ព័ត៌មាន
អ្នកនយោបាយ និងអ្នកវិភាគ៖ ច្បាប់ដកសញ្ជាតិមិនប៉ះពាល់ចំពោះពលរដ្ឋ និងអ្នកនយោបាយស្នេហាជាតិទេ
អ្នកនយោបាយ និងអ្នកភាវិភាគស្ថានការណ៍នយោបាយជាតិ-អន្តរជាតិ មើលឃើញថា ការបង្កើតច្បាប់ដកសញ្ជាតិខ្មែរពីជនក្បត់ជាតិ និងជនគប់គិតជាមួយបរទេសមកបំពេញប្រទេសជាតិ និងប្រជាជនកម្ពុជា ក្នុងកាលៈទេសៈនេះគឺសមស្របបំផុត ខណៈប្រទេសកម្ពុជាធ្លាប់បានធ្វើសញ្ជាតូបនីយកម្ម ឬការផ្ដល់សញ្ជាតិដល់ជនបរទេស ប៉ុន្ដែមិនទាន់មានច្បាប់ដកសញ្ជាតិវិញទេ ហើយមួយវិញទៀតកម្ពុជាកំពុងប្រឈមមុខជាមួយបច្ចាមិត្តឈ្លានពានដឹកដី ដូច្នេះច្បាប់នេះក៏នឹងចូលរួមថែក្សាការពារសន្ដិសុខជាតិ បូរណភាពទឹកដីពីជនទាំងឡាយណាដែលគប់គិតជាមួយបរទេសបំផ្លាញជាតិឯង។
តាមរយៈកិច្ចសម្ភាសន៍ជាមួយ BTV លោក ម៉ម សុណង់ដូ ប្រធានគណបក្សសំបុកឃ្មុំសង្គមប្រជាធិបតេយ្យ បានលើកឡើងថា ភាពឆ្លាតវ័យរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា ដែលបានផ្គួចផ្ដើមឱ្យរៀបចំបង្កើតច្បាប់ដកសញ្ជាតិនេះឡើង គឺជាការល្អបំផុត ហើយទទួលបានការគាំទ្រពីគ្រប់និន្នាការ, ជាក់ស្ដែងសមាជិករដ្ឋសភា កាលពីសម័យប្រជុំរដ្ឋសភាលើកទី៤ នីតិកាលទី៧ នៅ ថ្ងៃទី១១ ខែកក្កដាកន្លងទៅនេះ បានបោះឆ្នោតគាំទ្រក្នុងសំឡេង១២៥សំឡេងលើ១២៥សំឡេងនៃតំណាងរាស្រ្ដពីគ្រប់បក្សនយោបាយនៃសមាជិករដ្ឋសភាទាំងមូល។
លោកបណ្ឌិត ឈត ប៊ុនថង អ្នកស្រាវជ្រាវកិច្ចការនយោបាយជាតិ-អន្តរជាតិ និងជាអនុប្រធានវិទ្យាស្ថានទំនាក់ទំនងអន្តរជាតិនៃកម្ពុជានៃរាជបណ្ឌិត្យសភាកម្ពុជា មើលឃើញថា ការបង្កើតច្បាប់ដកសញ្ជាតិខ្មែរ នៅពេលនេះ គឺជារឿងសំខាន់ និងចាំបាច់ណាស់សម្រាប់រារាំង និងការពារបូរណភាពទឹកដី ពីសំណាក់ជនក្បត់ជាតិ ដែលចូលដៃជាមួយសត្រូវឈ្លានពានទឹកដី និងបង្កើតភាពចលាចលអស្ថិរភាពដល់កម្ពុជា។
គួរធ្វើការកត់សម្គាល់ផងដែរថា នាពេលថ្មីៗនេះ ស្ថិតនៅក្នុងស្ថានភាពដែលប្រទេសជាតិ កំពុងតែប្រឈមនឹងការឈ្លានពានទឹកដី ហើយនៅពេលដែលរាជរដ្ឋាភិបាលកម្ពុជាកំពុងខិតខំ ប្រឹងប្រែងទប់ស្កាត់ការគំរាមកំហែងដ៏ស្មុគស្មាញពីបរទេស ដើម្បីរក្សាការពារអធិបតេយ្យជាតិ បូរណភាពទឹកដី សន្តិភាព ស្ថិរភាព និងសុវត្ថិភាពជូនប្រជាពលរដ្ឋ បែរជាជនជ្រុលនិយមមួយក្តាប់តូច គប់គិតជាមួយបរទេស ព្យាយាមបិទបាំងអំពើឈ្លានពានរបស់បរទេស បកស្រាយព្រឹត្តិការណ៍ ខុសស្រឡះពីការពិត និងធ្វើសកម្មភាពប៉ះពាល់យ៉ាងធ្ងន់ធ្ងរដល់ផលប្រយោជន៍ជាតិ និង ប្រជាពលរដ្ឋ ដែលនេះឆ្លុះបញ្ចាំងឱ្យឃើញយ៉ាងជាក់ស្តែងពីភាពគ្មានទំនួលខុសត្រូវចំពោះជាតិ និងបំផ្លាញផលប្រយោជន៍ជាតិខ្លួនឯង៕ អត្ថបទ៖ វ៉ន ដារ៉ា
-
ព័ត៌មាន5 days agoអ្នកនាំពាក្យ៖យោធាថៃបានបាញ់ចូលកម្ពុជាកាន់តែខ្លាំងនិងសាហាវខ្លាំងជាងមុនប៉ុន្តែកង ទ័ពកម្ពុជាបានឆ្លើយតបគ្រប់គោលដៅ
-
ព័ត៌មាន5 days agoតំណាងអចិន្ត្រៃយ៍របស់កម្ពុជា ស្នើ ៥ចំណុច ឱ្យក្រុមប្រឹក្សាសន្តិសុខអង្គការសហប្រជាជាតិ ចាត់វិធានចំពោះថៃឈ្លានពាន
-
ព័ត៌មាន5 days agoទង្វើថៃកាន់តែសាហាវ ក្រៅពីបាញ់ចូលតំបន់ស៊ីវិល ថែមទាំងផ្លោងចូលមន្ទីរពេទ្យ
-
ព័ត៌មាន1 week agoយោធាថៃបានប្រើប្រាស់អាវុធ និងយុទ្ធោបករណ៍បំផ្លិចបំផ្លាញធុនធ្ងន់គ្រប់ ជាង ១០ប្រភេទ
-
ព័ត៌មាន4 days agoកម្ពុជាធ្វើសេចក្តីថ្លែងការណ៍អំពីការឈ្លានពានរបស់ថៃ ក្នុងកិច្ចប្រជុំ ក្នុងចំណោម ១៥០ប្រទេស
-
ព័ត៌មាន6 days agoទិវាសិទ្ធមនុស្សអន្តរជាតិ សហជីពនិងកម្មករអំពាវនាវឱ្យសហគមន៍អន្តរជាតិថ្កោលទោសការបំពានរបស់ថៃលើកិច្ចព្រមព្រៀងឈប់បាញ់
-
ព័ត៌មាន1 week agoក្រសួងការងារ និង UNDP ចុះអនុស្សរណៈ ពង្រឹងអភិបាលកិច្ច និងក្របខណ្ឌវិនិយោគមូលនិធិសោធន
-
ព័ត៌មាន1 week agoសម្ដេចធិបតី៖ ថៃធ្លាប់ប្រកាសថាស្រឡាញ់សន្ដិភាព ប៉ុន្តែបែរជាប្រកាសប្រើប្រាស់កម្លាំង មិនដោះស្រាយសន្តិវិធី