ប្រធានាធិបតីអ៊ុយក្រែន និយាយថា សមាជិកភាពនៃសម្ព័ន្ធណាតូរបស់អ៊ុយក្រែន អាចសម្រេចបាន

លោកប្រធានាធិបតី Volodymyr Zelenskiy បានប្រាប់អ្នកការទូតអ៊ុយក្រែនក្នុងសុន្ទរកថាមួយកាលពីថ្ងៃអាទិត្យថា សមាជិកភាពរបស់អ៊ុយក្រែនក្នុងសម្ព័ន្ធអង្គការណាតូ គឺអាចសម្រេចបានប៉ុន្តែទីក្រុង Kyiv នឹងត្រូវព្យាយាមបញ្ចុះបញ្ចូលសម្ព័ន្ធមិត្តដើម្បីអាចឱ្យកើតឡើងបាន។

អ៊ុយក្រែនបានជំរុញម្តងហើយម្តងទៀតឱ្យអង្គការណាតូអញ្ជើញក្រុងគីវចូលជាសមាជិក។ សម្ព័ន្ធយោធាលោកខាងលិចមួយនេះ បាននិយាយថា អ៊ុយក្រែននឹងចូលរួមនៅថ្ងៃណាមួយ ប៉ុន្តែពុំបានកំណត់កាលបរិច្ឆេទ ឬចេញលិខិតអញ្ជើញនោះទេ។

ទីក្រុងមូស្គូបានលើកឡើងពីការរំពឹងទុករបស់អ៊ុយក្រែនចូលរួមក្នុងអង្គការណាតូថាជាហេតុផលចម្បងមួយឈានដល់ការលុកលុយឆ្នាំ២០២២ ។ទីក្រុង Kyiv និយាយថា សមាជិកភាពនៅក្នុងកតិកាសញ្ញាការពារទៅវិញទៅមករបស់សម្ព័ន្ធមិត្តលោកខាងលិច ឬទម្រង់នៃការធានាសន្តិសុខសមមូលនឹងមានសារៈសខាន់ំពោះផែនការន្តិភាពណាមួយ ដើម្បីធានាថារុស្ស៊ីមិនវាយប្រហារម្តងទៀត។

លោក Zelenskiy បានប្រាប់ក្រុមអ្នកការទូតនៅឯកិច្ចប្រជុំមួយក្នុងទីក្រុង Kyiv ថា យើងទាំងអស់គ្នាយល់ថា ការអញ្ជើញរបស់អ៊ុយក្រែនទៅកាន់អង្គការ NATO និងសមាជិកភាពក្នុងសម្ព័ន្ធភាពនេះ អាចគ្រាន់តែជាការសម្រេចចិត្តផ្នែកនយោបាយប៉ុណ្ណោះ ។សម្ព័ន្ធភាពសម្រាប់អ៊ុយក្រែនគឺអាចសម្រេចបាន ប៉ុន្តែអាចសម្រេចបានលុះត្រាតែយើងតស៊ូដើម្បីការសម្រេចចិត្តនេះនៅគ្រប់កម្រិតចាំបាច់៕