រំភើបចិត្តណាស់! រឿង «ក្រមុំមុខពីរ» បានអ្នកគាំទ្រ ខម្មិនសរសើរអស់ពីចិត្ត សម្រាប់ភាគបញ្ចប់យប់មិញ

ត្រឹមភាគទី ៤៦ រឿង «ក្រមុំមុខពីរ» បានឈានមកដល់ភាគបញ្ចប់ កាលពីយប់មិញនេះ។ ជាមួយនឹងទស្សនីយភាព និងឈុតឆាកដ៏ល្អមើល ដែលកាន់តែធ្វើអោយអ្នកទស្សនាញញឹមបិទមាត់លែងជិតហើយ។

ក្នុងនោះ យើងក៏ឃើញមានការខម្មិនពាក្យពេចន៍ល្អចាច្រើនពីអ្នកទស្សនា ពិសេសហ្វេនជាអ្នកគាំទ្ររឿង «ក្រមុំមុខពីរ» តាំងពីដើមរឿងមក។

ក្រៅពីការខម្មិនឆ្លងឆ្លើយគ្នានៅក្នុងការឡាយយ៉ាងសប្បាយរីករាយ អ្នកគាំទ្របានបញ្ចេញមតិរៀងៗខ្លួនរបស់ពួកគេ ថាពេញចិត្ត និងសូមសរសើរដល់អ្នកនិពន្ធ រួមជាមួយតួអង្គសម្ដែងចេញពីចិត្ត ពីសមត្ថភាពរបស់ពួកគាត់។ បន្ថែមពីនេះទៀត យើងក៏ឃើញការខម្មិនឆ្លើយតបមួយចំនួនពីខាងតួអង្គសម្ដែងក្នុងរឿងផងដែរ ដូចជាលោក ទ្រី តារាវុធ (តួ ទី) នាយ ចៃ (តួ បុស្បា) រួមជាមួយតារាសម្ដែងកិត្តិយសមួយចំនួនទៀត។

ការគាំទ្ររបស់ទស្សនិកជន ជាកម្លាំងចិត្តរបស់យ៉ាងមានប្រសិទ្ធិភាព និងមានតម្លៃបំផុតសម្រាប់ផលិតករ និងតារាសម្ដែងគ្រប់រូប។ ជាចុងក្រោយ ខាងទូរទស្សន៍ បាយ័ន សន្យាថានឹងនាំយកខ្សែភាយន្តខ្មែរល្អៗមកចាក់ផ្សាយជូនទស្សនាជាបន្តបន្ទាប់ទៀត៕

អត្ថបទដោយ៖ Ha Ti