កម្ពុជា និងកាណាដា បានប្ដេជ្ញាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ រវាងប្រទេសទាំងពីរ ជាពិសេសក្នុងវិស័យពាណិជ្ជកម្ម និងសេដ្ឋកិច្ច។ ការប្រកាសពង្រឹង និងពង្រីកកិច្ចសហប្រតិបត្តិការបែបនេះ ធ្វើឡើងក្នុងឱកាស សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតជូន ឯកឧត្តម Christian DesRoches ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសកាណាដា ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព នៅព្រឹកថ្ងៃទី២០...
ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក.) នៅថ្ងៃទី២០ ខែមេសា ឆ្នាំ២០២៦នេះ បានផ្ញើសារថ្លែងអំណរគុណប្រជាពលរដ្ឋទាំងអស់ ជាពិសេសអាជីវករ និងអ្នកប្រកបរបរក្នុងសេដ្ឋកិច្ចក្រៅប្រព័ន្ធបានចូលរួម និងសហការយ៉ាងសកម្មក្នុងការរៀបចំព្រឹត្តិការណ៍ នគរសង្ក្រាន្ត។ ឯកឧត្តមបានថ្លែងថា «ស្មារតីនៅជាមួយ ជាតិ កងកម្លាំង និង ជនភៀសសឹក គ្រប់វេលា»! ជូនចំពោះបងប្អូនវិស័យឯកជនគ្រប់ប្រភេទ និងបងប្អូនអាជីវករទាំងអស់ ខ្ញុំសូមថ្លែងអំណរគុណយ៉ាងជ្រាលជ្រៅ...
សិប្បករខ្មែរ បានចាត់ទុកព្រឹត្តិការណ៍នគរសង្ក្រាន្ត ជាការជួយផ្សព្វផ្សាយឱ្យសាធារណៈជនបានស្គាល់ផលិតផលរបស់ពួកគាត់ និង ជួយជ្រោមជ្រែងដល់ការរីកលូតលាស់នៃផលិតកម្មក្នុងស្រុក ជំរុញកាត់បន្ថយការនាំចូលផលិតផលពីប្រទេសជិតខាង និងជំរុញ ពង្រីកការប្រកួតប្រជែង ជាពិសេសការនាំចេញផលិតផលរបស់កម្ពុជា។ សិប្បករខ្មែរដែលដាក់តាំងបង្ហាញ និងលក់ផលិតផលនៅក្នុងព្រឹត្តិការណ៍នគរសង្ក្រាន្ត ក្នុងថ្ងៃបុណ្យចូលឆ្នាំប្រពៃណីខ្មែរ នៅ រាជធានីភ្នំពេញ ថ្លែងលើកឡើងនៅល្ងាចថ្ងៃទី១៩ ខែមេសា ឆ្នាំ២០២៦ ម្សិលមិញនេះថា ជុំវិញការអភិវឌ្ឍវិស័យគ្រាសធុនតូច និង មធ្យម និងសិប្បកម្ម, រាជរដ្ឋាភិបាលបានលើកទឹកចិត្តដល់វិស័យឯកជន តាមរយៈការផ្តល់កម្ចីឥណទាន និងការលើកទឹកចិត្តផ្នែក ពន្ធដារជាដើម...
ភ្នំពេញ៖ ឧត្តមសេនីយ៍ឯក លី កុសល រដ្ឋលេខាធិការក្រសួងការពារជាតិ និងជាប្រធានក្រុមការងារចំពោះកិច្ច តំណាងនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ រួមទាំងក្រុមការងារចុះសួរសុខទុក្ខ និងនាំយកអំណោយផ្ដល់ជូនវីរកងទ័ពសមរភូមិមុខរបួស និងមានជំងឺ កំពុងសម្រាកព្យាបាលនៅមន្ទីរពេទ្យព្រះកេតុមាលា ។ ក្នុងកិច្ចស្វាគមន៍ ឧត្តមសេនីយឯក លី សុវណ្ណ អគ្គនាយករង អគ្គនាយកដ្ឋានភស្តុភារ ហិរញ្ញវត្ថុក្រសួងការពារជាតិ និងជាប្រធានមន្ទីរពេទ្យព្រះកេតុមាលា និងថ្នាក់ដឹកនាំមន្ទីរពេទ្យបានរាយការណ៍សង្ខេប ស្ដីពីស្ថានភាពទូទៅ និងការយកចិត្តទុកដាក់របស់វេជ្ជបណ្ឌិត និងក្រុមគ្រូពេទ្យក្នុងការទទួលពិនិត្យព្យាបាលអ្នកជំងឺ...
