និស្សិតបងប្អូនស្រីភ្លោះមកពីខេត្តត្បូងឃ្មុំ ប្រឹងប្រែងចាប់ជំនាញវិស្វកម្មអគ្គិសនី ដោយមិនខ្វល់ពីអ្នកភូមិរិះគន់

និស្សិតបងប្អូនស្រីភ្លោះពីរនាក់មកពីខេត្តត្បូងឃ្មុំ កំពុងខិតខំប្រឹងប្រែងចាប់​យក​ជំនាញ​វិស្វកម្ម​អគ្គិសនី​​​នៅវិទ្យាស្ថានជាតិ​ពហុបច្ចេកទេស​កម្ពុជា(NPIC) ដោយមិនខ្វល់ពីអ្នកភូមិរិះគន់ ខណៈ​ដែល​ជំនាញមួយនេះមិនសូវមានការចាប់អាម្មណ៍ពីសិស្ស​និស្សិតជានារីនោះទេ។

និស្សិត​បង​ប្អូនភ្លោះទាំងពីរបានបញ្ចាក់ដូចគ្នាថា៖«វាជារឿយៗអ្នកជិតខាងខ្ញុំតែងតែសួរថា រៀន​ធ្វើ​​អី​នារីរៀនខាងអគ្គិសនី រៀងខាងជាងភ្លើង? ប៉ុន្ដែពួកខ្ញុំប្រាប់ពួកគាត់ថា ឥឡូវ​នឹង​ជឿន​លឿន​ហើយ​ ពួកខ្ញុំទៅរៀនជំនាញបច្ចេកទេស មិនមែនត្រឹមតែឡើងលើបង្គោលភ្លើងហ្នឹងនោះទេ ហើយ​ពួក​ខ្ញុំ​ធ្វើការងារតែជាមួយកុំព្យូទ័រដែលទាក់ទងនឹងការងារវិសយ្គិសនីហ្នឹង មិនមែនទៅ​ឡើង​បង្គោល​ភ្លើង​ដូចមីងគិតនោះទេ»។

កញ្ញា គូ ចន្ថាត ជានិស្សិតនៅវិទ្យាស្ថាន NPIC នៃក្រសួងការងារ និងបណ្ដុះបណ្ដាល​វិជ្ជាជីវៈ​បាន​និយាយ​ថា នៅពេលសួរអំពីការសម្រេចចិត្តបន្តការសិក្សាផ្នែកវិស្វកម្មអគ្គិសនី កញ្ញាបានបង្ហាញ​ពី​ទំនុក​ចិត្ត​ខ្ពស់ទាក់ទងនឹងទីផ្សារការងារដ៏ធំក្នុងវិស័យនេះ ដោយសារបានស្វែង​យល់​ពី​ឱកាស​ការងារ​ដែល​មានសក្តានុពលតាមរយៈសិស្សច្បងណែនាំកញ្ញាបានស្គាល់​ជំនាញនេះ​កាន់​តែ​ច្បាស់​។

កញ្ញា​បន្តថា ការចាប់ផ្ដើមនៃការសិក្សារដំបូង គឺមិនសូវយល់ច្បាស់ពីមេរៀនដែលលោកគ្រូ អ្នក​គ្រូ​បាន​បង្ហាត់បង្រៀននោះទេ ហើយថែមទាំងមានមេរៀនទាក់ទងនឹងបច្ចេកទេស ដែលត្រូវការ​អនុវត្ត​ជាមួយ​នឹងប៊ិចភ្លើង ព្រីភ្លើង និងឧបករណ៍សម្រាប់ប្រើប្រាស់ក្នុងវិស័យអគ្គិសនីថែមទៀត។

