ព័ត៌មាន
ពលរដ្ឋ ៧៣៨ គ្រួសារក្នុងសង្កាត់ក្របីរៀលបានទទួលចង្រ្កានបង្កើនថាមពលកាត់បន្ថយការបំពុលបរិស្ថាន
សៀមរាប ៖ ក្រុមការងារចុះជួយមូលដ្ឋាន សង្កាត់ក្របីរៀល ក្រុងសៀមរាប តាមរយៈបណ្តាញសង្គមស៊ីវិលកម្ពុជា (CCN) បានផ្ដល់ចង្ក្រានចំនួន ៧៣៨ ចង្ក្រាន ដល់ប្រជាពលរដ្ឋចំនួន៧ភូមិ ក្នុងសង្កាត់ក្របីរៀល ដើម្បីជួយកាត់បន្ថយភាពក្រីក្រ និងចូលរួមការកាត់បន្ថយការបំភាយកាបូនចូលក្នុងបរិយាកាសក្នុងពេលធ្វើចំណីអាហារ។ ពិធីប្រគល់ចង្ក្រាននេះ ធ្វើឡើងថ្ងៃទី១៤ខែកញ្ញាឆ្នាំ២០២៤នេះ។
ឯកឧត្តមបណ្ឌិត ហង់ ពៅ អគ្គនាយកអាជ្ញាធរជាតិអប្សរា និងជាប្រធានក្រុមការងារចុះជួយមូលដ្ឋាន សង្កាត់ក្របីរៀល ក្រុងសៀមរាប មានប្រសាសន៍ថា ចង្ក្រានបង្កើនថាមពលនេះ ជាអំណោយរបស់ក្រុមហ៊ុនចិន ដែលមានមូលដ្ឋាននៅសាធារណៈរដ្ឋប្រជាមានិតចិន។ ក្រុមហ៊ុននេះ គឺផ្តោតសំខាន់ទៅលើភាពបៃតងនៅលើផែនដី និងមានសកម្មភាពក្នុងការជួយកាត់បន្ថយភាពក្រីក្រ និងចូលរួមការកាត់បន្ថយការបំភាយកាបូនចូលក្នុងបរិយាកាស។
ឯកឧត្ដមបន្ដថា ចង្ក្រាននេះត្រូវបានផលិតឡើងដោយសិប្បកម្មព្រៃមាន់ ដែលមានមូលដ្ឋាននៅខេត្តកំពង់ឆ្នាំង និងដែលមានកម្មករជាអ្នកពិការភាពមួយចំនួនផងដែរ។ ចង្ក្រាននេះ មិនត្រឹមតែជួយលើក សម្រស់ផ្ទះបាយ និងលើកកម្ពស់ជីវភាពរបស់ប្រជាជនប៉ុណ្ណោះទេ ថែមទាំងបានចូលរួមចំណែក ជាមួយសហគមន៍អន្តរជាតិ នៅក្នុងការកាត់បន្ថយការបំភាយកាបូនទៅក្នុងបរិយាកាស និងជំរុញបៃតងភាពជំវិញផ្ទះ និងសហគមន៍ឱ្យកាន់តែល្អប្រសើរថែមទៀតផង។
លោក សាខុន ប៉ូរិន ជាប្រធានបណ្តាញសង្គមស៊ីវិលកម្ពុជា (CCN) មានប្រសាសន៍ថា ក្នុងបេសកកម្មចែកចង្ក្រានបង្កើនថាមពលព្រៃមាន់នេះ ជាការរួមចំណែកជាមួយរាជរដ្ឋាភិបាលកម្ពុជាក្នុងវិស័យបរិស្ថាន និងការកាត់បន្ថយភាពក្រីក្រ។ ជំនួយចង្ក្រានព្រៃមាន់គឺមានលក្ខណៈបច្ចេកទេសក្នុងការកាត់បន្ថយដល់ការប្រើប្រាស់បរិមាណអុស និងការបំភាយកាបូនក្នុងកម្រិតមួយទាបចូលទៅក្នុងបរិយាកាស។ ចង្ក្រាននេះក៏មានការពិសោធន៍ចេញពីវិទ្យាស្ថានបច្ចេកវិទ្យាកម្ពុជា ក្នុងការផលិតយ៉ាងណាឱ្យមានគុណភាព និងការបំភាយកាបូនក្នុងកំរិតទាប។ លោកបន្ដថា កន្លងមក បណ្តាញសង្គមស៊ីវិលកម្ពុជាបានចែកជូនដល់ប្រជាជនអស់ចំនួនជាង ២៥០០០ ចង្ក្រានរួចមកហើយ ដែលមាន១២រាជធានី-ខេត្ត ហើយក្នុងនោះ មានប្រជាពលរដ្ឋក្នុងខេត្ដសៀមរាប ក៏បានទទួលចង្ក្រានបរិស្ថាននេះផងដែរ៕

-
កីឡា4 days ago
អ្នកលេងគុនខ្មែរមកពីខេត្តព្រៃវែង លន បញ្ញា ល្អឡើងៗប្រមាណ ១០ប្រកួតចុងក្រោយនេះផ្ដួលដៃគូឲ្យសន្លប់បោះបង់ការប្រកួតមុនបញ្ចប់ទឹករហូត ស្របពេលនេះកំពុងហ្វឹកហាត់យ៉ាងសកម្មបន្តទៀតត្រៀមប៉ះជើងខ្លាំងមកពីប្រទេសអ៊ុយក្រែន។
-
កីឡា1 day ago
ប្រធានសហព័ន្ធប្រដាល់សកល ចាត់ទុកកម្មវិធីអន្ដរក្លិប ជាចលករថ្មី ដើម្បីជំរុញការផ្សព្វផ្សាយ និងអភិវឌ្ឍន៍
-
កីឡា1 day ago
ភ្នំពេញក្រោន ឈរចាំវិសាខា និង Tiffy Army ក្នុងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ
-
ព័ត៌មាន11 hours ago
នាវាកងទ័ពជប៉ុនមានអាទិភាពមុនគេបង្អស់ក្នុងការចូលចតនៅកំពង់ផែរាមបន្ទាប់ពីសាងសង់រួច
-
ព័ត៌មាន11 hours ago
ក្រសួងមុខងារសាធារណៈ និងក្រសួងសេដ្ឋកិច្ចរៀបចំសិក្ខាសាលាពិគ្រោះយោបល់ស្តីពី «ការរៀបចំគុណវុឌ្ឍិ និងការពិពណ៌មុខតំណែងរបស់មន្ត្រីរាជការនៃវិទ្យាស្ថានជាតិស្ថិតិ»
-
ព័ត៌មាន11 hours ago
ឯកឧត្តម ហ៊ុន ម៉ានី៖ ការលាបពណ៌ ការរើសអើង គឺជាប្រភពនៃការបែកបាក់សាមគ្គី ហើយនាំឲ្យជាតិចុះខ្សោយ
-
ព័ត៌មាន11 hours ago
សមាគមអភិវឌ្ឍន៍សង្គមខ្មែរ សហការជាមួយដៃគូក្នុងស្រុកចូលរួមលើកកម្ពស់ផលិតផលខ្មែរ
-
ព័ត៌មាន11 hours ago
មន្រ្តីជំនាញ៖ ច្បាប់ខ្មែរបុរាណយកលំនាំទស្សនវិជ្ជាតាមបែបសាសនាជាពិសេសទស្សនវិជ្ជាពុទ្ធនិយម