ព័ត៌មាន
[UPDATE] អ្នកស្លាប់ឡើងដល់យ៉ាងតិច ១០០នាក់ ខណៈសាលារៀនត្រូវបិទ ដោយសារទឹកជំនន់ និងបំណាក់ដី
ប្រទេសនេប៉ាល់ បានសម្រេចបិទសាលារៀនរយៈពេល ៣ថ្ងៃ បន្ទាប់ពីបំណាក់ដី និងទឹកជំនន់ដែលបង្កឡើងដោយភ្លៀងធ្លាក់ខ្លាំងរយៈពេល ២ថ្ងៃនៅទូទាំងតំបន់ភ្នំហិមាល័យ បានសម្លាប់មនុស្សយ៉ាងហោចណាស់ ១០០នាក់ ខណៈ ៦៧នាក់ កំពុងបាត់ខ្លួន។ នេះបើយោងតាមការឲ្យដឹងពីមន្ត្រី នៅថ្ងៃអាទិត្យ (ទី២៩ ខែកញ្ញា) នេះ។
ទឹកជំនន់នេះបានធ្វើឲ្យចរាចរណ៍ និងសកម្មភាពធម្មតាទូទៅមិនអាចប្រព្រឹត្តទៅបាន នៅតំបន់ជ្រលងភ្នំ Kathmandu ជាកន្លែងដែលបានកត់ត្រាអ្នកស្លាប់ចំនួន ៣៧នាក់ នៅក្នុងតំបន់ដែលមានប្រជាជនចំនួន ៤លាននាក់រស់នៅ និងជារដ្ឋធានីរបស់ប្រទេស។
អាជ្ញាធរបានប្រាប់ឲ្យដឹងថា សិស្សានុសិស្ស និងឪពុកម្តាយរបស់ពួកគេ ប្រឈមនឹងការលំបាក ខណៈដែលសាកលវិទ្យាល័យ និងអគារសិក្សា ដែលរងការខូចខាតដោយសារភ្លៀង ត្រូវការការជួសជុល។
អ្នកនាំពាក្យក្រសួងអប់រំ បានប្រាប់សារព័ត៌មាន Reuters ថា៖ «យើងបានជំរុញឲ្យអាជ្ញាធរពាក់ព័ន្ធបិទសាលារៀន នៅក្នុងតំបន់ដែលរងផលប៉ះពាល់រយៈពេល ៣ថ្ងៃ»។
អ្នកជំនាញបាននិយាយថា ផ្នែកខ្លះនៃរដ្ឋធានី បានរាយការណ៍ថា មានភ្លៀងធ្លាក់ក្នុងកម្រិតរហូតដល់ ៣២២,២មីលីម៉ែត្រ ដែលធ្វើឲ្យកម្រិតទឹកទន្លេ Bagmati ឡើងដល់កម្ពស់ ២,២ម៉ែត្រ ពោលគឺឡើងហួសពីសញ្ញាព្រមានគ្រោះថ្នាក់។ តែអ្នកព្យាករណ៍អាកាសធាតុម្នាក់ នៅក្នុងរដ្ឋធានី បាននិយាយថា មានសញ្ញាធូរសា្រលខ្លះ នៅព្រឹកថ្ងៃអាទិត្យនេះ ដោយភ្លៀងធ្លាក់ចាប់ផ្ដើមថមថយនៅកន្លែងជាច្រើន៕
-
PR NEWS6 days ago
GANZBERG លើកស្ទួយ គុនខ្មែរ ឡើង ដល់កម្រិត ពិភពលោក!
-
ព័ត៌មាន2 days ago
ភ្ញៀវទេសចរទៅលេងកម្សាន្តច្រើននៅខេត្តកោះកុងនាអំឡុងឱកាសពិធីដាក់បិណ្ឌ និងភ្ជុំបិណ្ឌ
-
ព័ត៌មាន1 week ago
ផលិតផលកែច្នៃ និងវេចខ្ចប់ក្នុងស្រុក កំពុងមានទីផ្សារ និងទទួលបានការគាំទ្រប្រសើរជាងមុន
-
ព័ត៌មាន6 days ago
បញ្ជាការដ្ឋានអង្គរក្សប្រារព្វពិធីគោរពវិញ្ញាណក្ខ័ន្ធអតីតយុទ្ធជននិងយុទ្ធនារី នៃបញ្ជាការដ្ឋានអង្គរក្ស ដែលបានធ្វើពលីកម្ម និងទទួល មរណៈភាព ដើម្បីបុព្វហេតុជាតិមាតុភូមិ និងប្រជាជនកន្លងមក
-
ព័ត៌មាន1 week ago
ស្រុកចំនួន៣ ក្នុងខេត្តសៀមរាប រងផលប៉ះពាល់ដោយសារជំនន់ទឹកភ្លៀង ខណៈភ្លៀងធ្លាក់ខ្លាំង
-
ព័ត៌មាន5 days ago
ឯកឧត្តម ស៊ុន ចាន់ថុល បន្តផ្សព្វផ្សាយអំពីកាលានុវត្តភាពវិនិយោគនៅកម្ពុជា ជូនសមាគមវិនិយោគិនកាណាដា ប្រមាណ៦០រូប ក្នុងក្រុងម៉ុងត្រេអាល់
-
ព័ត៌មាន5 days ago
[UPDATE] ចំនួនអ្នកស្លាប់ ដោយសារព្យុះ Helene ឡើងដល់ ៦៤នាក់ ខណៈរាប់លាននាក់គ្មានអគ្គិសនីប្រើប្រាស់ នៅអាមេរិក
-
ព័ត៌មាន5 days ago
ពលរដ្ឋកម្មករ-និយោជិតយ៉ាងកុះករ នាំគ្នាជិះរថយន្តក្រុងឥតគិតថ្លៃរបស់រដ្ឋាភិបាល ទៅកាន់ស្រុកកំណើត