អភិបាលខេត្តតាកែវដឹកនាំមន្ត្រីជំនាញចុះពិនិត្យផ្លូវ ស្ពានដែលរងការខូចខាតដោយសារទឹកជំនន់

អភិបាលខេត្តតាកែវឯកឧត្តម វ៉ី សំណាង កាលពីទី៥ ខែតុលា ឆ្នាំ២០២៤ នេះ បានដឹកនាំមន្រ្តីជំនាញ និងអាជ្ញាធរស្រុកបូរីជលសារ ចុះត្រួតពិនិត្យមើលស្ថានភាពផ្លូវ ដែលទឹកជំនន់ហូរច្រោះបណ្ដាលឲ្យដាច់ផ្នែកខ្លះនៃត្រចៀកស្ពាន ស្ថិតនៅក្នុងភូមិកំពុងអំពិល ឃុំបូរីជលសារ ស្រុកបូរីជលសារ ខេត្តតាកែវ។

​នៅក្នុងឱកាសនោះ ឯកឧត្តម វ៉ី សំណាង អភិបាលខេត្តតាកែវ បានប្រាប់ដល់អាជ្ញាធស្រុក ត្រូវផ្សព្វផ្សាយដល់បងប្អូនប្រជាពលរដ្ឋ ដែលត្រូវធ្វើដំណើរទៅកាន់សាលាស្រុកបូរីជលសារ ដោយប្រើប្រាស់មធ្យោបាយរថយន្តជាពិសេស រថយន្តធំៗ សូមមេត្តាផ្អាកជាបណ្ដោះអាសន្ន ជៀសវាងគ្រោះថ្នាក់ដែលអាចកើតឡើងជាយថាហេតុ ។

ឯកឧត្តមល្អខេត្អភិបាលខេត្តតាកែវក៏ណែនាំដល់អាជ្ញាធរគ្រប់បុរីជលសាបន្តតាមដានស្ថានភាពទឹកជំនាន់ក្នុងមូលដ្ឋានរបស់ខ្លួននិងត្រូវយកចិត្តទុកដាក់ពិនិត្យមើលផលប៉ះពាល់ទឹកជំនន់ដល់បងប្អូនប្រជាពលរដ្ឋហើយបើមានបញ្ហាអ្វីកើតឡើងចំពោះបងប្អូនប្រជាពលរដ្ឋត្រូវចុះជួយពួកគាត់ឲ្យបានទាន់ពេលវេលាជៀសវាងមានបញ្ហាអ្វីកើតឡើងចំពោះប្រជាពលរដ្ឋ។

បើយោងតាមលោក លីវ សំណាង ប្រធានមន្ទីរភិវឌ្ឍន៍ជនបទខេត្តតាកែវបាទថ្លែងអោយដឹងថា ដោយសារតែស្ថានភាពស្ពានមានសភាពទ្រុឌទ្រោមដូច្នេះអាជ្ញាធរបានអនុញ្ញាតឲ្យមានការឆ្លងកាត់តែម៉ូតូនិងកង់ប៉ុណ្ណោះរីឯរថយន្តមិនអនុញ្ញាតឱ្យឆ្លងកាត់នោះទេ ហើយនៅថ្ងៃនេះមន្ត្រីជំនាញក្រសួងអភិវឌ្ឍន៍ជនបទកំពុងតែចុះមកពិនិត្យស្ថានភាពស្ពានដើម្បីសិក្សានិងនៃការបន្តទៅឯកឧត្តមរដ្ឋមន្ត្រីក្រសួងអវត្តជនបទ។