ព័ត៌មាន
រដ្ឋ North Carolina របស់អាមេរិក ផ្លាស់ប្តូរច្បាប់បោះឆ្នោតដើម្បីសម្រួលដល់តំបន់រងគ្រោះដោយព្យុះ
ក្រុមមន្ត្រីបោះឆ្នោតនៅក្នុងរដ្ឋ ណស ខារ៉ូឡាញណា (North Carolina) របស់សហរដ្ឋអាមេរិក កាលពីថ្ងៃចន្ទ (០៧ តុលា) បានអនុម័តការផ្លាស់ប្តូរដែលមានគោលបំណងធ្វើឱ្យមានភាពងាយស្រួលសម្រាប់អ្នកបោះឆ្នោតនៅក្នុងតំបន់ដែលត្រូវបានបំផ្លិចបំផ្លាញដោយព្យុះសង្ឃរា ហេលេន (Helene) នៅក្នុងការបោះឆ្នោតប្រធានាធិបតីអាមេរិក ថ្ងៃទី០៥ ខែវិច្ឆិកា ខាងមុខនេះ។
ការផ្លាស់ប្តូរដែលត្រូវបានអនុម័តជាឯកច្ឆ័ន្ទដោយក្រុមប្រឹក្សាបោះឆ្នោតរដ្ឋ North Carolina នឹងផ្តល់ភាពបត់បែនដល់មន្ត្រីបោះឆ្នោតក្នុងតំបន់ ដើម្បីធានាថាអ្នកស្រុកនៅតំបន់ភ្នំភាគខាងលិចនៃរដ្ឋនឹងអាចបោះឆ្នោតបាន ទោះបីជាផ្លូវថ្នល់ និងបណ្តាញទំនាក់ទំនងនៅតែត្រូវបានរំខានក៏ដោយ។
លោកស្រី ខារិន ប្រីនសុន ប៊ែល (Karen Brinson Bell) នាយកប្រតិបត្តិនៃក្រុមប្រឹក្សាភិបាលបាននិយាយថា៖ គោលដៅគឺដើម្បីធានាថាអ្នកបោះឆ្នោតនៅគ្រប់ផ្នែកទាំងអស់នៃរដ្ឋនឹងមានជម្រើសបោះឆ្នោតដូចគ្នា ដោយតាមសំបុត្រ ឬដោយផ្ទាល់ក្នុងការបោះឆ្នោតមុនកំណត់ចាប់ពីថ្ងៃទី១៧ ខែតុលា ឬនៅថ្ងៃបោះឆ្នោត ០៥ វិច្ឆិកា ផ្ទាល់។ ការផ្លាស់ប្តូរដែលត្រូវបានអនុម័តដោយក្រុមប្រឹក្សាបោះឆ្នោតនេះ នឹងអនុញ្ញាតឱ្យក្រុមផ្សព្វផ្សាយនៅក្នុង ១៣តំបន់ដែលរងគ្រោះខ្លាំងបំផុត អាចទៅកាន់ជម្រកគ្រោះមហន្តរាយ និងតំបន់ផ្សេងទៀតដើម្បីជួយប្រជាជនបំពេញសន្លឹកឆ្នោតរបស់ពួកគេ។
រដ្ឋ North Carolina គឺជារដ្ឋមួយក្នុងចំណោមរដ្ឋចំនួន៧ ដែលត្រូវបានគេរំពឹងថានឹងកំណត់ថាតើលោក Donald Trump មកពីគណបក្សសាធារណរដ្ឋ ឬក៏អនុប្រធានគណបក្សប្រជាធិបតេយ្យ លោកស្រី Kamala Harris គឺជាប្រធានាធិបតីបន្ទាប់របស់សហរដ្ឋអាមេរិក។ ការស្ទង់មតិបង្ហាញថាបេក្ខជនទាំងពីររូបស្ថិតក្នុងការប្រកួតដ៏តឹងតែងមួយ៕

-
PR NEWS1 week ago
តែមួយ និង ដំបូងគេនៅកម្ពុជា! កម្មវិធី Idol Make Up Battle មកដល់ហើយ
-
ព័ត៌មាន1 week ago
ជនសង្ស័យគ្រឿងញៀន០៨នាក់ ជាមុខសញ្ញាលួចឆក់ប្លន់បង្កអសន្តិសុខ ក្នុងមូលដ្ឋានត្រូវ នគរបាលឃាត់ខ្លួន
-
ព័ត៌មាន1 week ago
សម្តេចតេជោ មានការភ្ញាក់ផ្អើលក្រោយគេចោទប្រកាន់កម្ពុជាថា ជាកន្លែងឋានសួគ៍លោកិយនៃការឆបោកល្បែងតាមអនឡាញ
-
ព័ត៌មាន4 days ago
ឧបនាយករដ្ឋមន្ត្រី ទៀ សីហា÷ កងទ័ព២រូប ពលីនៅប្រទេសស៊ូដង់ខាងត្បូង
-
ព័ត៌មាន1 week ago
សម្ដេចធិបតី៖ ប្រទេសជាតិមួយអាចកសាងរីកចម្រើនទៅបាន គឺត្រូវមានមូលធនមនុស្សរឹងមាំ
-
ព័ត៌មាន1 week ago
សម្ដេចតេជោ ហ៊ុន សែន អញ្ជើញដឹកនំគណៈប្រតិភូធ្វើមាតុភូមិនិវត្តន៍
-
ព័ត៌មាន1 week ago
ក្រុមហ៊ុនទឹកស្អាតអានកូក្រុងកំពង់ឆ្នាំង បន្តកាយដីចេញ ក្រោមការត្រួតពិនិត្យពីក្រសួងធនធានទឹក
-
ព័ត៌មាន1 week ago
នាយឧត្តមសេនីយ៍ ស ថេត ជំរុញដល់កងអង្គរក្សប្តេជ្ញាចិត្តរក្សាខឿនការពារជាតិ សន្តិភាព ស្ថិរភាពសង្គម