ព័ត៌មាន
សម្ដេចធិបតី៖ ចិនបានដើរតួនាទីយ៉ាងសកម្មតាំងពីដើមមកលើការសម្របសម្រួលដោះស្រាយបញ្ហាកម្ពុជា-ថៃ
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បន្តប្រាប់ទៅសារព័ត៌មាន Bloomberg តាមរយៈបទសម្ភាសន៍កាលពីថ្ងៃទី២៤ ខែកក្កដា ឆ្នាំ២០២៦នេះប្រទេសចិនបានដើរតួនាទីយ៉ាងសកម្មតាំងពីដើមមកលើការសម្របសម្រួលដោះស្រាយបញ្ហាកម្ពុជា-ថៃ។
តាមរយៈបទសម្ភាសន៍ជាមួយ សារព័ត៌មាន Bloomberg ត្រង់ចំណួរថា ថ្មីៗនេះ សម្ដេចធិបតី ក៏បានជួបជាមួយប្រធានាធិបតីចិន នៅទីក្រុងសៀងហៃផងដែរ, តើប្រធានាធិបតីចិន បានចែករំលែកក្ដីបារម្ភអ្វីខ្លះជាមួយសម្ដេចជាមួយជម្លោះតាមបណ្ដោយព្រំដែន?
សម្ដេចធិបតី បានបញ្ជាក់ថា ថ្នាក់ដឹកនាំចិន តែងតែបង្ហាញការគាំទ្រដល់ភាគីទាំងពីរ ឱ្យស្វែងរកមធ្យោបាយដោះស្រាយបញ្ហាដោយសន្ដិវិធី។ សម្ដេចធិបតីយល់ថា នេះក៏ជាសារដ៏សំខាន់ ដែលស្របទៅនឹងជំហររបស់ថ្នាក់ដឹកនាំអន្តរជាតិជាច្រើនដែលចង់ឃើញភាគីទាំងពីរដោះស្រាយបញ្ហានេះដោយសន្ដិវិធី និងផ្អែកលើច្បាប់អន្តរជាតិដែលមានជាធរមាន។ ព្រោះប្រសិនបើយើងមិនគោរពច្បាប់អន្តរជាតិ នោះមានន័យថា យើងនឹងមិនគោរពនូវសណ្ដាប់ធ្នាប់អន្តរជាតិដែលផ្អែកលើច្បាប់។ តើយើងនឹងអាចដើរតួនាទីជារដ្ឋសមាជិកក្រោមឆត្ររបស់អង្គការសហប្រជាជាតិក្នុងការដោះស្រាយជម្លោះដោយសន្ដិវិធីបានយ៉ាងដូចម្ដេច? នេះគឺជាជំហររបស់ប្រទេសកម្ពុជា។
ត្រង់សំណួរបន្ថែមថា តើសម្ដេចយល់ឃើញថា ប្រទេសចិន អាចដើរតួនាទីយ៉ាងដូចម្ដេច ក្នុងការជួយដោះស្រាយវិវាទព្រំដែននេះ?
សម្ដេចធិបតីបានបញ្ជាក់ថា ប្រទេសចិនបានដើរតួនាទីយ៉ាងសកម្មតាំងពីដើមក។ ជាក់ស្ដែង ចិនបានចូលរួមជាមួយសហរដ្ឋអាមេរិក និងម៉ាឡេស៊ី ក្នុងការគាំទ្រដល់ការសម្រេចបានបទឈប់បាញ់លើកដំបូង កាលពីថ្ងៃទី២៨ ខែកក្កដា ឆ្នាំ២០២៥ និងរៀបចំកិច្ចជំនួបក្រៅផ្លូវការមួយចំនួនរវាងរដ្ឋមន្រ្ដីការបរទេសកម្ពុជា និងសមភាគីថៃ។ ថ្មីៗនេះ ក៏មាន «កុងសង់ស៊ីស ហ្វូសៀន (Fusian Consensus)» ទាំងអស់នេះ គឺដើម្បីកសាង និងស្វែងរកមធ្យោបាយ កសាងទំនុកចិត្តសំដៅបន្ថយភាពតានតឹងនៃបញ្ហានេះ។ ដូច្នេះ សម្ដេចយល់ថា ប្រទេសចិនអាចបន្តដើរតួនាទីជាវិជ្ជមានក្នុងទិសដៅនេះផងដែរ៕
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន3 days ago«ធនធានហិរញ្ញវត្ថុ» ជាសរសៃឈាមរត់យ៉ាងសំខាន់មិនអាចខ្វះបានក្នុងការទ្រទ្រង់កម្លាំងប្រយុទ្ធ ខណៈប្រាក់បៀវត្សត្រូវតែផ្តល់ជូនឲ្យដល់ដៃយោធិនគ្រប់រូប
-
ព័ត៌មាន1 week agoឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញប្រកាសជាផ្លូវការបណ្តាញអគ្គលេខាធិការនៃក្រសួង ស្ថាប័ន ចំណុះអង្គការនីតិប្រតិបត្តិ
-
ព័ត៌មាន1 week agoឯកឧត្តម យក់ ប៊ុនណា បង្ហាញផែនការសកម្មភាព ១០ចំណុច ជំរុញទំនើបកម្មរដ្ឋបាលសាធារណៈតាមរយៈ «បណ្តាញអគ្គលេខាធិការ»
-
ព័ត៌មាន7 days agoឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត បន្តដឹកនាំកិច្ចប្រជុំរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅកម្ពុជា