ធុរជននិយាយភាសាបារាំង​មើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

តាមរយៈជំនួបសហគ្រិនហ្រ្វង់កូនហ្វូនី នៅរសៀលថ្ងៃទី១៤ ខែវិច្ឆិការនេះ បានធ្វើឲ្យធុរជនអន្តរជាតិសម្លឹងឃើញសក្តានុពលវិនិយោគនៅកម្ពុជា និងផ្សព្វផ្សាយសក្ដានុពលនេះទៅកាន់វិនិយោគិនបរទេសផងដែរ។

លោក Norman ARIKAWA អនុប្រធានប្រតិបត្តិ ការិយាល័យតំណាងសភាពាណិជ្ជកម្មកម្ពុជាប្រចាំរដ្ឋកាលីហ្វ័រញ៉ាបានផ្តល់បទសម្ភាសជាមួយBTVថា ក្នុងនាមសភាពាណិជ្ជកម្ម រដ្ឋកាលីហ្វ័រញ៉ា តែងតែជួយជំរុញពាណិជ្ជកម្មកម្ពុជាទៅកាន់រដ្ឋការលីហ្វ័រញ៉ា សហរដ្ធអាម៉េរិក ហើយតាមរយៈជំនួបសហគ្រិនហ្រ្វង់កូហ្វូនី យើងបានពិភាក្សាគ្នាពីការផ្លាស់ប្តូរពាណិជ្ជកម្មឲ្យកាន់តែមានភាពរីកចម្រើន។ប្រទេសកម្ពុជាមានសក្តានុពលវិនិយោគដូចជា៖វិស័យកសិកម្ម វិស័យម្ហូបអាហារ និងរោងចក្រជាដើម។

លោក Dan Solis អតីតជំនួយការស្នងការទទួលបន្ទុកប្រតិបត្តិការនាំចូល នៅរដ្ឋបាលចំណីអាហារ និងឱសថ (FDA)បានលើកឡើងថា ខ្ញុំរីករាយជាខ្លាំងដែលបានមកកាន់ប្រទេសកម្ពុជា និងចាប់អារម្មណ៍ភាពរីកចម្រើនរបស់ប្រទេសកម្ពុជាមួយចំនួនដូចជា៖ផលិតផលក្នុងស្រុក ម្ហូបអាហារ និងផលិតផលផ្សេងៗមួយចំនួនទៀត។ហើយពេលខ្ញុំត្រលប់ទៅសហរដ្ឋអាមេរិកវិញនឹងផ្សព្វផ្សាយពីសក្តានុពលវិនិយោគនៅក្នុងប្រទេសកម្ពុជាទៅអន្តរជាតិ។

គួរបញ្ជាក់ដែរថា ប្រទេសកម្ពុជាបានរៀបចំធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនី លើកទី២០ ចាប់ពីថ្ងៃទី១៤ រហូតដល់ថ្ងៃទី១៧ខែវិច្ឆិកា ឆ្នាំ២០២៦ ដោយមានប្រទេសជាសមាជិកហ្រ្វង់កូហ្វូនីចំនួនជាង៨០ប្រទេសចូលរួមកិច្ចប្រជុំ។កិច្ចប្រជុំនេះ រៀបចំឡើងក្រោមមូលបទ «រួមគ្នាបន្តកសាងសន្តិភាពដើម្បីវិបុលភាពរួម និងស្ថិរភាពយូរអង្វែង»។

ក្រៅពីកិច្ចប្រជុំហ្រ្វង់កូហ្វូនី ថ្នាក់រដ្ឋមន្រ្តី ថ្នាក់ប្រមុខរដ្ឋ និងរដ្ឋាភិបាល ក៍មានព្រឹតិ្តការណ៍មួយចំនួនទៀត ដូចជា៖ព្រឹត្តិការណ៍ហ្រ្វង់កូតិច ព្រឹត្តិការណ៍ភូមិហ្វ្រង់កូហ្វូនី និងជំនួបសហគ្រិនហ្រ្វង់កូហ្វូនីជាដើម។អត្ថបទ៖ទូច សោភ័ណ