ព័ត៌មាន
ពលរដ្ឋបន្តនាំគ្នាស្នើសុំបណ្ណ ប.ស.ស. ដោយស្ម័គ្រចិត្តដើម្បីទទួលសេវាថែទាំសុខភាពឥតគិតថ្លៃ
រហូតមកដល់បច្ចុប្បន្ននេះបានមើលឃើញថា ប្រជាពលរដ្ឋដែលរស់នៅតំបន់ផ្សេងៗគ្នា នៅតែបន្តនាំគ្នាមកស្នើសុំប័ណ្ណ ប.ស.ស. តាមរបបភាគទានដោយស្ម័គ្រចិត្ត ដើម្បីទទួលបានសេវាថែទាំសុខភាពដោយមិនគិតថ្លៃ ខណៈប្រជាពលរដ្ឋជាច្រើនសិបនាក់ បានចាត់ទុកបណ្ណនេះ ជាអាយុជីវិតទី២ ក្នុងការធានារ៉ាប់រងសុខភាពនៅពេលមានបញ្ហាសុខភាព។
ក្នុងបទសម្ភាសន៍ជាមួយព័ត៌មាន ប៊ីធីវី នៅព្រឹកថ្ងៃទី១៥ តុលា ឆ្នាំ២០២៤នេះ លោក ឃុន សុជាតិ ពលរដ្ឋមកពីខណ្ឌដង្កោ រាជធានីភ្នំពេញ ដែលកំពុងអង្គុយរងចាំទទួលប័ណ្ណ ប.ស.ស. របស់សមាជិកក្រុមគ្រួសារ បាននិយាយឲ្យដឹងថា លោកពិតជាមានអារម្មណ៍សប្បាយចិត្ត ិងកក់ក្តៅច្រើនជាងមុន នៅពេលដែលរដ្ឋាភិបាលអនុញ្ញាតឲ្យប្រជាពលរដ្ឋទូទៅអាចស្នើសុំធ្វើប័ណ្ណ ប.ស.ស. នេះបានដូចទៅនឹងមន្រ្តីរាជការ និងបុគ្គលិកក្រុមហ៊ុនដូចគ្នា ពីព្រោះប័ណ្ណនេះ នឹងជួយសម្រួលច្រើនក្នុងការចំណាយប្រាក់កាក់ នៅពេលមានបញ្ហា ឬករណីចាំបាច់បន្ទាន់ណាមួយខាងផ្នែកសុខភាព។
លើកឡើងស្រដៀងគ្នាខាងលើនេះ ក្រុមប្រជាពលរដ្ឋរស់នៅរាជធានីភ្នំពេញដូចគ្នា បានលើកឡើងថា តាមរយៈគោលនយោបាយរបស់ប្រមុខរាជរដ្ឋាភិបាលកម្ពុជា គិតចាប់តាំងពីអាណត្តិទី១ រហូតដល់ទី៧នេះ ពិតជាមានការយកចិត្តទុកដាក់ និងគិតគូរជាខ្លាំងមកកាន់ប្រជាពលរដ្ឋទាំងអស់។ ជាពិសេស ការផ្តល់នូវការគាំពារផ្នែកសង្គមតាមរយៈបេឡាជាតិសន្តិសុខសង្គម ធ្វើឲ្យប្រជាពលរដ្ឋមានអារម្មណ៍ថាកក់ក្តៅ និងមិនមានក្តីបារម្ភច្រើនទៀតនោះទេ ពិសេសនៅពេលមាន បណ្ណ ប.ស.ស គឺពិតជាជួយសម្រាលបន្ទុកក្នុងការចំណាយបានយ៉ាងច្រើន នៅពេលមានបញ្ហាសុខភាពត្រូវទៅពេទ្យ។
ឯកឧត្តមបណ្ឌិត ហេង សុផាន់ណារិទ្ធ អគ្គនាយករង បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍បញ្ជាក់ថា រហូតមកដល់ពេលនេះ បេឡាជាតិសន្តិសុខសង្គមបានពង្រីកសាខាតាមបណ្តារាជធានីភ្នំពេញ ខេត្ត ក្រុង ស្រុក ចំនួន៣៨។ បន្ថែមពីនេះ ក៏បានពង្រីកសាខានៅក្នុងផ្សារទំនើបអ៊ីអន ម៉ល ទាំង៣ទីតាំងផងដែរ ដើម្បីបង្កភាពងាយស្រួល និងបង្ខិតសេវាសាធារណៈឲ្យគៀកប្រជាពលរដ្ឋដែលជាសមាជិក និងប្រជាពលរដ្ឋទូទៅ។ ឯកឧត្តម បានបន្តទៀតថា ចាប់ពីដើមខែកញ្ញា រហូតដល់ខែធ្នូ ឆ្នាំ២០២៤ បេឡាជាតិសន្តិសុខសង្គម ក៏បាននិងកំពុងរៀបចំផ្សព្វផ្សាយ និងចុះបញ្ជីចល័តតាមផ្សារ និងទីតាំងទីប្រជុំជនសរុបចំនួន ១៧ទីតាំងបន្ថែមទៀតក្នុងរាជធានីភ្នំពេញ ខេត្តចំនួន៥ រួមមាន ាជធានីភ្នំពេញ ខេត្តសៀមរាប តាកែវ កំពង់ចាម និងខេត្តបាត់ដំបង។ ដោយឡែក គិតមកដល់ពេលនេះ មូលដ្ឋានសុខាភិបាលដែលជាដៃគូសហការជាមួយបេឡាជាតិសន្តិសុខសង្គមមានចំនួន ១,៥៧៩មូលដ្ឋានសុខាភិបាល។
