សម្តេចធិបតីបញ្ជាក់ថា ក្រសួងអប់រំគ្មានដាក់ភាសាវៀតណាម ចូលក្នុងកម្មវិធីសិក្សាថ្នាក់ជាតិនោះឡើយ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអះអាងថា ក្រសួងអប់រំ យុវជន និងកីឡា គ្មានគម្រោងណាមួយដាក់ភាសាប្រទេសដទៃ ជាពិសេសគឺភាសាវៀតណាមតែម្តង បញ្ចូលក្នុងកម្មវិធីសិក្សាថ្នាក់ជាតិ ដូចការឃោសនារបស់ជនអគតិមួយចំនួននោះឡើយ។

ថ្លែងក្នុងឱកាសអញ្ជើញសំណេះសំណាលជាមួយសិស្សនិទ្ទេស A និងសិស្សប្រឡងសញ្ញាបត្របច្ចេកទេស និងវិជ្ជាជីវៈកម្រិត៣ នាថ្ងៃទី២៣ ខែធ្នូ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋ បានថ្លែងថា ប៉ុន្មានថ្ងៃមកនេះ មានបុគ្គលមួយចំនួនតូច បានផ្សព្វផ្សាយបែបបំភ្លើសការពិតថា ក្រសួងអប់រំ យុវជន និងកីឡា នឹងដាក់ភាសាវៀតណាម ចូលក្នុងកម្មវិធីសិក្សាសម្រាប់ថ្នាក់ជាតិ ដោយសម្តេច បានឆ្លើយតបថា ការផ្សព្វផ្សាយបែបនេះ គឺជាការញុះញង់ និងមានចេតនាឲ្យប្រជាពលរដ្ឋមានការយល់ច្រឡំមកលើថ្នាក់ដឹកនាំ និងក្រសួងអប់រំ។ សម្តេចបានបញ្ជាក់បន្ថែមថា ដរាបណាគណបក្សប្រជាជនកម្ពុជាដឹកនាំប្រទេស គឺមិនអនុញ្ញាតឲ្យដាក់ភាសាដទៃ ចូលក្នុងកម្មវិធីសិក្សាថ្នាក់ជាតិនោះឡើយ។

ជាមួយគ្នានោះដែរ សម្តេចធិបតីនាយករដ្ឋមន្រ្តី ក៏បានអំពាវនាវដល់បណ្តាសាលាឯកននាទាំងអស់ ឲ្យដាក់កម្មវិធីសិក្សាាភាសាខ្មែរ ច្រើនជាងភាសាបរទេសផងដែរ ដើម្បីលើកកម្ពស់ដល់ភាសាជាតិ ហើយសម្តេច ក៏បានណែនាំឲ្យក្រសួងអប់រំ យុវជន និង កីឡាបន្តកែទម្រងកម្មវិធីសិក្សាសម្រាប់ថ្នាក់មូលដ្ឋាន ដោយផ្តោតជាសំខាន់លើភាសាខ្មែរជាសំខាន់ផងដែរ៕ អត្ថបទបាន ចក់