News
ថ្ងៃទី៣និងទី៥ឧសភានេះជាខួប៥ឆ្នាំមរណភាពម្តាយក្មេក និងខួប៣ឆ្នាំបងប្រុសទី២សម្ដេចតេជោ ខណៈពីថ្ងៃទី៧ដល់ទី៩ សម្ដេចត្រូវបំពេញទស្សនកិច្ចផ្លូវការនៅឥណ្ឌូនេស៊ី និងទីម័រឡេស្តេ
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ព្រធានព្រឹទ្ធសភានៃកម្ពុជា នៅព្រឹកថ្ងៃទី៣ ខែឧសភា ឆ្នាំ២០២៥នេះ បានបង្ហោះសារមួយបង្ហាញពីកាលវិភាគដ៏មមាញឹករបស់សម្ដេចនៅក្នុងសប្ដាហ៍នេះដោយទី១ ចាប់ពីថ្ងៃទី៣ និងទី៥ ឧសភានេះជាខួបខួប៥ឆ្នាំនៃមរណភាពម្តាយក្មេក និងខួប៣ឆ្នាំបងប្រុសទី២សម្ដេចតេជោ ខណៈចាប់ពីថ្ងៃទី៧ដល់ទី៩ សម្ដេចត្រូវបំពេញទស្សនកិច្ចនៅប្រទេសឥណ្ឌូនេស៊ី និងទីម័រឡេស្តេផងដែរ។
សម្ដេចតេជោ បានសរសេរថា បញ្ហាគ្រួសារ និងការងារពិបាកបែងចែកពីគ្នាណាស់។ គិតតែពីគ្រួសារចោលការងារក៏មិនបាន។ គិតតែពីការងារចោលគ្រួសារក៏មិនបាន។
សម្ដេចតេជោបានបញ្ជាក់ថា៖«សម្រាប់ខ្ញុំពេលនេះ ថ្ងៃ៣ និង៤ ឧសភា ខួប៥ ឆ្នាំនៃមរណភាពម្តាយក្មេកក្នុងពេលភរិយាមិនអាចចូលរួមពិធីបុណ្យបាន។ ថ្ងៃ៤ និង៥ ឧសភាខួប៣ ឆ្នាំនៃមរណភាពបងប្រុសទី២។ ខ្ញុំត្រូវចូលរួមកម្មវិធីទាំងពីរតែជាអកុសលខ្ញុំមិនអាចនៅបុណ្យឆ្លងនាព្រឹកថ្ងៃ៥ ឧសភាសម្រាប់បងប្រុសបានទេ ព្រោះខ្ញុំត្រូវចេញដំណើរទៅឥណ្ឌូនេស៊ីនៅម៉ោង៧ព្រឹកដើម្បីជួបប្រធានាធិបតីឥណ្ឌូនេស៊ីនៅម៉ោង ១១ ថ្ងៃត្រង់ (ក្នុងករណីគ្មានការកែប្រែ)»។
សម្ដេចតេជោបានបញ្ជាក់ថា នៅឥណ្ឌូនេស៊ីពីថ្ងៃ៥ ដល់ថ្ងៃ ៧ មានជំនួបជាមួយថ្នាក់ដឹកនាំឥណ្ឌូនេស៊ីទស្សនកិច្ច និងធ្វើបាឋកថានៅលេខាធិការដ្ឋានអាស៊ាន នាល្ងាចថ្ងៃ៥ឧសភា។
តាមការគ្រោងទុកសម្ដេច និងធ្វើបាឋកថាមួយទៀតនៅវិទ្យាស្ថានសេដ្ឋកិច្ចអាស៊ាននិងអាស៊ីបូពា៏នាទីក្រុងហ្សាកាតានាព្រឹកថ្ងៃទី៦ ខែឧសភា ហើយថ្ងៃត្រង់ ទី៧ ខែឧសភា សម្ដេចនឹងធ្វើដំណើរទៅកាន់ប្រទេសទីម័រឡេស្តេ ដើម្បីទស្សនកិច្ចផ្លូវការរហូតដល់ល្ងាចថ្ងៃ៩ ខែឧសភា ឆ្នាំ២០២៥ ទើបសម្ដេចអញ្ជើញនិវត្តមកដល់កម្ពុជាវិញ។
