អ្នកសារព័ត៌មានមកពីជិត ៣០ស្ថាប័ន ចុះផ្សព្វផ្សា​យព័ត៌​មានទ្រ​ង់ទ្រាយធំ​ពី​ស​​ក្តានុពល នៅខេត្តព្រះសីហនុ ជំរុញការវិនិយោគ និង​វិស័យទេសចរណ៍

នៅថ្ងៃទី១៥ ខែធ្នូ ឆ្នាំ២០២៤ ក្លិបអ្នកកាសែតកម្ពុជា (ក.អ.ក) បានដឹកនាំ​អ្នក​សារ​ព័ត៌មាន​ប្រមាណ ៦០នាក់ មកពីជិត ៣០ស្ថាប័ន ឆ្ពោះ​មក​កាន់ខេត្តព្រះសីហនុ រយៈពេល ០៤ថ្ងៃ (១៥ – ១៨ ខែធ្នូ) ដើម្បីផ្សព្វផ្សា​យព័ត៌​មានទ្រ​ង់ទ្រាយធំ​ពី​ស​​ក្តានុពលសំខាន់ៗនៅខេត្តព្រះសីហនុ ជំរុញ​ការវិនិយោគ និង​វិស័យទេសចរណ៍។

លោក ពុយ គា ប្រធា​​នក្លិបអ្នកកាសែតកម្ពុជា ប្រាប់ឱ្យដឹងថា “បេសកកម្ម​ផលិត​ និង​ផ្សព្វ​ផ្សាយ​ព័ត៌មាន នៅខេត្តព្រះសី​ហនុ​លើក​នេះ មានទ្រង់ទ្រាយធំ​ជាងមុន​ដោយ​គ្រប​ដណ្តប់​ជា​អាទិភាព​លើ​ការ​ទាក់​ទាញអ្នក វិនិយោគ​បរទេសមក​បណ្តាក់​ទុននៅខេត្តមួយនេះ ក៏ដូចជាវិស័យ​ទេសចរណ៍ ដំណោះស្រាយលើសំណង់ អគារ​ដែ​លមិនបានប្រើប្រាស់ ការអភិវឌ្ឍន៍ តំបន់​សេដ្ឋកិច្ច​ពិសេស ស្ថានភាពសន្តិសុខ សេាកមម្ូ​បអាហា​រ តំបន់កសិឧស្សាហកម្ម និងបរិស្ថាន” ។

តាមរយៈបេសកកម្មរយៈពេល ០៤ថ្ងៃ នេះ លោក រំពឹងថា នឹងមានការផ្សព្វផ្សាយឱ្យកាន់តែទូលំទូ​លាយទាំ​​ង​ក្នុង ​និងក្រៅ​ប្រទេសដែលជា​ការ​រួម​ចំណែក​យ៉ាង​សំខាន់​ដល់​ការ​ស្រូប​យក​អ្នក​វិនិយោគ​ជាតិ​ និង​អន្តរជាតិ និង​ភ្ញៀ​វទេសចរបន្ថែមទៀតមកកាន់ខេត្តឆ្នេរសមុទ្រមួយនេះ ខណៈអត្ថ​បទ​សារ​ព័ត៌មា​ននឹងផ្សាយចេ​ញ​ជា​​៥ភាសា ខ្មែរ បារាំង វៀតណាម ចិន និងអង់គ្លេស។ នេះជា​បេសក​កម្ម​លើក​ទី២ សម្រាប់ខេត្តព្រះសីហនុ និងជាលើកទី៦ របស់ក្លិបអ្នកកាសែតកម្ពុជា បន្ទាប់​ពី​បេសក​កម្ម​ដ៏មានសារប្រយោជន៍បែបនេះត្រូវបានធ្វើឡើងជាបន្តបន្ទាប់នៅខេត្តព្រះសីហនុ, កែប សៀមរាប, រមណីយដ្ឋានឋានសួគ៌បូកគោ និងខេត្តពោធិ៍សាត់ ៕