ព័ត៌មាន
អ្នកជំនាញ៖ ម្ចាស់ SME គួរចាប់យកជំនាញទន់ ដើម្បីពង្រឹងខ្លួនលើការធ្វើអាជីវកម្មឱ្យបានជោគជ័យ
អ្នកជំនាញអាជីវកម្ម ជំរុញឱ្យម្ចាស់សហគ្រាសធុនមីក្រូ តូច និងមធ្យម ត្រូវអភិវឌ្ឍជំនាញ Soft Skill និងការចាប់យកបច្ចេកវិទ្យាថ្មីៗ ដែលជាតម្រូវការ និងការគ្រប់គ្រងហិរញ្ញវត្ថុឱ្យមាននិរន្តរភាព ទើបជំរុញការធ្វើអាជីវកម្មរបស់ខ្លួនបានជោគជ័យ។
បណ្ឌិត តាន់ មុនីវណ្ណ អនុប្រធានសភាពាណិជ្ជកម្ពុជា លើកឡើងនៅក្នុងវេទិកាពិភាក្សា ស្តីពីការគ្រប់គ្រងហិរញ្ញវត្ថុក្នុង អាជីវកម្មសហគ្រាសធុនមីក្រូ តូច និងមធ្យម នេះថា ជុំវិញការធ្វើជំនួញ ច្បាស់ណាស់គឺម្ចាស់អាជីវកម្មចង់បានប្រាក់ចំណូល និងការ គ្រប់គ្រង់អាជីវកម្មប្រកបដោយនិរន្តរភាព។ បញ្ហានេះម្ចាស់អាជីវកម្ម ត្រូវតែពង្រឹងនិងពង្រីកជំនាញ និងចំណេះដឹង ឱ្យស្របនិង អាជីវកម្មរបស់ខ្លួន ជាពិសេសការចាប់យកនូវបច្ចេកវិទ្យាថ្មីៗនៅក្នុងបរិបថកំពុងរីកចម្រើន ដើម្បីបម្រើដល់ដំណើរការផលិត និងការផ្គត់ ផ្គង់ផលិតផលលើទីផ្សារជាដើម ។
លោកបណ្ឌិត បន្តថា ទាក់ទិនការធ្វើជំនួញនេះ ស្រាប់ការប្រើប្រាស់បច្ចេកវិទ្យា វាគឺជារឿងមួយដ៏សំខាន់ ចំណែកជំនាញទន់ វារិតតែសំខាន់ថែមទៀត ក្នុងនោះបើសិនម្ចាស់អាជីវកម្មមិនបានយល់ដឹងអំពីជំនាញទន់ អាជីវកម្មទាំងនោះក៏មិនមានការអភិវឌ្ឍរីក ចម្រើនខ្លាំងនោះឡើយ ។ ដោយឡែកសម្រាប់សហគ្រាសធុនមីក្រូ តូច និងមធ្យមវិញ, ការប្រើប្រាស់ជំនាញទន់ (Soft Skill) គឺមិន អាចអត់បាននោះឡើយ, ជាក់ស្តែងចំពោះ SME ដែលកំពុងរីកចម្រើន គឺដោយសារការប្រើប្រាស់ជំនាញ (Soft Skill) នេះឯង កាល ណាយើងចេះនូវជំនាញផ្នែកនេះ អាចជួយដល់ម្ចាស់អាជីវកម្មធ្វើការងារកាន់តែប្រសើរ និងបានលឿនជាងមុន ខណៈពីមុនមកៗការ ធ្វើអាជីវកម្មគឺដើម្បីរស់ តែបច្ចុប្បន្នការធ្វើអាជីវកម្មគឺមានការប្រកួតប្រជែង ដែលទាមទារឱ្យម្ចាស់អាជីវកម្មត្រូវចេះប្រើប្រាស់ជំនាញ។