សម្ដេចបានបញ្ជាក់ឱ្យដឹងដែរថា នៅថ្ងៃទី១០ ខែឧសភា សម្ដេចនៅមិនទាន់បានសម្រាកវាយកូនគោលនៅឡើយទេ ពីព្រោះរឿងគ្រួសារបានមកដល់ទៀតហើយនោះ គឺចូលរួមកាត់សក់ ចងដៃឲ្យចៅស្រីដែលជាកូនរបស់ក្មួយស្រីបង្កើតដែលកូនរបស់បងប្រុសរបស់ភរិយារបស់សម្ដេច ដែលត្រូវរៀបការដែលសម្ដេចត្រូវចូលរួមទាំងព្រឹកទាំងល្ងាចដោយខានមិនបាន។ សម្ដេចបញ្ជាក់ថា៖«ត្រង់នេះហើយដែលខ្ញុំលើកពីខាងលើថា ពិបាកបែងចែករវាងការងារ និងបញ្ហាគ្រួសារ»៕

-
ព័ត៌មាន1 week ago
កម្ពុជា ធ្វើជាម្ចាស់ផ្ទះរៀបចំសន្និសីទសមាគមគ្រូពេទ្យ ត្រចៀក ច្រមុះ បំពង់ក សល្យសាស្រ្ត ក្បាល និងក អាស៊ាន លើកទី២១
-
ព័ត៌មាន1 week ago
ក្រសួងមហាផ្ទៃកម្ពុជា ចាត់ទុកសកម្មភាពអាជ្ញាធរថៃចូលឈូសឆាយដីធ្លីពលរដ្ឋខ្មែរ នៅភូមិព្រៃចាន់ គឺជាអំពើឧក្រិដ្ឋកម្មប្រឆាំងមនុស្សជាតិ
-
ព័ត៌មាន1 week ago
ស.ស.យ.ក ខណ្ឌច្បារអំពៅ បន្តនាំអំណោយ និងថ្នាំការពាររោគសើរស្បែក ជូនដល់បងប្អូនពលរដ្ឋនៅតំបន់បឹងព្រលិត ដែលរងផលប៉ះពាល់ដោយទឹកជន់
-
ព័ត៌មាន2 days ago
កិច្ចព្រមព្រៀងសន្តិភាពកម្ពុជា-ថៃ នឹងត្រូវចុះហត្ថលេខានៅចុងខែនេះ ដោយមានប្រធានាធិបតីអាម៉េរិកជាសាក្សី
-
ព័ត៌មាន1 week ago
អង្គភាពស៊ីម៉ាក់ស្នើរដ្ឋាភិបាលជប៉ុនតាមរយៈ JICA បន្ដគាំទ្រវិស័យសកម្មភាពបោសសម្អាតមីននៅកម្ពុជា
-
ព័ត៌មាន3 days ago
ក្រោយស្ងប់ស្ងាត់៣យប់ ថៃ បន្តចាក់សំឡេងរំខានអ្នកភូមិជោគជ័យ ដែលមានកម្រិតរលកសំឡេងខ្ពស់បំផុត
-
ព័ត៌មាន1 week ago
ព្រះមហាក្សត្រ និងសម្ដេចព្រះមហាក្សត្រី យាងនិវត្តន៍មកដល់កម្ពុជាវិញហើយនៅរសៀលថ្ងៃទី១២តុលានេះ
-
ព័ត៌មាន1 day ago
តំណាងរាស្រ្តមណ្ឌលខេត្តបន្ទាយមានជ័យ អញ្ជើញចុះសួរសុខទុក្ខកងកម្លាំងជួរមុខ និងប្រជាពលរដ្ឋរស់នៅភូមិព្រៃចាន់