មេដឹកនាំអ៊ុយក្រែន៖ការបញ្ចប់សង្គ្រាមជាមួយរុស្ស៊ី គឺអាស្រ័យលើដំណោះស្រាយរបស់សម្ព័ន្ធមិត្ត

លោកប្រធានាធិបតីអ៊ុយក្រែន Volodymyr Zelenskiy បាននិយាយថា ការបញ្ចប់សង្រ្គាមដែលមានអាយុកាលជាង២ឆ្នាំកន្លះជាមួយរុស្ស៊ី គឺអាស្រ័យលើដំណោះស្រាយរបស់បណ្ដាសម្ព័ន្ធមិត្តលោកខាងលិចរបស់ក្រុង Kyiv ក្នុងការផ្តល់អាវុធដែលត្រូវការ និងការអនុញ្ញាតឱ្យបាញ់ផ្លោងចូលជ្រៅក្នុងទឹកដីរបស់រុស្ស៊ី។

អំឡុងថ្លែងតាមវីដេអូពេលយប់ លោក Zelenskiy បានថ្លែងអំណរគុណដល់យោធារបស់លោកសម្រាប់ការវាយប្រហារថ្មីៗទៅលើឃ្លាំងអាវុធក្នុងប្រទេសរុស្ស៊ី ទោះរូបលោកពុំបញ្ជាក់ពីទីតាំងជាក់លាក់ណាមួយក៏ដោយ។

លោកក៏បាននិយាយផងដែរថាកិច្ចប្រជុំរបស់លោកសប្តាហ៍ក្រោយនៅសហរដ្ឋអាមេរិកគឺ សំខាន់ ដើម្បីធានាថា អ៊ុយក្រែន មានសមត្ថភាពការពារខ្លួន។

ប្រសិនបើយើងអាចដឹកនាំភាពជាក់លាក់ទាំងអស់របស់យើងឆ្ពោះទៅរកការការពាររដ្ឋរបស់យើង ប្រសិនបើមានមីស៊ីល និងការអនុញ្ញាតគ្រប់គ្រាន់ ដែលដៃគូអាចផ្តល់សម្រាប់សំណូមពរនេះ ស្ថានភាពទាំងមូលនៅក្នុងសង្រ្គាម នឹងកាន់តែប្រសើរសម្រាប់សន្តិសុខរបស់យើង។

លោកបានបន្ថែមថា ចម្លើយចំពោះសំណួរ តើសង្គ្រាមនឹងត្រូវបញ្ចប់នៅពេលណា? តាមពិតទៅគឺនៅពេលការតាំងចិត្តដោះស្រាយបញ្ហារបស់ដៃគូយើងនឹងមិនយឺតយ៉ាវ ចំពោះអ្វីដែលយើងអាចធ្វើដើម្បីការពារជាតិ ឯករាជ្យភាពរបស់យើង និងជ័យជម្នះរបស់យើង។

យុទ្ធសាស្ត្រច្បាស់លាស់របស់យើងនឹងស្ថិតនៅលើតុរបស់ដៃគូរយើង និងនៅលើតុរបស់លោកប្រធានាធិបតីសហរដ្ឋអាមេរិក៕