បុគ្គលស្វ័យនិយោជន៍ និងសមាជិក ប.ស.ស. គិតចាប់ពីការដាក់ឲ្យដំណើរការនៅថ្ងៃទី១៤ ខែវិច្ឆិកា ឆ្នាំ២០២៣ រហូតមកដល់ពេលនេះ (១១ខែ) ដែលបានចុះក្នុងបញ្ជីឈ្មោះរបស់បេឡាជាតិសន្តិសុខសង្គម មានចំនួនសរុបជិត ៥០ម៉ឺននាក់ ក្នុងនោះ បុគ្គលស្វ័យនិយោជន៍ដែលរកប្រាក់ចំណូលដោយខ្លួនឯង មានចំនួន ៣៧៦ពាន់ ៨១៨នាក់។ រីឯអ្នកនៅក្នុងបន្ទុក ប.ស.ស. មានចំនួន ១២២ពាន់ ៤៨នាក់។
សូមបញ្ជាក់បន្ថែមទៀតថា បេឡាជាតិសន្តិសុខសង្គម ក៏ទទួលកុមារចូលជាសមាជិកផងដែរ ក្នុងនោះសម្រាប់កុមារ (អ្នកក្នុងបន្ទុកសមាជិក ប.ស.ស.) ក៏ទទួលបានអត្ថប្រយោជន៍ជាច្រើន ពេលក្លាយជាសមាជិក ប.ស.ស. មានន័យថា កុមារ (អ្នកក្នុងបន្ទុកសមាជិក ប.ស.ស.) ទទួលបានអត្ថប្រយោជន៍ ដូចជាការព្យាបាល និងថែទាំវេជ្ជសាស្ត្រ ដោយឥតគិតថ្លៃនៅគ្រប់មន្ទីរពេទ្យដៃគូ ប.ស.ស. ទូទាំងប្រទេស ទាំងមន្ទីពេទ្យសាធារណៈ និងឯកជន ក្នុងនោះដែរប្រសិនបើកុមារជួបគ្រោះថ្នាក់ និងជំងឺជាអកុសលរហូតដល់ស្លាប់បាត់បង់ជីវិត បេឡាជាតិសន្តិសុខសង្គម នឹងផ្តល់ប្រាក់វិភាជន៍បូជាសព៕ អត្ថបទ ឈិត បូរ៉ាវី

-
ព័ត៌មាន1 day ago
ឯកឧត្តម ហ៊ុល សំអុន ចុះសំណេះសំណាល និងសួរសុខទុក្ខដល់ប្រជាការពារ និងពលរដ្ឋជិត ៣រយនាក់នៅស្រុកត្រាំកក់
-
កីឡា3 days ago
អ្នកលេងគុនខ្មែរមកពីខេត្តព្រៃវែង លន បញ្ញា ល្អឡើងៗប្រមាណ ១០ប្រកួតចុងក្រោយនេះផ្ដួលដៃគូឲ្យសន្លប់បោះបង់ការប្រកួតមុនបញ្ចប់ទឹករហូត ស្របពេលនេះកំពុងហ្វឹកហាត់យ៉ាងសកម្មបន្តទៀតត្រៀមប៉ះជើងខ្លាំងមកពីប្រទេសអ៊ុយក្រែន។
-
ព័ត៌មាន6 days ago
សម្ដេចធិបតី៖ កម្ពុជាកំពុងរៀបចំឯកសារស្នើសុំចុះបញ្ជីសង្ក្រាន្តឆ្នាំថ្មី ចូលក្នុងបញ្ជីបេតិកភណ្ឌពិភពលោក
-
ព័ត៌មាន6 days ago
សម្តេចធិបតី ណែនាំឱ្យរក្សាទុកគ្រូកិច្ចសន្យាដែលមានគុណវុឌ្ឍិ សម្រាប់បំពេញការកង្វះខាតគ្រូបង្រៀន
-
ព័ត៌មាន5 days ago
និស្សិតអាហារូបករណ៍ អ.ម.ត ២៩ រូប សិក្សានៅវិទ្យាស្ថានវ៉ាន់ដា ទទួលជ័យលាភីបញ្ចប់ការសិក្សាដោយជោគជ័យ
-
ព័ត៌មាន1 day ago
ចាប់ខ្លួនបុរសម្នាក់ដែលប្រមាថ និងប្រៀបធៀបការចាប់ខ្លួនអតីតប្រធានាធិបតីហ្វីលីពីន ជាមួយសម្ដេចតេជោ ហ៊ុន សែន
-
ព័ត៌មាន6 days ago
សម្តេចធិបតី ណែនាំអាជ្ញាធររាជធានីភ្នំពេញ ឱ្យរៀបចំទីតាំងអានសៀវភៅនៅតំបន់ Walk Street មុខព្រះបរមរាជវាំង
-
ព័ត៌មាន6 days ago
អ្នកនាំពាក្យក្រសួងការពារជាតិ៖ការតែងតាំងមុខតំណែងឧត្តមនាវីឯក ទៀ សុខា ជាមេបញ្ជាការកងទ័ពជើងទឹកជាការអនុលោមតាមច្បាប់សុទ្ធសាធ