បំណាច់​ស្រលាញ់ជំនាញមួយនេះ កញ្ញា ចន្ថាត បានដាក់ចិត្តដាក​កាយខិតខំ​ប្រឹងប្រែង​រហូត​មាន​រយៈ​ពេល​ពីរ​ឆ្នាំ ហើយថា កញ្ញាបានត្រៀមខ្លួន ដើម្បីទទួលយកភាព​ជោគជ័យ​ក្នុង​ការ​ប្រឡង​ជា​បន្ត​បន្ទាប់​ខាង​មុខ​នេះ ដែលជាការសាកល្បងសមត្ថភាព ខណៈកញ្ញាមានជំនឿចិត្តចំ​ពោះ​ការ​ប្រឹង​ប្រែង​របស់​ខ្លួនកន្លងមកនេះ។

កញ្ញានិយាយ​ដោយជឿជាក់ថា ការប្រឹងប្រែងរបស់ខ្លួននឹងនាំទៅរកលទ្ធផលជាវិជ្ជមាន ខណៈ​ដែល​កញ្ញាបានទន្ទឹងរង់ចាំ ដើម្បីទទួលបានបទពិសោធន៍ថ្មីៗបន្ថែមទៀត។ ការសិក្សានេះ នឹង​ផ្តល់​បទ​ពិសោធន៍គ្រប់គ្រាន់ ដើម្បីជួយឱ្យកញ្ញាមានជំនាញ និងមានឱកាសស្វែងរកការងារ។

ចំណែក​កញ្ញា គូ ចន្ថាន ដែលត្រូវជាប្អូនស្រីរបស់កញ្ញា ចន្ថាត ក៏មានក្ដីសង្ឃឹមផងដែរថា កញ្ញា​នឹង​អាច​ទទួលបានការងារដែលសាកសមនឹងជំនាញរបស់ខ្លួន និងផ្តល់ប្រាក់​បៀវត្សរ៍​សមរម្យ​ដែល​អាច​ឱ្យ​កញ្ញាអាចជួយផ្គត់ផ្គង់ជីវភាពគ្រួសារនៅស្រុកកំណើត។

កញ្ញាបានជឿជាក់ថា៖«ខ្ញុំក៏មិនខុសពីបងស្រីខ្ញុំដែរ គឺអ្នកភូមិតែងសួរពីការំនាញគិសនី យ៉ាង​ណា្ញុំនៅតែជឿជាក់ថា ខ្ញុំនឹងអាចរកប្រាក់ច្រើនក្នុងអាជីពរបស់ខ្លួន ដើម្បីជួយ​ផ្គត់ផ្គង់​គ្រួសារ​របស់ខ្ញុំបន្ទាប់ពីរៀនចប់ ដោយមិនចាប់អារម្មណ៍ពីការរិះគន់ទេ អ្វីដែលសំខាន់​វាជា​មុខ​ជំនាញ​ដែល​ខ្ញុំស្រលាញ់»។

កញ្ញា ចន្ថាន មានមោទនភាពចំពោះឱកាសដែលផ្តល់ដោយ NPIC ដែលចាត់ទុកថា ការជួយ​បណ្ដុះ​បណ្ដាលធនធានមនុស្សដ៏សំខាន់។ កញ្ញាថា NPIC គឺជាសាលា​ដែល​សម្បូរ​ទៅ​ដោយ​ជំនាញ​បច្ចេកទេស សាស្ត្រាចារ្យមានបទពិសោធន៍ គ្រូបង្រៀនមានបច្ចេកវិទ្យា និងឧបករណ៍​ចាំបាច់​សម្រាប់ការសិក្សាអនុវត្តជាក់ស្តែងតាមស្ដង់ដារអន្តរជាតិ។

កញ្ញា​បន្តថា មិត្តភ័ក្តិ និងសិស្សច្បងរបស់កញ្ញាសុទ្ធតែទទួលបានជោគជ័យ ក្រោយ​ពី​បញ្ចប់​ការ​សិក្សា​ដែល​អាចបន្តការសិក្សានៅក្រៅប្រទេស ហើយអាចបង្កើតអាជីវកម្មផ្ទាល់ខ្លួន និងមាន​សមត្ថភាព​ប្រឡង​ចូលជាមន្ត្រីរាជការផងដែរ៕