ព័ត៌មាន
[UPDATE] ចំនួនអ្នកស្លាប់ ដោយសារព្យុះ Helene ឡើងដល់ ៦៤នាក់ ខណៈរាប់លាននាក់គ្មានអគ្គិសនីប្រើប្រាស់ នៅអាមេរិក
ភ្លៀងធ្លាក់ខ្លាំងដោយសារព្យុះសង្ឃរា Helene (ហេលេន) បានធ្វើឲ្យមនុស្សជាប់ទៅណាមិនរួច ដោយគ្មានទីជម្រក និងរង់ចាំការជួយសង្គ្រោះ កាលពីថ្ងៃសៅរ៍ (ទី២៨ ខែកញ្ញា) ខណៈដែលការបោសសម្អាតបានចាប់ផ្តើមធ្វើឡើង បន្ទាប់ពីមានព្យុះសង្ឃរាដែលបានសម្លាប់មនុស្សយ៉ាងហោចណាស់ ៦៤នាក់ បណ្តាលឲ្យមានការបំផ្លិចបំផ្លាញគ្រប់ទីកន្លែង នៅទូទាំងភាគអាគ្នេយ៍សហរដ្ឋអាមេរិក និងធ្វើឲ្យមនុស្សរាប់លាននាក់គ្មានអគ្គិសនីប្រើប្រាស់។
ព្យុះ Helene បានបក់បោកដល់ដីគោក នៅតំបន់ Big Bend (ប៊ិកប៊េន) របស់រដ្ឋ Florida (ហ្វ្ល័រីដា) ក្នុងនាមជាព្យុះសង្ឃរាប្រភេទទី៤ កាលពីល្ងាចថ្ងៃព្រហស្បតិ៍កណ្ដាលសប្ដាហ៍ ជាមួយនឹងកម្លាំងខ្យល់បក់ ១៤០ម៉ាយល៍ ក្នុង ១ម៉ោង (២២៥គីឡូម៉ែត្រ ក្នុង១ម៉ោង)។
ពីទីនោះ ព្យុះនេះបានផ្លាស់ទីយ៉ាងលឿនឆ្លងកាត់រដ្ឋ Georgia (ចចចៀ) ជាកន្លែងដែលអភិបាលរដ្ឋ លោក Brian Kemp (ប្រាយអេន ខេម) បាននិយាយកាលពីថ្ងៃសៅរ៍ចុងសប្ដាហ៍កន្លងមកថា វា «មើលទៅហាក់ដូចជាគ្រាប់បែកមួយគ្រាប់បានផ្ទុះរួចហើយ» បន្ទាប់ពីបានមើលពីលើអាកាសឃើញផ្ទះសម្បែងបាក់បែក និងផ្លូវហាយវេមានកម្ទេចកម្ទីរាយប៉ាយពេសពេញ។ ចុងសប្ដាហ៍កន្លងទៅ ព្យុះ Helene បន្ទាប់មក បានបង្កឲ្យមានភ្លៀងធ្លាក់យ៉ាងជោគជាំ នៅរដ្ឋ Carolinas (ខារ៉ូលីណា) និង Tennessee (ថេនណេសស៊ី) ដោយបានធ្វើឲ្យទឹកព្រែក និងទន្លេហូរហៀរ ហើយទំនប់វារីអគ្គិសនីជួបការលំបាកក្នុងការទប់ទល់នឹងបរិមាណទឹកមានច្រើនឡើងៗ។
មានការជួយសង្គ្រោះរាប់រយដង ដែលច្រើនបំផុត នៅតំបន់ជនបទ Unicoi County (យូនីខ័ ខោនធី) ក្នុងរដ្ឋ East Tennessee (ថេនណេសស៊ីខាងកើត) ជាកន្លែងដែលអ្នកជំងឺ និងបុគ្គលិករាប់សិបនាក់ ត្រូវបានដាក់ចុះតាមឧទ្ធម្ភាគចក្រពីលើដំបូលមន្ទីរពេទ្យ កាលពីថ្ងៃសុក្រ។ ហើយការជួយសង្គ្រោះ បានបន្តរហូតដល់ថ្ងៃបន្ទាប់ នៅក្នុងតំបន់ Buncombe (បាន់ខាំ) រដ្ឋ North Carolina (ណ័រខារ៉ូលីណា) ជាកន្លែងដែលផ្នែកមួយនៃទីក្រុង Asheville ត្រូវបានជន់លិច។
មជ្ឈមណ្ឌលព្យុះសង្ឃរាជាតិ បានឲ្យដឹងថា ព្យុះដែលឥឡូវនេះ ក្លាយជាព្យុះស៊ីក្លូនក្រោយត្រូពិចហើយនោះ ត្រូវបានគេរំពឹងថា នឹងបោកបក់លើតំបន់ជ្រលងភ្នំ Tennessee នៅថ្ងៃសៅរ៍ និងថ្ងៃអាទិត្យ៕
-
PR NEWS6 days ago
GANZBERG លើកស្ទួយ គុនខ្មែរ ឡើង ដល់កម្រិត ពិភពលោក!
-
ព័ត៌មាន5 days ago
[UPDATE] អ្នកស្លាប់ឡើងដល់យ៉ាងតិច ១០០នាក់ ខណៈសាលារៀនត្រូវបិទ ដោយសារទឹកជំនន់ និងបំណាក់ដី
-
ព័ត៌មាន2 days ago
ភ្ញៀវទេសចរទៅលេងកម្សាន្តច្រើននៅខេត្តកោះកុងនាអំឡុងឱកាសពិធីដាក់បិណ្ឌ និងភ្ជុំបិណ្ឌ
-
ព័ត៌មាន1 week ago
ផលិតផលកែច្នៃ និងវេចខ្ចប់ក្នុងស្រុក កំពុងមានទីផ្សារ និងទទួលបានការគាំទ្រប្រសើរជាងមុន
-
ព័ត៌មាន6 days ago
បញ្ជាការដ្ឋានអង្គរក្សប្រារព្វពិធីគោរពវិញ្ញាណក្ខ័ន្ធអតីតយុទ្ធជននិងយុទ្ធនារី នៃបញ្ជាការដ្ឋានអង្គរក្ស ដែលបានធ្វើពលីកម្ម និងទទួល មរណៈភាព ដើម្បីបុព្វហេតុជាតិមាតុភូមិ និងប្រជាជនកន្លងមក
-
ព័ត៌មាន1 week ago
ស្រុកចំនួន៣ ក្នុងខេត្តសៀមរាប រងផលប៉ះពាល់ដោយសារជំនន់ទឹកភ្លៀង ខណៈភ្លៀងធ្លាក់ខ្លាំង
-
ព័ត៌មាន5 days ago
ឯកឧត្តម ស៊ុន ចាន់ថុល បន្តផ្សព្វផ្សាយអំពីកាលានុវត្តភាពវិនិយោគនៅកម្ពុជា ជូនសមាគមវិនិយោគិនកាណាដា ប្រមាណ៦០រូប ក្នុងក្រុងម៉ុងត្រេអាល់
-
ព័ត៌មាន5 days ago
ពលរដ្ឋកម្មករ-និយោជិតយ៉ាងកុះករ នាំគ្នាជិះរថយន្តក្រុងឥតគិតថ្លៃរបស់រដ្ឋាភិបាល ទៅកាន់ស្រុកកំណើត