ព័ត៌មាន
ក្រសួងការងារនឹងធ្វើតេស្តជំនាញ ដើម្បីបើកច្រកឱ្យពលរដ្ឋដែលមានជំនាញងាយស្រួលស្វែងរកការងារធ្វើ
ស្របតាមការយកចិត្តទុកដាក់របស់សម្ដេចនាយករដ្ឋមន្ត្រី ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំការវាយតម្លៃការសិក្សាពីមុន (RPL) ឬហៅថា ការធ្វើតេស្តជំនាញ ដើម្បីផ្ដល់វិញ្ញាបនបត្រទទួលស្គាល់ជំនាញជាផ្លូវការជូនដល់ប្រជាពលរដ្ឋ ជាពិសេសអតីតពលករមកពីថៃ លើវិស័យសំណង់ ចាប់ពីខែកុម្ភៈ ឆ្នាំ២០២៦នេះតទៅ។
មានប្រសាសន៍ប្រាប់ព័ត៌មាន ប៊ីធីវី នៅព្រឹកថ្ងៃទី៣ ខែកុម្ភៈនេះ តាមសារអេឡិចត្រូនិក លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា សម្រាប់ការងារខាងលើនេះ ប្រជាពលរដ្ឋទាំងអស់ ជាពិសេសបងប្អូនអតីតពលករត្រឡប់មកពីប្រទេសថៃដែលមានបទពិសោធន៍ស្រាប់ក្នុងវិស័យសំណង់ ក្រសួងនឹងរៀបចំការវាយតម្លៃការសិក្សាពីមុន (RPL) ដើម្បីផ្ដល់វិញ្ញាបនបត្រទទួលស្គាល់ជំនាញជាផ្លូវការលើវិស័យសំណង់ចំនួន ៨មុខជំនាញ ដោយឥតគិតថ្លៃ ចាប់ពីខែកុម្ភៈ ឆ្នាំ២០២៦នេះតទៅ។ ខណៈដែលការងារទាំងនេះ ក្រសួងបានរៀបចំរួចរាល់ និងរៀបចំឯកសារ និងរង់ចាំការសម្រេចយកថ្ងៃឱ្យទៅប្រឡង RPL ផ្ទាល់តែម្តង។
អ្នកនាំពាក្យ បានបញ្ជាក់ថា RPL ឬក៏ការធ្វើតេស្តវាយតម្លៃទទួលស្គាល់ជំនាញ គឺជារឿងមួយមានភាពចាំបាច់បំផុត ហើយក៏ជាគំនិតផ្តួចផ្តើម ផ្លាស់ប្តូរដោយភ្ជាប់គន្លាតរវាងជំនាញក្រៅផ្លូវការ និងគុណវុឌ្ឍផ្លូវការ ដែលជាដំណើរការនៃវាយតម្លៃ និងបញ្ជាក់ជំនាញផ្តល់ជូនបុគ្គលម្នាក់ៗដែលទទួលស្គាល់ជាផ្លូវការដោយមិនចាំបាច់សិក្សាឡើងវិញ ដើម្បីបង្កើនលទ្ធភាពការងារ គាំទ្រដល់ការរៀនសូត្រពេញមួយជីវិត និងការកំណត់បាននូវសុពលភាពនៃកម្លាំងជំនាញផងដែរ។
លោកបានបន្តទៀតថា ដូច្នេះកម្មវិធីវាយតម្លៃទទួលស្គាល់ជំនាញនេះ និងការវាយតម្លៃផ្អែកលើសមត្ថភាពទទួលស្គាល់ការសិក្សាដែលមានពីមុន គឺពិតជាជំរើសមួយដ៏ល្អបំផុតសម្រាប់បងប្អូនកម្មករនិយោជិត ក៏ដូចជាអ្នកប្រកបរបរសេដ្ឋកិច្ចក្រៅប្រព័ន្ធ ក៏ដូចជាប្រជាពលរដ្ឋត្រឡប់មកពីប្រទេសថៃផងដែរ។ សម្រាប់អតីតពលករ គឺក្រសួងផ្តល់ការវាយតម្លៃទៅលើវិស័យសំណង់មុនគេ គឺដើម្បីឱុ្យបងប្អូនមានសញ្ញាបត្របញ្ជាក់ពីសមត្ថភាពដែលបានប្រកបរបរនៅក្នុងប្រទេសជិតខាងជាច្រើនឆ្នាំមកហើយ និងដើម្បីឱ្យពួកគាត់មានសមត្ថភាពកម្រិតណានៅក្នុងវិស័យសំណង់ជំនាញ៨មុខ មានដូចជា៖ ការលាយបាយ អ, ការបង្គុំដែក និងក្រាលពុម្ពជាដើម ដែលស្ថិតក្នុងជំនាញសំណង់នេះ។
