[UPDATE] ការវាយប្រហាររបស់អ៊ីស្រាអែល សម្លាប់មនុស្ស ៧២នាក់នៅលីបង់ នាំឲ្យចំនួនស្លាប់កើនឡើងជាង ៦២០នាក់

ក្រសួងសុខាភិបាលនៃប្រទេសលីបង់ បាននិយាយថា ការវាយប្រហាររបស់អ៊ីស្រាអែល បានសម្លាប់មនុស្សចំនួន ៧២នាក់ នៅទូទាំងប្រទេសលីបង់ កាលពីថ្ងៃពុធ ខណៈដែលចំនួនអ្នកស្លាប់ដោយសារការវាយលុកនេះ បានកើនឡើងលើសពី ៦២០នាក់។

រដ្ឋមន្ត្រីការបរទេសលីបង់ បានអះអាងថា ឥឡូវនេះ មនុស្សប្រហែល ៥០០.០០០នាក់ ត្រូវបានជម្លៀស ដោយយុទ្ធនាការវាយប្រហារទ្រង់ទ្រាយធំរបស់អ៊ីស្រាអែល នៅទូទាំងប្រទេសលីបង់។

រដ្ឋមន្ត្រីការបរទេសបារាំង បានថ្លែងប្រាប់ក្រុមប្រឹក្សាសន្តិសុខអង្គការសហប្រជាជាតិថា ខ្លួនកំពុងធ្វើការជាមួយសហរដ្ឋអាមេរិក លើសំណើសុំបទឈប់បាញ់រយៈពេល ២១ថ្ងៃ រវាងអ៊ីស្រាអែល និងក្រុមហេសបូឡា។

យ៉ាងហោចណាស់មនុស្ស ៤១.៤៩៥ នាក់ ត្រូវបានសម្លាប់ និង ៩៦.00៦នាក់ បានរងរបួស នៅក្នុងសង្គ្រាមរបស់អ៊ីស្រាអែល នៅលើតំបន់ហ្កាហ្សា។ នៅអ៊ីស្រាអែល ចំនួនអ្នកស្លាប់នៅក្នុងការវាយប្រហារដែលដឹកនាំដោយក្រុមហាម៉ាសកាលពីថ្ងៃទី ៧ ខែតុលា គឺយ៉ាងតិច ១.១៣៩នាក់ ខណៈដែលមនុស្សជាង ២០០នាក់ ត្រូវបានចាប់ជាថ្នូរ។

ថ្លែងនៅក្នុងកិច្ចប្រជុំបន្ទាន់នៃក្រុមប្រឹក្សាសន្តិសុខអង្គការសហប្រជាជាតិ បេសកជនមកពីប្រទេសអ៊ីស្រាអែល និងអ៊ីរ៉ង់ បានផ្តល់ដំណើររឿងផ្សេងគ្នានៃជម្លោះនៅក្នុងប្រទេសលីបង់។