អាណិកជនខ្មែរ និងភ្ញៀវទេសចរអន្តរជាតិនានា បាននាំគ្នាអញ្ជើញដំណើរទៅប្រទេសគេវិញជាបណ្តើរៗ ក្រោយពីបានអញ្ជើញមកដើរកម្សាន្តសប្បាយទស្សនាកម្ពុជា នៅក្នុងអំឡុងពេលបុណ្យចូលឆ្នាំថ្មី ប្រពៃណីខ្មែរ ដែលទើបនឹងចប់នៅក្នុងសប្តាហ៍មុននេះ។ ភ្ញៀវទេសចរអន្តរជាតិ និងអាណិកជនខ្មែរនៅប្រទេស បានថ្លែងប្រាប់BTV នៅថ្ងៃទី២០ ខែមេសាថា ការដើរកម្សាន្តមកកម្ពុជា នៅក្នុងអំឡុងថ្ងៃបុណ្យចូលឆ្នាំថ្មី ប្រពៃណីខ្មែរ នៅក្នុងសប្តាហ៍មុននេះ សំគាល់ឃើញថា គ្រប់គោលដៅទេសចរណ៍នានា និងនៅតាមជនបទស្រុកស្រែដាច់ស្រយ៉ាលនានា គឺសុទ្ធតែមានតុបតែង ធ្វើបុណ្យទានអបអរសាទរពិធីបុណ្យចូលឆ្នាំខ្មែរ និងមានការបង្កើតកម្មវិធីសាសនា កម្មវិធីលេងល្បែងកម្សាន្តប្រជាប្រីយ៍ជាច្រើន មានភាពសប្បាយរីករាយខ្លាំង ហើយបទពិសោធន៍ការដើរកម្សាន្តនេះ ធ្វើឲ្យគេទទួលបានអនុស្សាវរីយ៍...
ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញដឹកនាំប្រតិភូក្រសួងបរិស្ថានកម្ពុជា ចូលរួមកិច្ចប្រជុំកំពូលស្តីពីអេកូឡូស៊ីថ្នាក់តំបន់ ឆ្នាំ២០២៦ Regional Ecological Summit (RES 2026) ដែលប្រព្រឹត្តទៅចាប់ពីថ្ងៃទី២២ ដល់ថ្ងៃទី២៤ ខែមេសា ឆ្នាំ២០២៦ នៅទីក្រុងអាស្តាណា ប្រទេសកាហ្សាក់ស្ថាន។ ជូនដំណើឯកឧត្តមរដ្ឋមន្រ្តី និងប្រតិភូ មានវត្តមានថ្នាក់ដឹកនាំ និងមន្រ្តីរាជការក្រសួងបរិស្ថាន នៅឯព្រលានយន្តហោះអន្តរជាតិសម្តេចតេជោ នៅព្រឹកថ្ងៃទី២០ ខែមេសា ឆ្នាំ២០២៦។...
ក្រសួងវប្បធម៌ និងវិចិត្រសិល្បៈ ប្រកាសជ្រើសរើសសិស្សានុសិស្ស ដើម្បីចូលរួមកម្មវិធីបណ្តុះបណ្តាលជំនាញវិជ្ជាជីវៈដូនតា ដោយមិនបង់ថ្លៃ សម្រាប់ឆ្នាំ២០២៦ ចាប់ពីខែឧសភា នេះតទៅ។ ក្រសួងវប្បធម៌ និងវិចិត្រសិល្បៈ ជាអ្នកទទួលខុសត្រូវ ក្នុងការចុះឈ្មោះចូលសិក្សានៃកម្មវិធីបណ្តុះបណ្តាលជំនាញវិជ្ជាជីវៈដូនតា និងបញ្ជាក់ពីលក្ខខណ្ឌសិក្សារបស់សិស្សានុសិស្ស យុវជន មកពីគ្រួសារមានបណ្ណសមធម៌ និងបណ្ណសម្គាល់គ្រួសារងាយរងហានិភ័យ។ ការរៀនជំនាញវិជ្ជាជីវៈដូនតា នឹងរៀបចំឡើងតាមគ្រឹះស្ថានអប់រំបណ្ដុះបណ្ដាល និងសាលាបណ្ដុះបណ្ដាលជំនាញវិជ្ជាជីវៈមរតកដូនតា នៅតាមសហគមន៍ ដែលទទួលស្គាល់ដោយក្រសួងវប្បធម៌ និងវិចិត្រសិល្បៈ។ ឯកឧត្តម ឈុំ ម៉េងហុង អគ្គនាយកបច្ចេកទេសវប្បធម៌...
