មនុស្សរាប់សិបនាក់បន្តស្លាប់នៅតំបន់ហ្កាហ្សា ខណៈកិច្ចចរចាបទឈប់បាញ់បង្កើនល្បឿន

ក្រុមអ្នកសម្រុះសម្រួលរបស់សហរដ្ឋអាមេរិក និងអារ៉ាប់ កំពុងធ្វើការឥតសម្រាកដើម្បីឈានដល់កិច្ចព្រមព្រៀងបទឈប់បាញ់រវាងអ៊ីស្រាអែល និងក្រុមហាម៉ាស ខណៈក្រុមគ្រូពេទ្យនៅតំបន់ហ្កាហ្សាស្ទ្រីប បាននិយាយថា ការវាយប្រហាររបស់អ៊ីស្រាអែល បានសម្លាប់ជនជាតិប៉ាឡេស្ទីន ៤៤នាក់ កាលពីថ្ងៃព្រហស្បតិ៍ (១៩ ធ្នូ)។

ក្រុមសម្រុះសម្រួល នៅឯកិច្ចពិភាក្សាក្នុងប្រទេសអេហ្ស៊ីប និងកាតា កំពុងព្យាយាមបង្កើតកិច្ចព្រមព្រៀងមួយដើម្បីផ្អាកសង្គ្រាមរយៈពេល ១៤ខែនៅក្នុងតំបន់ហ៊ុមព័ទ្ធគ្រប់គ្រងដោយក្រុមហាម៉ាស ដែលនឹងរួមបញ្ចូលការដោះលែងចំណាប់ថ្នូរដែលចាប់បានពីអ៊ីស្រាអែលនៅថ្ងៃទី០៧ ខែតុលា ឆ្នាំ២០២៣ ដោះដូរជាមួយអ្នកទោសប៉ាឡេស្ទីន នៅអ៊ីស្រាអែល។

ប្រភពនិយាយថា អ្នកសម្រុះសម្រួលបានកាត់បន្ថយគម្លាតមួយចំនួនលើចំណុចជាប់គាំងពីមុន ប៉ុន្តែភាពខុសគ្នានៅតែមាន។ ជាមួយគ្នានេះ អង្គការគ្រូពេទ្យគ្មានព្រំដែន កាលពីថ្ងៃព្រហស្បតិ៍ បានចេញរបាយការណ៍មួយថា មានសញ្ញាច្បាស់លាស់នៃការបោសសម្អាតជនជាតិភាគតិចនៅក្នុងការវាយលុករបស់អ៊ីស្រាអែល ដោយសារប្រជាជនប៉ាឡេស្ទីន ត្រូវបានជម្លៀសដោយបង្ខំ និងរងការទម្លាក់គ្រាប់បែក។

មិនមានការអត្ថាធិប្បាយភ្លាមៗពីអ៊ីស្រាអែលលើរបាយការណ៍នេះទេ ប៉ុន្តែអ៊ីស្រាអែល ពីមុនបានបដិសេធថាខ្លួនមិនបានអនុវត្តការបោសសម្អាតជនជាតិភាគតិចឡើយ ហើយថា យុទ្ធនាការរបស់ខ្លួនមានគោលបំណងលុបបំបាត់ក្រុមហាម៉ាស និងរារាំងក្រុមនេះមិនឱ្យប្រមូលផ្តុំគ្នាឡើងវិញ៕