បើតាមអ្នកនាំពាក្យ ទីតាំងដែលនឹងត្រូវរៀបចំប្រឡងមានចំនួន ៨ទីតាំង ស្ថិតនៅរាជធានីភ្នំពេញ ខេត្តសៀមរាប និងខេត្តបាត់ដំបង។ លោកបានអំពាវនាវដល់ប្រជាពលរដ្ឋ អតីតពលករមកពីថៃ អ្នកដែលចង់បានសញ្ញាបត្រ ឬមានជំនាញរួចហើយប៉ុន្តែមិនទាន់មានសញ្ញាបត្រ មិនទាន់មានការបញ្ជាក់ជាដើម ដើម្បីជាស្ពានក្នុងការបង្ហាញពីគុណវុឌ្ឍរបស់ខ្លួន ឬជាការបង្ហាញពីសមត្ថភាពរបស់ខ្លួន ក៏ដូចជាដើម្បីទាមទារសមត្ថភាពរបស់ខ្លួនក្នុងការធ្វើការងារដើម្បីទទួលបានប្រាក់បៀវត្សរ៍កាន់តែខ្ពស់ ក៏ដូចជាដើម្បីទទួលបានតំណែងល្អជាដើម សូមអញ្ជើញចូលរួមធ្វើតេស្តសមត្ថភាពនេះបានជាមួយក្រសួងការងារ និងបណ្តុះបណ្តាលវិជ្ជាជីវៈ ឬទាក់ទងតាមរយៈលេខ១២៩៧ ដើម្បីទទួលបានព័ត៌មានកាន់តែលម្អិត៕ អត្ថបទ៖ ឈិត បូរ៉ាវី
-
PR NEWS5 days agoមហាព្រឹត្តិការណ៍ GANZBERG នឹងធ្វើឲ្យកក្រើកស្រុកស្ទោង ខេត្តកំពង់ធំចុងសប្តាហ៍នេះ ជាមួយការប្រគំតន្ត្រី និងសង្វៀនគុនខ្មែរ
-
ព័ត៌មាន1 week agoក្រសួងការងារលើកទឹកចិត្តអតីតពលករ និងយុវជនឱ្យជ្រើសរើសការងារក្នុងស្រុក តាមរយៈការរៀបចំវេទិកាផ្តល់ឱកាសការងារជាង ២ពាន់កន្លែង ក្នុងក្រុងសិរីសោភ័ណ
-
ព័ត៌មាន4 days agoអភិបាលខេត្តកណ្ដាលណែនាំគ្រប់សាលារៀន ទាំងរដ្ឋ និងឯកជនទូទាំងខេត្តមិនត្រូវលុបឈ្មោះសិស្សជាដាច់ខាត
-
ព័ត៌មាន4 days agoមន្រ្ដីជាន់ខ្ពស់រដ្ឋសភាកម្ពុជា ដឹកនាំគណៈប្រតិភូ ចូលរួមប្រជុំគណៈកម្មាធិការសិក្សា ស្តីពីការកែទម្រង់ AIPACODD នៅប្រទេសឥណ្ឌូណេស៊ី
-
ព័ត៌មាន4 days agoតំណាងរាស្ត្រមណ្ឌលខេត្តកំពង់ចាមជួបសំណេះសំណាល និងជូនអំណោយដល់ពលរដ្ឋមានជីវភាពខ្វះខាត នៅឃុំសំពងជ័យ ស្រុកជើងព្រៃ
-
ព័ត៌មាន4 days agoមន្រ្ដីជលផល និងពលរដ្ឋជួយត្រីបាឡែន១ក្បាលនៅខាងមុខឆ្នេរតាបារាំងក្នុងស្រុកស្ទឹងហាវចូលទៅទឹកជ្រៅវិញ
-
ព័ត៌មាន1 week agoសម្ដេចធិបតី៖កម្ពុជានឹងចូលរួមក្នុង «ក្រុមប្រឹក្សាសន្តិភាព» តាមការអញ្ញើញរបស់ប្រធានាធិបតី ដូណាល់ ត្រាំ
-
ព័ត៌មាន4 days agoកម្ពុជា និងព្រុយណេ ប្តេជ្ញាជំរុញកិច្ចសហប្រតិបត្តិការទ្វេភាគីបន្ថែមលើកិច្ចសហប្រតិបត្តិការទេសចរណ៍