អ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ថា ក្នុងរយៈពេល៦ថ្ងៃ នៃពិធីបុណ្យចូលឆ្នាំថ្មី នៅទូទាំងប្រទេស គឺបានប្រព្រឹត្តទៅក្នុងបរិយាកាសដ៏ល្អប្រសើរ ពុំមានហេតុការណ៍ណាមួយកើតឡើងគួរឲ្យកត់សម្គាល់ឡើយ។ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានប្រាប់ BTV នៅថ្ងៃទី២០ ខែមេសា នេះថា ក្នុងអំឡុងពេលប្រជាពលរដ្ឋកំពុងរីករាយសប្បាយក្នុងបុណ្យចូលឆ្នាំថ្មី ស្ថានការណ៍សន្តិសុខ សណ្តាប់ធ្នាប់ សុវត្ថិភាពសង្គម នៃពិធីបុណ្យចូលឆ្នាំថ្មីប្រពៃណៃជាតិខ្មែរទូទាំងប្រទេស និងការរៀបចំព្រឹត្តិការណ៍នគរសង្ក្រាន្ត គឺបានប្រព្រឹត្តទៅក្នុងបរិយាកាសដ៏ល្អប្រសើរ ការដើរកំសាន្តសប្បាយរបស់ប្រជាពលរដ្ឋ រួមទាំងភ្ញៀវទេសចរណ៍ជាតិ...
សហភាពសហព័ន្ធយុវជនកម្ពុជា (ស.ស.យ.ក.) បានវាយតម្លៃថា ការរៀបចំព្រឹត្តិការណ៍នគរសង្ក្រាន្តនៅរាជធានីភ្នំពេញរយៈពេល ៦ថ្ងៃ ពីថ្ងៃទី១៤-១៩ ខែមេសា ឆ្នាំ២០២៦ គឺទទួលបានជោគជ័យលើសពីការរំពឹងទុក និងបានប្រព្រឹត្តទៅដោយជោគជ័យ មានសសន្តិសុខ សុវត្ថិភាពល្អដោយមិនមានបញ្ហាអ្វីកើតឡើងគួរឲ្យកត់សម្គាល់។ ឯកឧត្តម សុខ សប្បាយណា សមាជិកគណៈអចិន្ត្រៃយ៍ គណៈកម្មាធិការកណ្តាល សហភាពសហព័ន្ធយុវជនកម្ពុជា (ស.ស.យ.ក.) និងជាប្រធានក្រុមការងារប្រតិបត្តិ បានថ្លែងក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ នៅថ្ងៃទី១៩ ខែមេសា ឆ្នាំ២០២៦ ថា ការរៀបចំព្រឹត្តិការណ៍នគរសង្ក្រាន្ត...
ក្នុងអំឡុងពេលរយៈពេលពេញ១សប្តាហ៍ អំឡុងបុណ្យចូលឆ្នាំថ្មី ប្រពៃណីខ្មែរ ឆ្នាំ២០២៦ គ្រប់មូលដ្ឋានអាជីវកម្មទេសចរណ៍នៅលើកោះរ៉ុងទាំងអស់ គឺមានភាពមមាញឹកខ្លាំងទទួលបានភ្ញៀវទេសចរជាតិអន្តរជាតិ ចូលទៅទទួលសេវាកម្មពេញៗ ។ មូលដ្ឋានអាជីវកម្មទេសចរណ៍ដែលមានម្ចាស់ជាជនជាតិបរទេស បានថ្លែងប្រាប់BTV នៅថ្ងៃទី២០ ខែមេសានេះថា នៅក្នុងអំឡុងពេល និងក្រោយពេលបុណ្យចូលឆ្នាំថ្មី ប្រពៃណីខ្មែរ ដែលមានពេលសរុបចំនួន៦ថ្ងៃមកនេះ គឺមានភ្ញៀវទេសចរជាតិ អន្តរជាតិ ច្រើនកុះករនាំគ្នា អញ្ជើញមកដើរកម្សាន្តកោះរ៉ុង ហើយជាការកត់សំគាល់ គឺមានភ្ញៀវទេសចរជាតិជាច្រើនអញ្ជើញចូលមកទទួលសេវាកម្មបន្ទប់ស្នាក់នៅតាមឆ្នេរលំដាប់ផ្កាយ ដែលធ្វើគេមានពេញខ្លាំងចំពោះកំណើនភ្ញៀវទេសចរជាតិជួយទ្រទ្រង់អាជីវកម្មទេសចរណ៍ នៅក្នុងអំឡុងរដូវទេសចរណ៍បៃតងឈានចូលមកដល់។ ទេសចរជាតិអន្តរជាតិថ្លែងថា ការដើរកម្សាន្តទេសចរណ៍មកលើកោះរ៉ុងនេះ...