ព័ត៌មាន
ឆ្នាំ២០២៤ កម្ពុជាលក់ជ័រកៅស៊ូបានជាង៦៤០លានដុល្លារ កើនជាង៣០ភាគរយ
ក្នុងឆ្នាំ២០២៤នេះ ការលក់ជ័រកៅស៊ូរបស់កម្ពុជា មានការកើនឡើងគួរឱ្យកត់សម្គាល់ រហូតដល់ជាង ៣០ភាគរយ ដោយទទួលបានចំណូលជាង៦៤០លានដុល្លារ បើធៀបនឹងឆ្នាំ២០២៣ ហើយឆ្នាំនេះ ជាមធ្យមតម្លៃជ័រកៅស៊ូ ចន្លោះពីជាង១ពាន់ ទៅ២ពាន់ដុល្លារ ក្នុងមួយតោន ។
លោក ឃុន កក្កដា អគ្គនាយកស្តីទី នៃអគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និង នេសាទ បានឱ្យដឹងថា ចាប់តាំងពីមានវត្តមាននៅលើទឹកដីកម្ពុជា ដំណាំកៅស៊ូ បានផ្សារភ្ជាប់ និងបំពេញតួនាទីយ៉ាងសកម្មក្នុងការរួមចំណែកទ្រទ្រង់សេដ្ឋកិច្ច សង្គម និងបរិស្ថាននៃប្រទេសកម្ពុជា រហូតដល់បច្ចុប្បន្ន ។
លោកបានបន្តថា នៅឆ្នាំ២០២៤នេះ ផលិតផលជ័រកៅស៊ូសម្រេចបានប្រមាណជាង៤០ម៉ឺនតោន បើធៀបនឹងឆ្នាំ២០២៣ មានការកើនឡើងចំនួន៤ភាគរយ និងរកចំណូលបានជាង៦៤០លានដុល្លារកើនជាង៣០ភាគរយ ដែលថ្លៃលក់ជាមធ្យមក្នុងមួយឆ្នាំនេះ គឺជាង១ពាន់៦០០ដុល្លារ ក្នុងមួយតោនកើនឡើង ២៨០ដុល្លារ ហើយសង្ឃឹមថា នឹងឡើងបន្ថែមទៀត ខណៈដែលកម្ពុជា កំពុងមានរោងចក្រផលិតកង់រថ យន្តចំនួនបី និងគ្រោងបង្កើតពីរទៀត ។
លោក គិន ឧត្តមមុនីស៊ីណាត នាយកប្រតិបត្តិក្រុមហ៊ុនផលិតកង់រថយន្តម៉ាកសាយឡុន (SAILUN TIRE CAMBODIA) បានឱ្យដឹងថា បច្ចុប្បន្ននេះ ក្រុមហ៊ុនបានបោះទុនវិនិយោគប្រមាណមួយពាន់លានដុល្លារនៅក្នុងប្រទេសកម្ពុជា លើការផលិតកង់រថយន្ត ហើយបាននាំចេញទៅលក់នៅប្រទេស ជាង៣០ទូទាំងពិភពលោក ។
លោកបានបញ្ជាក់ថា ក្រុមហ៊ុនសាយឡុន បានប្រមូលទិញជ័រកៅស៊ូប្រមាណជាង៣០ភាគរយ នៃ ផ្ទៃដីដំណាំកៅស៊ូជាង៤០ម៉ឺនហិកតានៅក្នុងប្រទេសកម្ពុជា ជាមួយនឹងការបង្កើតការងារជូនពលរដ្ឋបាន ជាង៧ពាន់នាក់ ហើយឆ្នាំក្រោយ បន្ទាប់ពីក្រុមហ៊ុនពង្រីកការវិនិយោគ នឹងបង្កើតការងារដល់ជាង ១ម៉ឺននាក់។
