ក្រុមបាតុករនៅទីក្រុង Tel Aviv និយាយថា ប្រទេសអ៊ីស្រាអែលត្រូវការរដ្ឋាភិបាលថ្មី

ពលរដ្ឋអ៊ីស្រាអែលរាប់រយនាក់បានចេញតវ៉ានៅតាមផ្លូវនានានៃទីក្រុង Tel Aviv កាលពីថ្ងៃសៅរ៍ ២១ ធ្នូ ដោយអំពាវនាវឱ្យរដ្ឋាភិបាលរបស់លោក Benjamin Netanyahu លាលែងពីតំណែង។

ក្រុមបាតុករបានកាន់បដា ស្រែក និងគ្រវីទង់ជាតិអ៊ីស្រាអែល ។ការតវ៉ាជាបន្តបន្ទាប់នៅតែបន្ត ដោយអំពាវនាវឲ្យរដ្ឋាភិបាលព្រមព្រៀងឲ្យមានបទឈប់បាញ់និងដោះលែងចំណាប់ថ្នូរ។

នៅឯការតវ៉ាជាមួយកូនស្រីពីរនាក់របស់លោក លោក Amit Shurin បាននិយាយថា រដ្ឋាភិបាលរបស់លោក Netanyahu បានសម្រេចចិត្តដ៏គួរឱ្យភ័យខ្លាច។ អ្នកតវ៉ាម្នាក់ទៀតឈ្មោះ Yove Puer បាននិយាយថា ពួកគេចង់បានរដ្ឋាភិបាលដែលអាចមើលថែពលរដ្ឋឲ្យបានល្អជាងនេះ។

សវនាការកាត់ទោសអំពើពុករលួយរយៈពេលយូររបស់លោក Netanyahu បានបន្តនៅដើមខែធ្នូនេះ។ ជាលើកដំបូងចាប់តាំងពីការផ្ទុះឡើងនៃសង្រ្គាម ហ្ា កាលពីឆ្នាំ២២៣ លោក Netanyahu បានប្រកាន់ជំហរក្នុងដំណើរការនីតិវិធីដែលបានបង្កឲ្យមានការខ្វែងគំនិតយ៉ាងជូរចត់ក្នុងចំណោមប្រជាជនអ៊ីស្រាអែល ។

យោងតាមប្រភពជិតស្និទ្ធនឹងការចរចាបានឱ្យដឹងថា ខណៈឆ្នាំ២០២៤ ជិតឈានដល់ទីបញ្ចប់ នាយករដ្ឋមន្ត្រីអ៊ីស្រាអែលទំនងជានឹងយល់ព្រមចុះហត្ថលេខាលើកិច្ចព្រមព្រៀងឈប់បាញ់ជាមួយក្រុមហាម៉ាស ដើម្បីបញ្ឈប់សង្គ្រាមហ្កាហ្សារយៈពេល១៤ ខែ និងការដោះលែងចំណាប់ខ្មាំងអ៊ីស្រាអែលដែលត្រូវបានឃុំខ្លួនក្នុងដៃក្រុមហាម៉ាសនៅដែនដីហ្កាហ្សា៕