រលកនៃជនអន្តោប្រវេសន៍វេណេស៊ុយអេឡា សម្រុកទៅជ្រកកោនក្បែរព្រំដែនប្រទេសប្រេស៊ីល

ជនអន្តោប្រវេសន៍វេណេស៊ុយអេឡា រាប់រយនាក់ បានប្រមូលផ្តុំគ្នានៅខាងក្រៅទីជម្រកមួយកន្លែងកាលពីថ្ងៃចន្ទ នៅតាមព្រំដែនប៉ារ៉ាកៃម៉ា ប្រទេសប្រេស៊ីល ដើម្បីស្វែងរកទីជ្រកកោនបណ្តោះអាសន្ននិងសុវត្ថិភាព បន្ទាប់ពីបានភៀសខ្លួនចេញពីប្រទេសរបស់ពួកគេ មួយខែបន្ទាប់ពីការបោះឆ្នោតប្រធានាធិបតី ដែលមានភាពចម្រូងចម្រាស។

មនុស្សប្រហែល ៥០០នាក់ រួមមានស្ត្រី កុមារ និងមនុស្សចាស់ បានតម្រង់ជួរដោយមានទ្រព្យសម្បត្តិរបស់ពួកគេនៅខាងក្រៅទីជម្រកមួយកន្លែង ក្នុងទីក្រុង Paracaima គ្រប់គ្រងដោយអង្គការ UNHCR និងរដ្ឋាភិបាលប្រេស៊ីល។

ជនអន្តោប្រវេសន៍ជាច្រើន បាននិយាយអំពីការឈឺចាប់ក្នុងការចាកចេញពីប្រទេសរបស់ពួកគេអំពីរឿងរ៉ាវនៅពីខាងក្រោយ។

រយៈពេលជាងមួយខែ បន្ទាប់ពីការបោះឆ្នោតដ៏ចម្រូងចម្រាស់នៅប្រទេសវេណេស៊ុយអេឡា ទីក្រុងជាប់ព្រំដែនប្រទេសប្រេស៊ីល កំពុងទទួលលំហូរដែលកំពុងកើនឡើងនៃប្រជាជនវេណេស៊ុយអេឡា ភៀសខ្លួនចេញពីប្រទេសរបស់ពួកគេ។

អាជ្ញាធរប្រេស៊ីល បាននិយាយថា ជាមធ្យមប្រជាជនវេណេស៊ុយអេឡា ៥០០នាក់ បានដើរឆ្លងកាត់ព្រំដែនជារៀងរាល់ថ្ងៃ និងតម្រង់ជួរ ដើម្បីចូលទៅក្នុងប្រទេសប្រេស៊ីល ហើយចំនួនកំពុងកើនឡើងជាលំដាប់។

កាលពីខែសីហា ពលរដ្ឋវេណេស៊ុយអេឡា១២.៣២៥នាក់ បានមកដល់ទីក្រុង Pacaraima ហើយយោងតាមនគរបាលសហព័ន្ធដែលគ្រប់គ្រងការអន្តោប្រវេសន៍និយាយថា វាបានកើនឡើងពីចំនួន ៨.០៥០នាក់ នៅក្នុងខែមិថុនា មុនពេលការបោះឆ្នោតរបស់ប្រទេសវ៉េណេស៊ុយអេឡា នៅថ្ងៃទី២៨ ខែកក្កដា។ ជនអន្តោប្រវេសន៍មកពីវេណេស៊ុយអេឡា បាននិយាយថា លទ្ធផលបោះឆ្នោត បានជំរុញការសម្រេចចិត្តរបស់ពួកគេក្នុងការចាកចេញពីប្រទេស។