សូមបញ្ជាក់ថា ដំណាំកៅស៊ូ បានចាប់បដិសន្ធិនៅកម្ពុជា នៅឆ្នាំ១៩២០ ដោយមានក្រុមហ៊ុនវិនិយោគិនបារាំងធំៗចំនួន៥ បានបង្កើតចម្ការកៅស៊ូកសិ-ឧស្សាហកម្ម ដែលដំបូងដាំនៅខេត្តកំពង់ចាម ក្រចេះ និងខេត្តកំពង់ធំ ។ គិតត្រឹមឆ្នាំ១៩៦៩ កម្ពុជា មានផ្ទៃដីដាំដុះកៅស៊ូ សរុបជាង៦៤០ពាន់ហិកតា ដែលក្នុង នោះជាង៣៩០ពាន់ហិកតា ចៀរជ័រយកផលជ័របានចំនួន៥០ពាន់តោន សម្រាប់បម្រើសេចក្តីត្រូវការក្នុង ស្រុក និងនាំចេញប្ដូរយករូបីយបណ្ណអន្តរជាតិ។ ក្នុងរយៈពេលជាង២០ឆ្នាំចុងក្រោយ (២០០០-២០២០) ផ្ទៃដីដំណាំកៅស៊ូបានកើនឡើង៨ដង ដោយឆ្នាំ២០០០ មានត្រឹម៥ម៉ឺនដើម ហើយមកដល់ឆ្នាំនេះ មានផ្ទៃដីដំណាំកៅស៊ូ ចំនួន៤២៥ពាន់ ៤៤៣ហិកតា ក្នុងនោះ៥២ភាគរយ ជាចម្ការកៅស៊ូកសិឧស្សាហ កម្ម និង៤៨ភាគរយ ជាផ្ទៃដីកៅស៊ូគ្រួសារ៕ អត្ថបទ៖ សុខរិទ្ធិ
-
ព័ត៌មាន1 week agoសម្តេចបវរធិបតី និងលោកជំទាវបណ្ឌិត ឧបត្ថម្ភគ្រឿងឧបភោគបរិភោគ និងសម្ភារប្រើប្រាស់ ជូនយោធភូមិភាគទី៣
-
ព័ត៌មាន1 week agoសម្ដេចធិបតី នាយករដ្ឋមន្រ្ដី អញ្ជើញជួបជាមួយឯកអគ្គរដ្ឋទូតវៀតណាមប្រចាំកម្ពុជា ក្នុងជំនួបសម្តែងការគួរសម និងជម្រាបលា
-
ព័ត៌មាន6 days agoសម្តេចធិបតី ផ្តាំទៅប្រទេសមួយចំនួនចេញរបាយការណ៍ទាក់ទងការជួញដូរមនុស្ស គប្បីត្រូវមានតម្លាភាព
-
ព័ត៌មាន1 week agoសម្ដេចធិបតី៖ រយៈពេលជាងមួយឆ្នាំនេះ ពលរដ្ឋបានចូលជាសមាជិក ប.ស.ស មានការកើនឡើងច្រើន
-
ព័ត៌មាន6 days agoសម្តេចធិបតី៖ ស្ថាប័នពាក់ព័ន្ធត្រូវឆ្លើយតបឱ្យទាន់ពេលវេលាចំពោះព័ត៌មានក្លែងក្លាយបង្ខូចកម្ពុជា
-
ព័ត៌មាន6 days agoសម្ដេចធិបតី៖ ការទប់ស្កាត់អំពើជួញដូរមនុស្សហាក់មានភាពស្មុគស្មាញ ដោយសារបន្លំជាមួយភាពស្របច្បាប់
-
ព័ត៌មាន6 days agoសម្ដេចធិបតីនាយករដ្ឋមន្រ្ដី៖ អំពើជួញដូរមនុស្សមិនត្រឹមតែធ្វើឱ្យប៉ះពាល់ដល់ជនរងគ្រោះប៉ុណ្ណោះទេ ថែមទាំងធ្វើឱ្យប៉ះពាល់ដល់កិត្តិនាមរបស់កម្ពុជា
-
ព័ត៌មាន1 week agoវៀតណាម និងឥណ្ឌូណេស៊ី បើកការប្រកួតពានរង្វាន់អាស៊ាន២០២៤ សុទ្ធតែឈ្នះរៀងៗខ្លួន