ព័ត៌មាន
របាយការណ៍ UN៖ យោធាមីយ៉ាន់ម៉ា បង្កើនការសម្លាប់ និងការចាប់ខ្លួនលើជនស៊ីវិល
របាយការណ៍របស់អង្គការសហប្រជាជាតិ បាននិយាយកាលពីថ្ងៃអង្គារ (១៧ កញ្ញា) ថា រដ្ឋាភិបាលយោធាមីយ៉ាន់ម៉ា បានបង្កើនការសម្លាប់ និងការចាប់ខ្លួនក្នុងគោលបំណងជាក់ស្តែងមួយដើម្បីបំបិទមាត់គូប្រជែង និងជ្រើសរើសទាហានបន្ថែមនៅក្នុងជម្លោះដែលកំពុងកើនឡើង ដោយមនុស្សរាប់ម៉ឺននាក់ត្រូវបានឃុំខ្លួនចាប់តាំងពីរដ្ឋប្រហារឆ្នាំ២០២១មក។
យោធាបានឡើងកាន់អំណាចនៅខែកុម្ភៈ ឆ្នាំ២០២១ បន្ទាប់ពីបានទម្លាក់រដ្ឋាភិបាលស៊ីវិលជាប់ឆ្នោតរបស់លោកស្រី អ៊ុងសាន ស៊ូជី និងបង្កឱ្យមានការតវ៉ាតាមដងផ្លូវទូទាំងប្រទេសដែលខ្លួនបានបង្រ្កាបដោយហិង្សា។
របាយការណ៍របស់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោក វ៉ុលឃើ ធឺក (Volker Turk) ដែលផ្អែកលើផ្នែកមួយនៅលើបទសម្ភាសន៍ពីចម្ងាយជាមួយជនរងគ្រោះ និងសាក្សីរាប់រយនាក់ដោយសារក្រុមស៊ើបអង្កេតត្រូវបានបដិសេធមិនឱ្យចូលប្រទេស បានបង្ហាញថា ជនស៊ីវិល ៥.៣៥០នាក់ ត្រូវបានសម្លាប់ដោយយោធាចាប់តាំងពីរដ្ឋប្រហារ។
ក្នុងចំណោមនោះ ២.៤១៤នាក់ បានស្លាប់ក្នុងរយៈពេលដែលគ្របដណ្តប់ដោយរបាយការណ៍របស់អង្គការសហប្រជាជាតិនៅចន្លោះខែមេសា ឆ្នាំ២០២៣ ដល់ខែមិថុនា ឆ្នាំ២០២៤ ដោយរាប់រយនាក់ត្រូវបានសម្លាប់ក្នុងការវាយប្រហារតាមអាកាស និងការវាយប្រហារដោយកាំភ្លើងធំ ដែលស្មើនឹងកំណើន ៥០ភាគរយធៀបនឹងរយៈពេលរាយការណ៍ពីមុន។
របាយការណ៍នោះក៏បានបង្ហាញពីទំហំនៃការឃុំឃាំងនៅទូទាំងប្រទេស ដោយមនុស្សជិត ២៧.៤០០នាក់ ត្រូវបានចាប់ខ្លួនចាប់តាំងពីរដ្ឋប្រហារ រួមទាំងច្រើនជាង ៩.០០០នាក់ ក្នុងរយៈពេលរាយការណ៍ចុងក្រោយនេះ។ របាយការណ៍បាននិយាយថា មនុស្សជាច្រើនទៀតត្រូវបានគេគិតថាស្ថិតនៅក្នុងមជ្ឈមណ្ឌលហ្វឹកហ្វឺនយោធា៕

-
កីឡា4 days ago
អ្នកលេងគុនខ្មែរមកពីខេត្តព្រៃវែង លន បញ្ញា ល្អឡើងៗប្រមាណ ១០ប្រកួតចុងក្រោយនេះផ្ដួលដៃគូឲ្យសន្លប់បោះបង់ការប្រកួតមុនបញ្ចប់ទឹករហូត ស្របពេលនេះកំពុងហ្វឹកហាត់យ៉ាងសកម្មបន្តទៀតត្រៀមប៉ះជើងខ្លាំងមកពីប្រទេសអ៊ុយក្រែន។
-
កីឡា22 hours ago
ភ្នំពេញក្រោន ឈរចាំវិសាខា និង Tiffy Army ក្នុងវគ្គ ១/២ ផ្ដាច់ព្រ័ត្រពានសម្ដេចតេជោ-ថ្នាក់ជាតិ
-
កីឡា22 hours ago
ប្រធានសហព័ន្ធប្រដាល់សកល ចាត់ទុកកម្មវិធីអន្ដរក្លិប ជាចលករថ្មី ដើម្បីជំរុញការផ្សព្វផ្សាយ និងអភិវឌ្ឍន៍
-
ព័ត៌មាន3 days ago
ឯកឧត្តម ហ៊ុល សំអុន ចុះសំណេះសំណាល និងសួរសុខទុក្ខដល់ប្រជាការពារ និងពលរដ្ឋជិត ៣រយនាក់នៅស្រុកត្រាំកក់
-
ព័ត៌មាន60 minutes ago
នាវាកងទ័ពជប៉ុនមានអាទិភាពមុនគេបង្អស់ក្នុងការចូលចតនៅកំពង់ផែរាមបន្ទាប់ពីសាងសង់រួច
-
ព័ត៌មាន55 minutes ago
ក្រសួងមុខងារសាធារណៈ និងក្រសួងសេដ្ឋកិច្ចរៀបចំសិក្ខាសាលាពិគ្រោះយោបល់ស្តីពី «ការរៀបចំគុណវុឌ្ឍិ និងការពិពណ៌មុខតំណែងរបស់មន្ត្រីរាជការនៃវិទ្យាស្ថានជាតិស្ថិតិ»
-
ព័ត៌មាន1 hour ago
មន្រ្តីជំនាញ៖ ច្បាប់ខ្មែរបុរាណយកលំនាំទស្សនវិជ្ជាតាមបែបសាសនាជាពិសេសទស្សនវិជ្ជាពុទ្ធនិយម
-
ព័ត៌មាន40 minutes ago
ឯកឧត្តម ហ៊ុន ម៉ានី៖ ការលាបពណ៌ ការរើសអើង គឺជាប្រភពនៃការបែកបាក់សាមគ្គី ហើយនាំឲ្យជាតិចុះខ្សោយ