ចំណែកទាក់ទិនបច្ចេកវិទ្យាហិរញ្ញវត្ថុវិញ, លោក ទិត្យ កំរង នាយកឫទ្ធិពលនិងអេបកត់លុយ លើកឡើងថា ជុំវិញហិរញ្ញវត្ថុនេះ ពិភព លោកលែងនិយាយពីអក្ខរកម្មហិរញ្ញវត្ថុទៀតហើយ គឺគេនិយាយពីចំណេះដឹងហិរញ្ញវត្ថុ ព្រោះហិរញ្ញវត្ថុវាគឺជាគ្រឹះដ៏សំខាន់ក្នុងការធ្វើ អាជីកម្ម ក្នុងនោះប្រសិនបើការគ្រប់គ្រង់ហិរញ្ញវត្ថុបានល្អ ការធ្វើអាជីវកម្មនឹងទទួលបានរីកចម្រើន។ លោកបន្តថា ជុំវិញហិរញ្ញវត្ថុនេះ ប្រសិនបើយើងចេះគ្រប់គ្រងវាតាំងពីតូច នៅពេលចង់បើកអាជីវកម្ម ពួកគេនឹងមានមូលដ្ឋានគ្រឹះរួចជាស្រេច ដែលអាចគ្រប់គ្រង របាយការណ៍ហិរញ្ញវត្ថុ និងអាចដឹងលើការរកស៊ីទទួលទាន ចំណេញ ឬខាតជាដើម ព្រោះបច្ចុប្បន្នយើងសង្កេតឃើញថា ចំពោះ សហគ្រាសមីក្រូ ភាគីពួកគាត់ច្រើនចាយវាយលុយនៅលើអាជីវកម្មផ្នែកនេះទាំងអស់ ដូច្នេះប្រសិនបើការចេះគ្រប់គ្រងហិរញ្ញវត្ថុ អាជីវកម្មរបស់របស់គាត់ប្រភេទនេះ នឹងអាចដំណើរការទៅបាន៕ អត្ថបទ៖ សុន រ៉ាឌី

-
ព័ត៌មាន2 days ago
ឯកឧត្តម ហ៊ុល សំអុន ចុះសំណេះសំណាល និងសួរសុខទុក្ខដល់ប្រជាការពារ និងពលរដ្ឋជិត ៣រយនាក់នៅស្រុកត្រាំកក់
-
កីឡា3 days ago
អ្នកលេងគុនខ្មែរមកពីខេត្តព្រៃវែង លន បញ្ញា ល្អឡើងៗប្រមាណ ១០ប្រកួតចុងក្រោយនេះផ្ដួលដៃគូឲ្យសន្លប់បោះបង់ការប្រកួតមុនបញ្ចប់ទឹករហូត ស្របពេលនេះកំពុងហ្វឹកហាត់យ៉ាងសកម្មបន្តទៀតត្រៀមប៉ះជើងខ្លាំងមកពីប្រទេសអ៊ុយក្រែន។
-
ព័ត៌មាន6 days ago
សម្ដេចធិបតី៖ កម្ពុជាកំពុងរៀបចំឯកសារស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោក
-
ព័ត៌មាន6 days ago
សម្តេចធិបតី ណែនាំឱ្យរក្សាទុកគ្រូកិច្ចសន្យាដែលមានគុណវុឌ្ឍិ សម្រាប់បំពេញការកង្វះខាតគ្រូបង្រៀន
-
ព័ត៌មាន2 days ago
ចាប់ខ្លួនបុរសម្នាក់ដែលប្រមាថ និងប្រៀបធៀបការចាប់ខ្លួនអតីតប្រធានាធិបតីហ្វីលីពីន ជាមួយសម្ដេចតេជោ ហ៊ុន សែន
-
ព័ត៌មាន6 days ago
និស្សិតអាហារូបករណ៍ អ.ម.ត ២៩ រូប សិក្សានៅវិទ្យាស្ថានវ៉ាន់ដា ទទួលជ័យលាភីបញ្ចប់ការសិក្សាដោយជោគជ័យ
-
ព័ត៌មាន6 days ago
សម្តេចធិបតី ណែនាំអាជ្ញាធររាជធានីភ្នំពេញ ឱ្យរៀបចំទីតាំងអានសៀវភៅនៅតំបន់ Walk Street មុខព្រះបរមរាជវាំង
-
ព័ត៌មាន6 days ago
សម្ដេចធិបតី៖ ព្រឹត្តិការណ៍អង្គរសង្ក្រាន្តមិនបម្រើឱ្យនយោបាយទេ គឺដើម្បីបង្កើតក្ដីសប្បាយរីករាយជូនពលរដ្ឋ និងទាក់ទាញទេសចរ