងក្រុមគ្រូពេទ្យពិនិត្យសុខភាព បានបញ្ជាក់ថារឿងការយកសេវាទាំង២ខាងលើ កន្លងមកពិតជាមានការយកសេវាខ្ពស់បន្តិច ទាំងការងារធ្វើសៀវភៅការងារ និងការពិនិត្យសុខភាពកម្មករ តាមរយៈស្នើសុំឲ្យមានការបន្ធូរបន្ថយ លើវាទាំង២ខាងលើ ក្រុមការងារមន្ទីរនិងក្រុមការងារពិនិត្យសុខភាព ទទួលតាមសំណូមពរ និងពិចារណាត្រៀមបញ្ចុះតម្លៃជូនដល់ពលរដ្ឋ ដើម្បីរួមចំណែកកាត់បន្ថយការចំណាយនិងផលលំបាករបស់ពលរដ្ឋនៅពេលខាងមុខ។

ទន្ទឹមនិងនោះដែរ ក្នុងនាមមន្ទីរ និងក្រុមគ្រូពេទ្យពិនិត្យសុខភាព លោកស្រីសុខឿន រីដា ក៏បានស្នើដល់កម្មករ និយោជិត ដែលមានបណ្ណ័ ប.ស.ស សូមមកទទួលយកសេវាព្យាបាលនៅមន្ទីរពេទ្យបូពារ ដែលមានទីតាំង ភូមិដើមពោធិ ឃុំកណ្តៀងរាយ ស្រុកស្វាយទាប ខណះដែលមន្ទីរពេទ្យនេះបានសហការជាមួយស្ថាប័នពាក់ពន្ធ័ក្នុងខេត្តដើម្បីផ្តល់សេវាព្យាបាល២៤ម៉ោងលើ២៤ម៉ោង ។ ដោយ ៖ ភា សារិទ្ធ